Яңалыклар

Бүген ТР Дәүләт Советы Секретаре Лилия Маврина парламент депутатлары һәм аларның ярдәмчеләре өчен күп фатирлы йортларга капиталь ремонт ясау өлкәсендә законнарны камилләштерүгә һәм актуаль мәсьәләләргә багышланган семинар үткәрде. Федераль һәм республика кануннарындагы үзгәрешләр турында мәгълүмат белән Торак сәясәте һәм инфраструктур үсеш комитеты рәисе Александр Тыгин һәм ТР төзелеш, архитектура һәм торак-коммуналь хуҗалык министры урынбасары Илдус Насыйров чыгыш ясады.

28 октябрьдә Дәүләт Советында Татарстан Республикасы территориясендә Казан (М12)тизйөрешле автомобиль юлы участогы  төзелеше мәсьәләсе буенча түгәрәк өстәл утырышы булды. Торак сәясәте һәм инфраструктура үсеше комитеты рәисе Александр Тыгин, ТР транспорт һәм юл хуҗалыгы министры Фәрит Хәнифов, республика министрлыклары һәм ведомстволары җитәкчеләре, шулай ук Лаеш районы башкарма комитеты җитәкчесе урынбасары кайбер актуаль мәсьәләләр буенча фикер алышу өчен Лаеш районы гражданнарының инициатив төркеме әгъзалары белән очрашты.

28 октябрьдә КПРФ фракциясе әгъзалары Хафиз Миргалимов һәм Фадбир Сафин “Кояшлы шәһәр” торак комплексында булдылар. Алар микрорайонда яшәүчеләрнең инициатив төркеме вәкилләре белән бергә комплексның проблемалы мәсьәләләре турында фикер алыштылар.

Бүген Казанда XIII Бөтенроссия ачык журналистлар бәйгесендә җиңүчеләргә бүләкләр тапшыру тантанасы узды. Республика җитәкчелеге исеменнән лауреатларны һәм җиңүчеләрне Дәүләт Советы Рәисе, Татарстан Халыклары ассамблеясе Советы рәисе Фәрит Мөхәммәтшин котлады.

Бүген Казанда укучыларны профориентацияләү буенча "Киләчәккә билет" Бөтенроссия проектына старт бирелде. Әлеге проект кысаларында  оештырыла торган чаралар, шул исәптән «Киләчәк лабораториясе» күргәзмәсе,  Казан ярминкәсендә  «Россия тарихы» тарихи паркында уткәрелә. Бүген парламент депутатлары әлеге күргәзмә белән танышты. 

Бүген «ТИСБИ» университетында Дәүләт Советының Мәгариф, мәдәният һәм милли мәсьәләләр комитеты тарафыннан оештырылган «Татарстан Республикасы шәһәрләренең «Иҗади шәһәрләр челтәре» ЮНЕСКО проектында катнашуы» дип аталган түгәрәк өстәл узды. Чарада катнашучыларны Россиядә ЮНЕСКОның Ассоциацияләнгән мәктәпләре челтәре координаторы, "ТИСБИ" Университет идарәсе  президенты Нэлла Прусс, шулай ук Мәгариф, мәдәният, фән һәм милли мәсьәләләр комитеты рәисе урынбасары Людмила Рыбакова сәламләде. Россия Тышкы эшләр министрлыгының ЮНЕСКО эшләре буенча РФ комиссиясе секретаре Анна Ермаченкова утырышта онлайн режимында катнашты, ул ЮНЕСКОның «Иҗади шәһәрләр челтәре» проекты турында сөйләде.

 «Бердәм Россия» партиясенең Татарстандагы бүлеге утырышы узды. Анда Дәүләт Думасына сайлау йомгаклары буенча кайбер мәсьәләләр хәл ителде. Утырышны Татарстан «бердәмроссиялеләре» җитәкчесе Фәрит Мөхәммәтшин алып барды.

Татарстан өчен Ислам дөньясы дәүләтләре белән хезмәттәшлек итү өстенлекле юнәлешләрнең берсе булып тора. Бу хакта бүген Дәүләт Советы Рәисе, РФ Закон чыгаручылар советының халыкара хезмәттәшлек мәсьәләләре буенча комиссия рәисе Фәрит Мөхәммәтшин “Россия - Ислам дөньясы: парламентара хезмәттәшлек” дип аталган видеоконференциядә чыгыш ясаганда белдерде. Форумны РФ ФҖ Федерация Советы һәм Ислам хезмәттәшлеге оешмасыныңда әгъза булып торган дәүләтләренең парламент берлеге оештырды.

Дәүләт Советы Рәисе Фәрит Мөхәммәтшин «Гавами хакимиятнең гомуми принциплары турында» закон проекты РФ Конституциясе нормаларына каршы килгәнен билгеләп узды.

 Бүген Дәүләт Советы утырышында беренче укылышта һәм тулаем алганда 2021 елга, 2022 һәм 2023 елларның план чорына республика бюджетына үзгәрешләр кертү турында закон проекты кабул ителде. Закон проекты тарафыннан 2021 елның керем өлешен 44 млрд. 691 млн. сумга арттыру каралган.