Яңалыклар

ТР Дәүләт Советы Рәисе вазыйфаларын башкаручы Марат Әхмәтов Йошкар-Олада эш сәфәрендә, анда ул Идел буе федераль округының Закон чыгаручылар советы эшендә катнаша.

Бүген Казан сынлы сәнгать музееның заманча сәнгать галереясендә танылган казахстанлы рәссам, Бөтендөнья сәнгать академиясе академигы Батухан Байменның 70 еллыгына багышланган «Номады: черное и белое» гравюрасы күргәзмәсе ачылды. Казакъстанның Казандагы Генераль консуллыгы һәм ТР Мәдәният министрлыгы тәкъдиме белән оештырылган кәргәзмәдә ТР Дәүләт Советының Социаль сәясәт комитеты рәисе урынбасары Ольга Воронова катнашты.

Бүген Казанда Татарстан Республикасы Иҗтимагый яклау штабы мәйданчыгында хатын-кыз депутатларның «Бердәм Россия» партиясенең Халык программасына тәкъдимнәр җыю һәм фикер алышу буенча «Хатын-кыз приоритеты» эксперт сессиясе узды

Бүген Казан Кремленең Бөек Ватан сугышы музей-мемориалында «Җиңү диктанты» халыкара акциясенә багышланган күргәзмә ачылды. Быел Җиңү диктанты сигезенче мәртәбә уза һәм 24 апрельдә республиканың биш йөздән артык мәйданчыгында оештырыла. Күргәзмәне оештыручыларны һәм кунакларны Дәүләт Советының Мактаулы Рәисе, «Бердәм Россия» Бөтенроссия сәяси партиясенең Татарстан төбәк бүлеге Секретаре Фәрит Мөхәммәтшин сәламләде.

Бүген Татарстан Республикасы Милли китапханәсендә «Тукай йолдызлыгы» әдәби әсәрләр конкурсында җиңүчеләрне бүләкләү тантанасы булды. Бөек шагыйрь Габдулла Тукайның тууына 140 ел тулуга багышланган конкурска йөздән артык гариза кергән. Конкурс лауреатларын Дәүләт Советы Рәисе вазыйфаларын башкаручы, ТР Рәисе каршындагы Татар телен һәм Татарстан Республикасында яшәүче халыклар вәкилләренең  туган телләрен саклау, үстерү мәсьәләләре комиссиясе рәисе Марат Әхмәтов котлады.

Бүген Татарстан Республикасы Халыклар дуслыгы йортында күпмилләтле якшәмбе мәктәбенең 30 еллыгы уңаеннан юбилей концерты узды. Дәүләт Советы исеменнән педагогларны һәм укучыларны парламентның Мактаулы Рәисе, республиканың Халыклар ассамблеясе рәисе Фәрит Мөхәммәтшин котлады.

Бүген Казанда танылган татар шагыйре, публицисты, татар әдәбияты классигы Габдулла Тукай иҗатына багышланган «Туган тел» Бөтенроссия туган тел форумы кысаларында узган Татар теле һәм әдәбияты буенча XIII халыкара олимпиадага йомгак ясау тантанасы узды.  Җиңүчеләрне һәм призерларны ТР Дәүләт Советы Рәисе вазыйфаларын башкаручы Марат Әхмәтов котлады.

Бүген Дәүләт Советында «КПРФ парламент фракциясе депутатларының башка дәрәҗәдәге депутатлар белән үзара хезмәттәшлеге турында. Законнар чыгару активлыгы дәрәҗәсен арттыру» семинар-киңәшмәсе узды. Фракция җитәкчесе Хафиз Миргалимов үткәргән семинарда республиканың Дәүләт Советы, шәһәр һәм район советлары, кайбер авыл җирлекләренең җирле үзидарә органнары депутатлары катнашты.

Авылда яшьләр сәясәтен гамәлгә ашыру һәм кече шәһәрләрдә һәм авыл җирлекләрендә яшәүче яшьләрнең ялын оештыру мәсьәләләре бүген Йошкар-Ола шәһәрендә (Марий Эл Республикасы) узган Идел буе федераль округының Россия Федерациясе субъектлары дәүләт хакимияте закон чыгару органнары каршындагы Яшьләр парламентлары ассоциациясе утырышында каралды. Татарстан Дәүләт Советы каршындагы Яшьләр парламенты рәисе Дамир Нургалиев республиканың бу өлкәдәге тәҗрибәсе һәм гамәлгә ашырыла торган проектлар турында сөйләде.

Дәүләт Советының Мактаулы Рәисе Фәрит Мөхәммәтшинга «Казанның Мактаулы гражданы» исеме бирелде. Бу хакта бүген Казан шәһәр Думасының VII сессиясе барышында билгеле булды. Әлеге инициатива белән Казан мэры Илсур Метшин чыккан иде.