Яңалыклар

Дәүләт Советы Секретаре Лилия Маврина җиденче чакырылыш Дәүләт Советына депутатлар сайлауда катнашты. Ул Казан шәһәренең 61нче участогында тавыш бирде.

Республикада җиденче чакырылыш Дәүләт Советына депутатлар сайлауда тавыш бирү дәвам итә. 245нче сайлау участогында КПРФ парламент фракциясе җитәкчесе, Дәүләт корылышы һәм җирле үзидарә комитеты рәисе урынбасары Хафиз Миргалимов тавыш бирде.

Дәүләт Советы депутаты Руслан Нигъмәтулин сайлауларга гаиләсе белән килде. Ул тавыш бирүдә катнашкан сайлау участогы Чаллы шәһәренең 118 нче балалар бакчасында урнашкан.

Дәүләт Советы Рәисе урынбасары Марат Әхмәтов хатыны Миләүшә Рәшит кызы белән бергә Казанның Карл Маркс урамындагы 55 нче сайлау участогында җиденче чакырылыш Дәүләт Советына депутатлар сайлауда катнашты.

Дәүләт Советы Рәисе урынбасары, «Бердәм Россия» парламент фракциясе җитәкчесе Юрий Камалтынов Дәүләт Советына депутатлар сайлауда катнашты. Ул А.Н.Туполев исемендәге Казан милли тикшеренү техник университетында  (КАИ) урнашкан 42 нче сайлау участогында тавыш бирде.

Дәүләт Советы Рәисе Фәрит Мөхәммәтшин җиденче чакырылыш Дәүләт Советына депутатлар сайлауда тавыш бирде. Казанның Вахитов районында урнашкан Советлар Союзы Герое А.С. Умеркин исемендәге 116 нчы лицей базасында ачылган 43 нче сайлау участогына парламент җитәкчесе хатыны Луиза Акрамовна белән килде.

Бүген Казан Ратушасында "Алтын Мөнбәр" XX юбилей халыкара кинофестивале ачылды. Татарстан Республикасы Рәисе, парламент һәм республика Хөкүмәте исеменнән кунакларны һәм абруйлы кинофорумда катнашучыларны Дәүләт Советы Рәисе Фәрит Мөхәммәтшин сәламләде.

Дәүләт Советы депутатларының округларда эшләве дәвам итә. Бу атнада парламентарийлар гражданнарны кабул иттеләр, муниципаль районнарда гражданнар җыеннарында катнаштылар, шулай ук предприятиеләрнең хезмәт коллективлары белән очраштылар.

Бүген Казанда Татарстан Республикасы Рәисе Рөстәм Миңнеханов җитәкчелегендә Татарстаннан сайланган РФ сенаторлары һәм РФ Федераль Җыены Дәүләт Думасы депутатлары белән киңәшмә узды. Республика икътисадына федераль акчалар җәлеп итү мәсьәләләре буенча фикер алыштылар. Дәүләт Советы Рәисе Фәрит Мөхәммәтшин үткәргән киңәшмәдә республика Премьер-министры Алексей Песошин, профильле министрлыклар һәм ведомстволар җитәкчеләре катнашты. Республиканың муниципаль районнары башлыклары киңәшмәгә видеоэлемтә аша кушылды.

Дәүләт Советы Рәисе Фәрит Мөхәммәтшин бүген бөек рус шагыйре Александр Сергеевич Пушкинның Казан сәфәренә багышланган скульптур композицияне ачу тантанасында катнашты. Һәйкәл Мәскәү урамындагы Карл Фукс йорты янында урнаштырылган. Шагыйрь 1833 елда Казан төбәгенә бердәнбер сәфәре вакытында Фукс йортында булып киткән.