Яңалыклар

Дәүләт Советы депутатларының округларда эшләве дәвам итә. Бу атнада парламентарийлар гражданнарны кабул итте, республика муниципалитетларында сайлаучылар белән очрашты, шәһәр һәм район Советлары утырышларында катнашты.

Бүген Дәүләт Советында «Яшь хезмәткәр мәктәбе» квалификация күтәрү программасы кысаларында Казан федераль университетының Дәүләт һәм муниципаль идарә югары мәктәбе тыңлаучылары өчен традицион семинар узды. Анда катнашучылар – республика министрлыклары һәм ведомстволары, муниципаль хакимият органнары хезмәткәрләре. Дәүләт Советы Секретаре Лилия Маврина аларга парламент эшенең үзенчәлекләре турында сөйләде.

Бүген РФ ФС Федерация Советы һәм Үзбәкстан Республикасы Олуг Мәҗлесе Сенаты (парламентның югары палатасы) арасында хезмәттәшлек комиссиясе әгъзалары республика үзбәкләренең милли-мәдәни автономиясе активы һәм Татарстанда белем алучы Үзбәкстан студентлары белән очрашты. Татарстан халыклары Дуслыгы йортында узган очрашуда Дәүләт Советы Рәисе, Татарстан халыклары Ассамблеясе Рәисе Фәрит Мөхәммәтшин катнашты.

Бүген Дәүләт Советында узган РФ ФС Федерация Советы һәм Үзбәкстан Республикасы Олуг Мәҗлесе Сенаты (парламентның югары палатасы) арасында хезмәттәшлек комиссиясе утырышында Россия Федерациясе һәм Үзбәкстан Республикасы арасында парламентара хезмәттәшлеген киңәйтү, шул исәптән төбәкара элемтәләр, аграр продукция китерү өлкәсендә икътисадларны интеграцияләү, шулай ук ике ил арасында туристлар алмашуны активлаштыру мәсьәләләре хакында фикер алыштылар. Утырышта Россия Федерациясе сенаторы, РФ ФС Федерация Советы һәм Үзбәкстан Олуг Мәҗлесе Сенаты арасында хезмәттәшлек комиссиясе рәистәше Ильяс Умаханов, Үзбәкстан Олуг Мәҗлесе Сенаты Рәисенең беренче урынбасары Садыйк Сафаев, Татарстан Дәүләт Советы Рәисе Фәрит Мөхәммәтшин катнашты.

Бүген Дәүләт Советында «2026 елга, 2027 һәм 2028 еллар план чорына Татарстан Республикасы бюджеты турында» закон проекты буенча парламент тыңлаулары узды. Республиканың төп финанс законы буенча фикер алышуда Дәүләт Советы Рәисе урынбасары Марат Әхмәтов, республика Премьер-министры Алексей Песошин, Дәүләт Советы депутатлары, Хөкүмәт әгъзалары, профильле министрлыклар һәм ведомстволар, иҗтимагый оешмалар җитәкчеләре катнашты. Парламент тыңлауларын Бюджет, салымнар һәм финанслар комитеты рәисе Леонид Якунин үткәрде.

Бүген Җиңү паркында Казан шәһәре Дан мемориалы колоннадасы янында Үзбәкстан Республикасы парламенты делегациясе һәм Россия Федерациясе сенаторлары катнашында Мәңгелек утка чәчәкләр салу тантанасы булды. Чарада ТР Дәүләт Советы Рәисе урынбасары Юрий Камалтынов, ТР Дәүләт Советының Икътисад, инвестицияләр һәм эшкуарлык комитеты рәисе Рәгать Хөсәенов, Дәүләт корылышы һәм җирле үзидарә комитеты рәисе Альберт Хәбибуллин катнашты.

Мәскәүдә «Бердәм Россия» оештырган «Киләчәкне булдыручы хатын-кызлар» дип аталган өченче Бөтенроссия форумы узды. Чарада илнең 89 төбәгеннән 700дән артык  кеше – активистлар, сәясәтчеләр, депутатлар, экспертлар һәм иҗтимагый оешмалар вәкилләре катнашты. Татарстан Республикасыннан форумда Дәүләт Советының «Мәрхәмәт-Милосердие» хатын-кыз депутатлар берләшмәсе җитәкчесе Алсу Нәбиева һәм Социаль сәясәт комитеты рәисе урынбасары Ольга Воронова катнашты.

Олуг Мәҗлес Сенаты (Үзбәкстан парламентының югары палатасы) Рәисенең беренче урынбасары Садыйк Сафаев җитәкчелегендәге Үзбәкстан Республикасы парламент делегациясе Казанга килде. Габдулла Тукай исемендәге «Казан» халыкара аэропортында мәртәбәле кунакларны Дәүләт Советы Рәисе урынбасары Юрий Камалтынов, Дәүләт корылышы һәм җирле үзидарә комитеты рәисе Альберт Хәбибуллин, Үзбәкстан Республикасының Казандагы Генераль консулы Нодирҗон Касыймов каршы алды.     

Бүген, 2025/2026 елгы даими сезон башланыр алдыннан, «Зенит-Казан» волейбол клубы Идел буе дәүләт физик культура, спорт һәм туризм университетының концертлар залында җанатарлар белән очрашу һәм уенчыларны тәкъдир итү уздырды. Республика җитәкчелеге исеменнән уенчыларны һәм команда җанатарларын Дәүләт Советы Рәисе, Татарстан Волейбол федерациясе президенты Фәрит Мөхәммәтшин сәламләде. Тантаналы чарада шулай ук Идел буе дәүләт физик культура, спорт һәм туризм университеты ректоры Рафис Борһанов, ТР Спорт министры Владимир Леонов, Дәүләт Советы депутаты, «Газпромтрансгаз Казан» ҖЧҖ генераль директоры Рөстәм Усманов, «Зенит-Казан» ВК президенты Рәфкать Кантюков, клуб директоры Олег Брызгалов катнашты.

Бүген Дәүләт Советында узган Экология, табигатьтән файдалану, агросәнәгать һәм азык-төлек сәясәте комитеты утырышында депутатлар 2026 елга һәм 2027 һәм 2028 елларның планлы чорына республика бюджеты турындагы закон проектын тикшерүне дәвам иттеләр. Утырыш эшендә ТР Дәүләт Советы Рәисе урынбасары Марат Әхмәтов, ТР Рәисенең парламенттагы Тулы вәкаләтле вәкиле Александр Терентьев, ТР Җир һәм мөлкәт мөнәсәбәтләре министры Фәнил Әһлиуллин һәм республика министрлыклары һәм ведомстволары вәкилләре катнашты.