Яңалыклар

Бүген Казан милли тикшеренү технология университетында Татарстан Дәүләт Советының мәгариф, мәдәният, фән һәм милли мәсьәләләр комитетының һәм Комитет каршындагы экспертлар советының күчмә утырышы булды. Анда «Приоритет-2030» стратегик академик лидерлык программасы кысаларында быел КНИТУ-КХТИ базасында тормышка ашырылучы проектларны гамәлгә ашыру турында сөйләштеләр. Парламентарийлар шулай ук Тататарстанда мәдәни мирас объектларын саклау турында мәгълүмат тыңлады. Моннан тыш, депутатлар комитетның 2024 елның соңгы 4 айда эшчәнлегенә йомгак ясады, киләсе 2025 елга бурычлар билгеләде. Комитет утырышында Дәүләт Советы Рәисе урынбасары Марат Әхмәтов катнашты.

Бүген Казанда, илебездә ел саен 9 декабрьдә билгеләп үтелә торган батырлык һәм кыюлык бәйрәменә – Ватан Геройлары көненә багышланган тантаналы чаралар уза. «Ватан Геройлары көне» истәлекле датасы РФ ФС Дәүләт Думасы карары белән 2007 елда билгеләнде. Ватан Геройлары көне уңаеннан Казан Ратушасында Россия Геройларын, Социалистик Хезмәт Геройларын һәм Россия Хезмәт Геройларын, Хезмәт даны орденының тулы кавалерларын, шулай ук аларның гаилә әгъзаларын хөрмәтләделәр. Тантанада катнашучыларны республика җитәкчелеге исеменнән Дәүләт Советы Рәисе Фәрит Мөхәммәтшин сәламләде.

Бүген Казанның Бәшир Рәмиев исемендәге IT-паркында Халыкара коррупциягә каршы көрәш көненә багышланган республика форумы узды. Республика җитәкчелеге исеменнән кунакларны һәм форумда катнашучыларны Дәүләт Советы Рәисе Фәрит Мөхәммәтшин сәламләде.

Бүген, 9 декабрь көнне, Ватан Геройлары көнендә Татарстан Республикасы Дәүләт Советы депутаты Эдуард Шәрәфиевка икенче дәрәҗә «Батырлык өчен» медале тапшырылды. Әлеге югары бүләк аңа махсус хәрби операциянең хәрби бурычларын үтәгәндә күрсәткән батырлыгы, кыюлыгы һәм фидакарьлеге өчен бирелә.

Бүген Яшел Үзәндә Дәүләт Советының Торак сәясәте һәм инфраструктура үсеше комитеты һәм Комитет каршындагы Эксперт советының уртак күчмә утырышы булды. Парламентарийлар электр белән тәэмин итүнең ышанычлылыгын тәэмин итүнең закон чыгару аспектлары турындагы контроль мәсьәләне карадылар, шулай ук шәһәрнең Электр челтәре комплексы предприятиеләренең эше белән таныштылар. Моннан тыш, депутатлар комитетның 2024 елдагы эшенә йомгак ясадылар, алдагы 2025 елга бурычлар билгеләделәр.

Бүген Казан Кремлендә Халыкара коррупциягә каршы көрәш көненә багышланган иҗади конкурсларга йомгак ясалды. Җиңүчеләргә бүләкләрне ТР Дәүләт Советы Рәисе урынбасары, ТР Рәисе каршындагы Татар телен һәм Татарстанда яшәүче халыкларның туган телләрен саклау, үстерү мәсьәләләре буенча комиссия рәисе Марат Әхмәтов тапшырды.

Дәүләт Советы Рәисе Фәрит Мөхәммәтшин бүген Саранскида узган Идел буе федераль округы субъектлары дәүләт хакимиятенең закон чыгару органнары ассоциациясе утырышында катнашты. Парламентарийлар пробация (хөкем ителгәннәрнең һәм элеккеге тоткыннарның социаль адаптациясе) турында федераль законны гамәлгә ашыру мәсьәләләрен карадылар, шулай ук Идел буе төбәкләрендәге демографик вәзгыять һәм аны яхшырту чаралары турында фикер алыштылар. Моннан тыш, Ассоциациянең 2025 елга эш планы расланды.

Дәүләт Советы депутатларының округларда эшләве дәвам итә. Бу атнада парламентарийлар гражданнарны кабул итте, махсус хәрби операциядә катнашучыларның гаиләләре белән очрашты, батырлык дәресләрендә чыгыш ясады, алар шулай ук Халыкара инвалидлар көненә багышланган хәйрия акцияләрендә һәм чараларда катнаштылар.

5 декабрьдә социаль инфраструктура объектларының "МАРТ" Бөтенроссия конкурсына йомгак ясалды, аны Дәүләт Думасының төбәк сәясәте һәм җирле үзидарә Комитеты үткәрде. Татарстаннан "Казанның ФИЗРА спорт үзәге" һәм Яр Чаллыдан "Cleversport" физкультура-сәламәтләндерү комплекслары  финалга чыкты. Җиңүчеләрне бүләкләү Мәскәүдә узды.

Бүген инвалидлар ункөнлеге кысаларында Россия Дәүләт Думасы депутаты Илья Вольфсон, ТР Дәүләт Советы депутатлары Ирина Терентьева, Алексей Созинов, Фәнис Нурмөхәммәтов, Евгений Чекашов, шулай ук парламент Аппараты хезмәткәрләре «Симург» инклюзив үзәгендә булып хәйрия спектаклен карадылар.