Яңалыклар

Бүген ТР Дәүләт Советы Рәисе, “Бердәм Россия” партиясенең Татарстан төбәк бүлеге секретаре Фәрит Мөхәммәтшин партиянең төбәк иҗтимагый кабул итү бүлмәсендә гражданнарны кабул итте. Мөрәҗәгатьләрнең төп темасы район һәм авыл мәдәният учреждениеләрен төзү һәм капиталь ремонтлау мәсьәләләре булды.

Бүген Камал театрында Татарстанның халык шагыйре, Тукай премиясе лауреаты, ТР Язучылар берлеге рәисе, Дәүләт Советы депутаты Ркаил Зәйдуллинның иҗат кичәсе узды. Танылган язучы республика җитәкчелеге исеменнән ТР Дәүләт Советы Рәисе Фәрит Мөхәммәтшин 60 яшьлек юбилее белән котлады, ул аңа “Татарстан Республикасы алдындагы казанышлары өчен” ордены медален һәм Дәүләт Советы Рәисенең Рәхмәт хатын тапшырды.

Бүген Дәүләт Советында Татарстан Республикасы Президенты каршындагы Татар телен саклау һәм үстерү комиссиясенең киңәйтелгән утырышы узды. Анда РТ Мәгариф һәм фән министрлыгы, ТР Мәдәният министрлыгы, ТР Яшьләр эшләре буенча министрлыгы, ТР Матбугат һәм массакүләм коммуникацияләр агентлыгы җитәкчеләре һәм Казан башкарма комитеты җитәкчесе урынбасары Татарстан халыкларының туган телләрен үстерү өчен шартлар тудыру буенча башкарылган эшләр һәм планнар турында сөйләделәр.

Бүген Дәүләт Советы Рәисе Фәрит Мөхәммәтшин “Маяковский” иҗат киңлегендә яшь гвардиячеләр ачкан “Без бергә” гуманитар штабында булды, Луганск һәм Донецк халык республикаларыннан күченеп килергә мәҗбүр булучыларга ярдәм күрсәтү эшенең ничек оештырылуы белән танышты, шулай ук волонтерлар белән аралашты.

"Парламент-2030" яшьләрнең закон чыгару инициативаларының бишенче  бәйгесе старт алды. Төп тема икътисадый куркынычсызлык һәм финанс тотрыклылык мәсьәләләренә кагыла. Конкурс ТР Мәгариф һәм фән министрлыгы ярдәмендә уздырыла. Ул яшьләрнең  хокукый культурасын үстерүгә, яшь лидерларны ачыклау һәм һәрьяклап әзерләүгә юнәлдерелгән.

Бүген Идел буе федераль округы субъектлары дәүләт хакимиятенең закон чыгару (вәкиллекле) органнары ассоциациясенең алтмыш өченче утырышында сүз һәртөрле чикләүләр шартларында Идел буе федераль округы төбәкләрендә иҗтимагый-сәяси һәм социаль-икътисадый вәзгыятьне тотрыклыландыру чаралары турында барды. Моннан тыш, Идел буе закон чыгаручылары сәламәтлек мөмкинлекләре чикләнгән кешеләр белән бергә яшәүне законнар белән җайга салу мәсьәләләре, каты коммуналь калдыклар белән эш итү өлкәсендә реформаларның хокукый аспектлары, берничә оештыру мәсьәләләре буенча фикер алышты.

Бүген Дәүләт Советы утырышында парламентарийлар «Татарстан Республикасында гражданнар тарафыннан үз ихтыяҗлары өчен бакчачылык һәм яшелчәчелек алып бару өлкәсендә аерым мәсьәләләр турында» Татарстан Республикасы законы проектын хупладылар. Закон проектында гражданнарның бакчачылык һәм яшелчәчелек белән шөгыльләнүенә дәүләт ярдәме чаралары һәм принциплары беркетелә. Проект депутатлар Азат Хамаев, Таһир Һадиев, Валерий Власов тарафыннан кертелгән.

Бүген Дәүләт Советы утырышында җирле үзидарәне оештыруның гомуми принциплары турында Федераль закон кабул ителүгә бәйле рәвештә әзерләнгән җирле үзидарә турында республика законы проектына үзгәрешләр кертү хакында закон проектын бертавыштан хупладылар.

Бүген Татарстан Республикасы Президенты каршындагы Эшкуарлар хокукларын яклау буенча вәкаләтле вәкил Фәрит Габделганиев депутатларга 2021 елда кече һәм урта бизнеска ярдәм итү эше турында мәгълүмат бирде. Парламент республика Хөкүмәтенә кече һәм урта эшкуарлыкка ярдәм чараларын күрсәтү буенча тәкъдимнәр кабул итте.

Депутатлар муниципаль хезмәт турында Татарстан Республикасы кодексына үзгәрешләр кертү хакында закон проектын беренче укылышта һәм тулаем кабул итте. Документны Дәүләт корылышы һәм җирле үзидарә комитеты рәисе Альберт Хәбибуллин тәкъдим итте.