Яңалыклар

Татарстан Фәннәр Академиясендә Россия фәне көнен билгеләп үттеләр. Әлеге истәлекле датага багышланган «Төп мәсьәлә турында гына» лекориенда Дәүләт Советы депутаты, Мәгариф, мәдәният, фән һәм милли мәсьәләләр комитеты әгъзасы Мәгъзүм Сәлахов катнашты.

Бүген Казанда Иранда Ислам революциясе Җиңүенең 46 еллыгына багышланган тантаналы кабул итү булды. Чараны Иран Ислам Республикасының Казандагы Генераль консуллыгы оештырды. Тантанада катнашучыларны ТР Дәүләт Советы Рәисе Фәрит Мөхәммәтшин, республика депутатлары исеменнән парламент Рәисе урынбасары Юрий Камалтынов котлады. 

Бүген Казан төзелеш көллияте базасында Торак сәясәте һәм инфраструктура үсеше комитеты һәм комитет каршындагы Эксперт советының уртак күчмә утырышы булды, анда төзелеш тармагы өчен кадрлар әзерләү, республика Рәисе каршындагы Дәүләт торак фонды программаларын гамәлгә ашыру, шулай ук Татарстан территориясендә автомобиль юллары һәм юл эшчәнлеге турындагы законга үзгәрешләр кертү мәсьәләләре каралды.

Бүген республика парламентында ТР Дәүләт Советы каршындагы Яшьләр парламенты һәм «Татарстан Республикасы пилотсыз һава суднолары узышлары федерациясе» төбәк физкультура-спорт иҗтимагый оешмасы арасында хезмәттәшлек турында килешү имзаланды. Документка ТР Дәүләт Советы каршындагы Яшьләр парламенты рәисе Дамир Нургалиев һәм Дроннар узышы федерациясе директоры Георгий Дикопольский кул куйды.  Чарада Дәүләт Советының Социаль сәясәт комитеты рәисе Светлана Захарова һәм әлеге профильле комитет рәисе урынбасары Ольга Воронова катнашты.

Дәүләт Советы депутатларының округларда эше дәвам итә. Бу атнада парламентарийлар республика муниципалитетларында гражданнар җыеннарында, шәһәр һәм район советларының хисап утырышларында катнаштылар, гражданнарны кабул иттеләр, социаль объектларда булдылар.

Бүген Дәүләт Советында танылган төрекмән рәссамы Бердигула Амансахатовның орнамент рәсемнәре күргәзмәсе ачылды. Экспозиция Татарстанның сынлы сәнгать музее тарафыннан тәкъдим ителгән. Күргәзмәне ачуда Дәүләт Советы Секретаре Лилия Маврина, парламент депутатлары Светлана Захарова, Нәҗип Хаҗипов, Марат Галиев, Азат Хамаев, Мәгъзүм Сәлахов, Төрекмәнстанның Казандагы Генераль генконсуллыгының өченче секретаре Марал Рөстәмова, Татарстан Республикасы Дәүләт сынлы сәнгать музее директоры Розалия Нургалиева, парламент Аппараты хезмәткәрләре, Татарстанда  Төрекмән милли-мәдәни автономиясе  вәкилләре, музей җәмәгатьчелеге катнашты.

Бүген Казанда «Татарстан халыклары яшьләр ассамблеясе» төбәк яшьләр иҗтимагый берләшмәсенең хисап-сайлау конференциясе узды. Республиканың милли хәрәкәтенең яшь активистлары оешманың 2024 елдагы эшенә йомгак ясадылар һәм алдагы чорга бурычлар билгеләделәр, шулай ук Татарстан халыклары яшьләр ассамблеясенең яңа рәисен сайладылар. Конференциядә катнашучыларны Татарстан Рәисе, парламент һәм республика Хөкүмәте исеменнән Дәүләт Советы Рәисе, Татарстан халыклары ассамблеясе Советы Рәисе Фәрит Мөхәммәтшин сәламләде.

Хөрмәтле татарстанлылар! Сезне чын күңелдән Татарстан Республикасы Дәүләт гербы көне белән котлыйм.

Бүген Болгар шәһәренең район мәдәният йортында Спас муниципаль районы Советының 2024 елда районның социаль-икътисади үсешенә йомгак ясауга һәм 2025 елга бурычларга багышланган киңәйтелгән утырышы узды. Утырыш эшендә ТР Дәүләт Советы Рәисе урынбасары Марат Әхмәтов, РФ Федераль Собраниесе Дәүләт Думасы депутаты Татьяна Ларионова, Дәүләт Советының Законлылык һәм хокук тәртибе комитеты рәисе Александр Чубаров, Дәүләт Советы депутаты Фоат Вәлиев, район һәм җирле Совет депутатлары, район предприятиеләре һәм оешмалары җитәкчеләре, профильле министрлыклар һәм ведомстволар вәкилләре катнашты.

Бүген Татарстан Республикасы Дәүләт Советы Рәисе Фәрит Мөхәммәтшин Башкортстан Республикасы Дәүләт Җыелышы – Корылтае Рәисе Константин Толкачев белән очрашты. Очрашу Фәрит Мөхәммәтшинның Уфага эш сәфәре кысаларында Башкортстан парламентында узды.