Яңалыклар

Дәүләт Советы Рәисе урынбасары Марат Әхмәтов Бердәм тавыш бирү көнендә катнашты, Татарстан Республикасы Рәисен һәм җирле үзидарәнең вәкиллекле органнарына депутатлар сайлауларда тавыш бирде. Казан милли тикшеренү технология университеты (КНИТУ - КХТИ) бинасында урнашкан 55нче сайлау участогына Марат Әхмәтов хатыны Миләүшә Рәшит кызы белән килде.

Бүген, 14 сентябрьдә, Татарстанда бердәм тавыш бирү көне уза. Сайлауларда республика халкы Татарстан Рәисен сайлаячак. Шулай ук 18 нче Мәләкәс округы буенча Дәүләт Советы депутатын һәм 7,5 меңнән артык муниципаль депутатны сайлаулар узачак.

Дәүләт Советы Рәисе Фәрит Мөхәммәтшин Татарстан Рәисен һәм республиканың муниципаль депутатларын сайлауда тавыш бирде. Казанның Вахитов районында Советлар Союзы Герое А.С. Умеркин исемендәге 116 нчы лицей базасында ачылган 43 нче сайлау участогына парламент җитәкчесе тормыш иптәше Луиза Әкрамовна белән килде.

Дәүләт Советы Рәисе урынбасары, «Бердәм Россия» парламент фракциясе җитәкчесе Юрий Камалтынов Татарстан Рәисен һәм республика муниципаль депутатларын сайлауда катнашты. Ул А.Н. Туполев исемендәге Казан Милли тикшеренү техник университетында (КНИТУ-КАИ) урнашкан 42 нче сайлау участогында тавыш бирде.

Бүген Казанда Казан вертолет заводына нигез салынуга 85 ел тулуга багышланган тантаналы чара узды. Тарихы 1940 елдан башланган  предприятиенең хезмәт коллективын һәм җитәкчелеген республика Рәисе, Татарстан парламенты һәм Хөкүмәте исеменнән Дәүләт Советы Рәисе Фәрит Мөхәммәтшин котлады.

Законлылык һәм хокук тәртибе комитеты рәисе урынбасары, Россия Герое Рәсим Баксиков бу көннәрдә 9-14 сентябрьдә Ханты-Мансийск шәһәрендә уза торган «Добрино» гражданлык җәмгыятен үстерү Бөтенроссия форумы чараларында катнаша. Форумда катнашучылар коммерциячел булмаган секторның тотрыклылыгын арттыру, кадрлар потенциалын үстерү, хезмәт һәм социаль җаваплылык аша гражданлык җәмгыятен тәрбияләү мәсьәләләре буенча фикер алышалар.

Дәүләт Советы депутатларының округларда эшләве дәвам итә. Бу атнада парламентарийлар гражданнарны кабул итте, республика муниципалитетларындагы социаль объектларда булды, ишегалды бәйрәмнәрендә кунакта булды һәм район һәм шәһәр Советлары сессияләрендә катнашты.  

Бүген Татарстан Республикасы Министрлар Кабинеты утырышында 2026-2028 елларга Республиканың социаль-икътисади үсешен фаразлауның төп параметрлары турында фикер алыштылар. Республика Премьер-министры Алексей Песошин үткәргән утырышта Татарстан Рәисе Рөстәм Миңнеханов, Дәүләт Советы Рәисе Фәрит Мөхәммәтшин, профильле министрлыклар һәм ведомстволар вәкилләре, парламент депутатлары, республика шәһәрләре һәм районнары башлыклары катнашты.

Казанда «Гаилә бергә» хәйрия фондының Гаилә йортында «Бердәм Россия» партиясенең төбәк иҗтимагый кабул итү бүлмәсе проекты кысаларында чираттагы «Әкият терапиясе» сеансы узды. Кечкенә пациентлар өчен Корней Чуковскийның «Доктор Айболит» әсәрен Социаль сәясәт комитеты рәисе Светлана Захарова укыды.

ТР Дәүләт Советы Рәисе урынбасары Марат Әхмәтов Чаллыда  эш сәфәрендә булды. Анда автошәһәр мэры Наил Мәһдиев белән бергә төзекләндерелгән 54 нче гимназияне карады, уку процессы белән танышты, педагоглар һәм укучылар, милли көрәш белән шөгыльләнүче гимназист-спортчылар белән аралашты. Моннан тыш, Марат Әхмәтов быел капиталь ремонттан соң ачылган «Орион» яшьләр үзәгендә булды.