Яңалыклар

23
март, 2023 ел
пәнҗешәмбе

Бүген Дәүләт Советы утырышында депутатларга 2022 елда Эшкуарлар хокукларын яклау буенча Татарстан Республикасы Рәисе каршындагы вәкаләтле вәкилнең эшчәнлеге йомгаклары һәм 2023 елга бурычлары турында мәгълүмат тапшырылды. Әлеге мәсьәлә буенча доклад белән республиканың бизнес-омбудсмены Фәрит Абдулганиев чыгыш ясады.

Татарстан Дәүләт Советы РФ Федераль Җыены Дәүләт Думасына «Балигъ булмаганнарның күзәтүчесезлеген һәм хокук бозуларын профилактикалау системасы нигезләре турында» Федераль законның 22 статьясына үзгәрешләр кертү хакында закон чыгару инициативасын җибәрәчәк. Бүген парламент утырышында шундый карар кабул ителде. Документны Законлылык һәм хокук тәртибе комитеты рәисе урынбасары Александр Чубаров тәкъдим итте.

Бүген Дәүләт Советы утырышында Административ хокук бозулар турында ТР Кодексына үзгәрешләр кертү хакында закон проекты кабул ителде. Закон проекты урам транспортыннан тыш транспортны техник эксплуатацияләү кагыйдәләрен һәм алардан файдалану кагыйдәләрен бозган өчен административ җаваплылык чараларын билгели.

Депутат Динар Бариев РФ Федераль Җыены Дәүләт Думасы каршындагы Яшьләр парламентында Татарстан Дәүләт Советы вәкиле итеп сайланды. Бүген парламент утырышында шундый карар кабул ителде.

Татарстан Дәүләт Советы депутатлары Россия Федерациясе Федераль Собраниесе Дәүләт Думасы Рәисе  В.В. Володинга сирәк (орфан) авырулардан интегүче затларны дарулар белән тәэмин итү турында мөрәҗәгать юллый. Мондый карар бүген парламент утырышында кабул ителде.

Бүген Дәүләт Советы утырышында шәһәр төзелеше эшчәнлеге турында республика законына үзгәрешләр кертү турында закон проекты беренче укылышта һәм тулаем кабул ителде. Закон проекты республика территориясендә территориаль планлаштыруның һәм шәһәр төзелешен зоналаштыруның бердәм документын эшләү һәм раслау тәртибен билгели.

Бүген Дәүләт Советы утырышында дәүләт граждан хезмәте турында республика законының аерым статьяларына үзгәрешләр кертү хакында закон проекты кабул ителде, ул дәүләт хезмәте вазыйфалары даирәсен киңәйтүне күздә тота, шуның белән дәүләт хезмәтендә булуның билгеләнгән иң чик яшен (65 яшь) озайтырга мөмкин булган дәүләт граждан хезмәте вазыйфалары даирәсен киңәйтү карала.

Бүген Дәүләт Советы утырышында дәүләт символлары турында республика законына үзгәрешләр кертү турында закон проекты беренче укылышта һәм тулаем  кабул ителде. Үзгәрешләр кертү законны Татарстан Республикасы Конституциясе нигезләмәләренә туры китерү зарурлыгына бәйле.

Дәүләт Советы депутатлары  «Татарстан Республикасы аерым закон актларына үзгәрешләр кертү, Татарстан Республикасы Бюджет кодексы аерым нигезләмәләренең гамәлдә булуын туктатып тору турында һәм 2023 елда Татарстан Республикасы бюджет системасы бюджетларын үтәү үзенчәлекләрен билгеләү хакында» Татарстан Республикасы Законының 3 һәм 4 статьяларына үзгәрешләр кертү турында» 404-6 номерлы Татарстан Республикасы законы проекты хакында закон проектын карады.

Бүген Дәүләт Советы утырышында депутатлар 2022 елда Татарстан Республикасында Бала хокуклары буенча вәкаләтле вәкил эшчәнлеге һәм республикада бала хокукларын һәм законлы мәнфәгатьләрен үтәү турында доклад тыңладылар. Балалар омбудсмены доклады ел саен парламент сессиясендә карала, һәм быел инде 13 нче тапкыр тыңлана.


Сайттагы барлык материаллар лицензия буенча тәкъдим ителә:
Creative Commons Attribution 4.0 International