Яңалыклар

Дәүләт Советының профильле комитетларында 2025 елга һәм 2026, 2027 елларның планлы чорына Татарстан казнасы турында канун проекты буенча фикер алышу башланды. Бүген документны мәгариф, мәдәният, фән һәм милли мәсьәләләр комитеты утырышында карадылар.  Утырышта Дәүләт Советы Рәисе урынбасары Марат Әхмәтов, Дәүләт Советы Сәркатибе Лилия Маврина катнашты. Утырышны комитет рәисе урынбасары Ирина Терентьева үздырды.

Бүген Дәүләт Советында Социаль сәясәт комитеты утырышы булды, анда депутатлар «2025 елга һәм 2026 һәм 2027 еллар план чорына Татарстан Республикасы бюджеты турында» һәм «2025 елга һәм 2026 һәм 2027 еллар план чорына Татарстан Республикасы Территориаль мәҗбүри медицина иминияте фонды бюджеты турында»Татарстан Республикасы законнары проектларын карадылар. Утырышта Дәүләт Советы Рәисе урынбасары Юрий Камалтынов, Дәүләт Советы Секретаре Лилия Маврина, республиканың тармак министрлыклары һәм ведомстволары вәкилләре катнашты.

Бүген Татарстан Дәүләт Советы каршындагы икенче чакырылыш Яшьләр парламентының беренче утырышы узды. Көн тәртибенә 25 мәсьәлә чыгарылган иде. Алар нигездә оештыру эшләренә кагыла. Яшьләр парламентының рәисе, аның урынбасарлары сайланды, комиссияләр оештырылды һәм аларның җитәкчеләре расланды. Моннан тыш, утырышта беренче чакырылыш Яшьләрпар ламенты эшенә йомгак ясалды. Татарстан Республикасы Рәисе Рөстәм Миңнеханов, парламент һәм республика хөкүмәте исеменнән яңа сайланган егет-кызларны Дәүләт Советы Рәисе Фәрит Мөхәммәтшин сәламләде.

Дәүләт Советы депутатларының үз сайлау округларында эшчәнлеге  дәвам итә. Бу атнада парламентарийлар гражданнарны кабул итте, махсус операциядә катнашучылар һәм аларның гаилә әгъзалары белән очрашты, «мөһим мәсьәләләр хакында сөйләшү» мәгариф проектында һәм фәнни-гамәли конференцияләрдә катнаштылар. 

Татарстан Республикасы Дәүләт Советы гамәлгә куючыларының берсе булган «Ватаным Татарстан» газетасының баш мөхәррире итеп Илназ Фазуллин билгеләнде. Мондый карар бүген парламент депутатлары тарафыннан кабул ителде. 

Бүген Дәүләт Советы утырышында Татарстан Республикасында җир асты байлыкларыннан файдалану өлкәсендәге аерым мәсьәләләрне җайга салу турында республика законына үзгәрешләр кертү хакында закон проекты беренче укылышта һәм тулаем кабул ителде. Закон проекты республика законнарын федераль законнарга туры китерү максатыннан эшләнгән.

Бүген Дәүләт Советы утырышында шәһәр төзелеше эшчәнлеге өлкәсендә республика дәүләт хакимияте органнары һәм җирле үзидарә органнары арасында вәкаләтләрне яңадан бүлүне кичектерүне күздә тоткан закон проекты кабул ителде. Канун Татарстанның иң эре ике шәһәре – Казан һәм Яр Чаллыга кагыла. Шул ук вакытта шәһәр төзелеше вәкаләтләрен тапшыру Казан өчен – 2 елга, Яр Чаллы өчен 1 елга кичектерелде.

Бүген Дәүләт Советы утырышында мәгълүмат системалары һәм мәгълүматлаштыру турында республика законына үзгәрешләр кертү хакында закон проекты беренче укылышта һәм тулаем  кабул ителде. Республика законнарын федераль законнарга туры китерү максатыннан эшләнгән закон проекты киберкуркынычсызлыкны тәэмин итүгә юнәлдерелгән.   

«Салым салуның гадиләштерелгән системасын кулланучы салым түләүчеләр өчен салым ставкаларын билгеләү турында " ТР Законының 2 статьясындагы 2 өлешенең үз көчен югалтуын тану турында закон проекты бүген Дәүләт Советы утырышында кабул ителде.

Бүген Дәүләт Советының өченче утырышында «Татарстан Республикасы Дәүләт Советы депутаты статусы турында»Татарстан Республикасы Законына үзгәрешләр кертү турындагы мәсьәлә каралды. Закон проекты «Россия Федерациясеннән чыгу һәм Россия Федерациясенә керү тәртибе турында» Федераль законны гамәлгә ашыру максатларында әзерләнгән.