Яңалыклар

Бүген Казанда «Пирамида» мәдәни-күңел ачу комплексында Татарстан Республикасы Президенты каршындагы Эшкуарлык советының 14 нче киңәйтелгән утырышы узды. Утырыш Татарстан Республикасы Президенты Рөстәм Миңнеханов рәислегендә узды. Чарада ТР Дәүләт Советы Рәисе Фәрит Мөхәммәтшин, Татарстан Премьер-министры Алексей Песошин, республика министрлыклары һәм ведомстволары җитәкчеләре, шулай ук бизнес бергәлегенең 200дән артык вәкиле катнашты.

1 мартта «Зөя  калкулыклары» курорт шәһәре базасында Татарстан Республикасы Президенты Кубогына тау чаңгысы спорты һәм сноуборд буенча III фестиваль узды. Ярышларда республиканың  дәүләт һәм муниципаль хакимият органнары, сәнәгать һәм төзелеш предприятиеләре, хезмәт күрсәтү өлкәсе, спорт оешмалары коллективларынан командалар,  150 дән артык кеше катнашты. Дәүләт Советы Аппараты хезмәткәрләре Игорь Григорьев һәм Сафия Гәрәева дәүләт учреждениеләре хезмәткәрләре профсоюзы командасы составында чыгыш ясадылар.

Бүген Дәүләт Советы Рәисе Фәрит Мөхәммәтшин парламентның эксперт советлары рәисләре һәм профиль комитетлары җитәкчеләре белән очрашты. Нәтиҗәлелекне арттырырга, эшнең яңа формаларын табарга, проблемаларны тикшергән вакытта формальлектән качарга – парламент башлыгы эксперт советы алдына әнә шундый бурычлар куйды.

Бүген Казан техник фәнни-тикшеренү университеты - КАИ базасында Татарстан предприятиеләрендә эшләү өчен инженер-техник кадрлар әзерләү системасын үстерү проблемалары һәм стратегиясе буенча "түгәрәк өстәл" узды. "Татарстан-яңа гасыр" депутат берләшмәсе тәкъдиме белән уздырылган чараның  модераторы парламентның Икътисад, инвестицияләр һәм эшкуарлык комитеты әгъзасы Марат Галиев булды.

Бүген республика Министрлар кабинетында Татарстаннан сайланган РФ ФС Федерация Советы әгъзалары һәм Дәүләт Думасы депутатлары белән киңәшмә узды, аны республика Президенты Рөстәм Миңнеханов үткәрде. Республика икътисадына федераль бюджет акчаларын җәлеп итү, Татарстанның федераль максатчан программаларда катнашуы һәм закон чыгару инициативаларын федераль дәрәҗәдә алга җибәрү мәсьәләләре хакында булган утырыш эшендә ТР Дәүләт Советы Рәисе Фәрит Мөхәммәтшин катнашты.

Бүген КПРФ фракциясе Дәүләт Советында республика парламенты депутатларының җирле үзидарәләрнең вәкиллекле органнары депутатлары белән үзара хезмәттәшлеге мәсьәләләре буенча семинар-киңәшмә уздырды. Анда РФ ФС Дәүләт Думасының,  ТР Дәүләт Советының  КПРФ фракциясе әгъзалары һәм шәһәр, район советлары депутатлары катнашты.

Россия Президенты Владимир Путин Дәүләт Советы Рәисе Фәрит Мөхәммәтшинның Төп законда милли республикаларда туган телләрне саклау һәм үстерү турындагы нигезләмәне беркетү зарурлыгы турындагы фикерен хуплады.

Бүген Социаль сәясәт комитеты рәисе Светлана Захарова эш сәфәре белән Яр Чаллыда булды, анда ул Бөек Ватан сугышы ветераннары белән очрашуда һәм ана капиталына сертификатлар тапшыру тантанасында катнашты, гражданнарны кабул итте.

Бүген Дәүләт Советында парламент башлыгы Фәрит Мөхәммәтшин рәислегендә узган киңәшмәдә Татарстан Дәүләт Советының РФ ФС Дәүләт Думасы каравына кертелгән   закон чыгару инициативалары турындасөйләштеләр.

24 февральдә Дәүләт филармониясендә Татарстан Республикасының элеккеге Прокуроры Кафил Әмиров белән хушлашу мәрәсиме булды.  Чарага ТР Президенты Рөстәм Миңнеханов, ТР Дәүләт Киңәшчесе Минтимер Шәймиев, ТР Премьер-министры Алексей Песошин, ТР Прокуроры Илдус Нәфыйков, ТР Дәүләт Советы депутатлары, министрлыклар һәм ведомстволар, иҗтимагый оешмалар җитәкчеләре һәм җаваплы хезмәткәрләре килгән иде. Гражданнар панихидасын ТР Дәүләт Советы Рәисе Фәрит Мөхәммәтшин ачты.