Яңалыклар

Шимбә көнне, 17 августта 10.40 сәгатьтә «Зөя таулары» тау чаңгысы курорты территориясендә XVII Халыкара тарихи техника фестивале ачыла.

Бүген «Татар-информ» мәгълүмат агентлыгында республика массакүләм мәгълүмат чаралары вәкилләре өчен Татарстан Республикасы Дәүләт Советы каршындагы Яшьләр парламентына сайлауларны оештыру һәм уздыру мәсьәләләре буенча матбугат конференциясе узды. Журналистларның сорауларына Дәүләт Советы Рәисе урынбасары, Яшьләр парламентына сайлауларны әзерләү һәм үткәрү буенча оештыру комитеты җитәкчесе Юрий Камалтынов, ТР яшьләр эшләре буенча министр урынбасары Айгөл Сабирова һәм агымдагы чакырылыш Яшьләр парламенты рәисе Нина Шимина җавап бирделәр.

Бүген ТР Дәүләт Советы Рәисе Фәрит Мөхәммәтшин Түбән Кама районына эш сәфәре кылды, анда ул район балалар хастаханәсе һәм балалар бакчасы биналарын капиталь ремонтлауның барышы белән танышты, шулай ук шәһәр һәм район активы белән очрашты.

Бүген Хөкүмәт йортында Казанда узачак БРИКС саммитына әзерлек буенча республика оештыру комитеты утырышы узды. Татарстан Республикасы Рәисе Рөстәм Миңнеханов үткәргән утырышта Дәүләт Советы Рәисе Фәрит Мөхәммәтшин, Премьер-министр Алексей Песошин, Казан мэры Илсур Метшин, республика министрлыклары һәм ведомстволары җитәкчеләре катнашты.

Бүген Дәүләт Советы Рәисе Фәрит Мөхәммәтшин Лениногорски районына эш сәфәре белән барды, анда М. Хәйертдинов исемендәге балалар сәнгать мәктәбе бинасына капиталь ремонт барышы белән танышты, җитәкчелек һәм хезмәткәрләр, подряд оешмасы вәкилләре белән аралашты, шулай ук шәһәр һәм район активы белән очрашты.

Бүген Дәүләт Советы Рәисе урынбасары Марат Әхмәтов эш сәфәре белән Апас районына барды, анда ул социаль объектларның эше, шулай ук урып-җыю эшләренең барышы белән танышты

Бүген Биектау районындагы «ЕлМай» сөт комбинаты базасында узган матбугат конференциясендә Татарстанда авыл җирлеген үстерүнең төп проблемалары, авылларның «картаюын» туктату юллары, аларны үстерү шартлары һәм соңгы елларда фермаларның ничек үзгәрүе турында сүз барды. Журналистларның сорауларына Дәүләт Советы Рәисе урынбасары Марат Әхмәтов, Экология, табигатьтән файдалану, агросәнәгать һәм азык-төлек сәясәте комитеты рәисе урынбасары Таһир Һадиев һәм ТР авыл хуҗалыгы һәм азык-төлек министрының беренче урынбасары Ленар Гарипов җавап бирделәр.

Бүген Казанда Татарстан халыклары ассамблеясе Советы президиумы утырышы узды. Аны Дәүләт Советы Рәисе, Татарстан халыклары ассамблеясе Рәисе Фәрит Мөхәммәтшин үткәрде.

Татарстанның Халыклар Дуслыгы йортында «Казан Идел буе халыкларының традицион костюмы» дип аталган тарихи-этнографик проектның икенче этабын гамәлгә ашыруны оештыру комитетының утырышы узды.Чарада Федерация Советының парламент эшчәнлеген регламентлау һәм оештыру комитеты рәисе урынбасары Александр Терентьев, Татарстан Республикасы Дәүләт Советының Мәгариф, мәдәният, фән һәм милли мәсьәләләр комитеты рәисе урынбасары Людмила Рыбакова, Татарстан Республикасы Рәисенең Эчке сәясәт мәсьәләләре департаментының Милли сәясәтне гамәлгә ашыру идарәсе башлыгы урынбасары Евгений Ефимов, Татарстан Республикасы мәдәният министры урынбасары Дамир Натфуллин, Мәдәният һәм Татарстан Республикасы халыклары телләрен үстерү идарәсе башлыгы Ләйсән Низамова, А. С. Пушкин исемендәге мәдәни үзәк директоры Галина Елистратова, Татарстан халыклары Ассамблеясы Советы башкарма комитеты җитәкчесе Ренат Вәлиуллин, Татарстанның Халыклар Дуслыгы йорты директоры вазыйфасын башкаручы Наталья Мясникова, шулай ук проектның фәнни консультантлары, Татарстан халыклары Ассамблеясенең Идел буе халыклары милли-мәдәни берләшмәләр җитәкчеләре, Татарстанның Халыклар Дуслыгы йорты мастерлары, белгечләре катнашты.

Бүген Дәүләт Думасында депутатлар Хөкүмәт сәгате кысаларында РФ Фән һәм югары белем министры Валерий Фальковның «Фән һәм университетлар» милли проектын гамәлгә ашыру турында, югары өстәмә һөнәри белем бирү өлкәсендә дәүләт сәясәте турында мәгълүмат тыңладылар. Мәсьәлә буенча фикер алышуда видеоэлемтә режимында ТР Дәүләт Советының Мәгариф, мәдәният, фән һәм милли мәсьәләләр комитеты рәисе урынбасары Людмила Рыбакова катнашты.