Яңалыклар

Бүген Экология, табигатьтән файдалану, агросәнәгать һәм азык-төлек сәясәте комитеты утырышында депутатлар республиканың ветеринария иминлеген хокукый камилләштерү мәсьәләләрен карадылар, «Татарстан Республикасында урманнардан файдалану турында» ТР Законына үзгәрешләр кертү турында фикер алыштылар, кайбер төбәк парламентларының федераль органнарга мөрәҗәгатьләрен килештерделәр.

Бүген Казаннан Лисичанск һәм Рубежное (Луганск Халык Республикасы) шәһәрләренә «Бердәм Россия» партиясенең төбәк бүлеге эгидасы астында җыелган чираттагы гуманитар ярдәм фуралары китте. Йөкне Казанның «Бәхетле» складыннан төяделәр. Волонтерлар һәм хәйрия акциясендә катнашучылар белән Дәүләт Советы Рәисе, «Бердәм Россия» Бөтенроссия сәяси партиясенең Татарстан төбәк бүлеге Секретаре Фәрит Мөхәммәтшин аралашты.

Бүген Дәүләт Советында Дәүләт корылышы һәм җирле үзидарә комитеты утырышы узды. Депутатлар Президиумга парламент утырышының булачак көн тәртибенә җиденче чакырылыш Татарстан Республикасы Дәүләт Советы депутатларын сайлауны билгеләү мәсьәләсен кертергә тәкъдим итте. Моннан тыш, утырышта аерым муниципаль берәмлекләрнең чикләрен үзгәртү мәсьәләләре дә каралды.

Икенче чакырылыш Яшьләр парламентының яңа составы агымдагы елның сентябрендә сайлана. Мондый карар бүген Дәүләт Советы каршындагы Яшьләр парламентының унөченче утырышында кабул ителде. Утырыш эшендә Дәүләт Советының Социаль сәясәт комитеты рәисе Светлана Захарова, ТР яшьләр эшләре министры Ринат Садыйков, Дәүләт Советы депутаты Динар Бариев катнашты.

Чәршәмбе, 29 майда, сәгать унда республикада мәктәпкәчә белем бирү оешмаларына, мәктәпләргә (1 һәм 10 сыйныфлар), урта махсус һәм югары уку йортларына кабул итү мәсьәләләре буенча «Хатын-кыз игътибары» телефон кайнар линиясе эшләячәк.

Бүген Дәүләт Советында Мәгариф, мәдәният, фән һәм милли мәсьәләләр комитеты утырышы узды, анда депутатлар республикада мәгарифне үстерү программаларын гамәлгә ашыру, һөнәри юнәлеш бирү эшен оештыру, профильле укыту мәсьәләләре буенча фикер алыштылар. Моннан тыш, утырышта балаларны мәктәпкәчә белем бирү оешмаларына кабул итү турында сүз барды.

Бүген Баулы муниципаль районында авыл халкының эшлекле активлыгын арттыру һәм хуҗалык итүнең кече формаларын үстерү мәсьәләләре буенча чираттагы зона семинар-киңәшмәсе узды. Киңәшмәне Дәүләт Советы Рәисе Фәрит Мөхәммәтшин үткәрде. Кече агробизнесны үстерүнең актуаль мәсьәләләре буенча фикер алышуда Премьер-министр урынбасары – ТР авыл хуҗалыгы һәм азык-төлек министры Марат Җаббаров, ТР Җирле үзидарә органнары ассоциациясе советы рәисе Әгъзам Гобәйдуллин, Дәүләт Советы депутатлары, районнар һәм авыл җирлекләре башлыклары, шәхси ярдәмче хуҗалыклар һәм гаилә фермалары, республиканың көньяк-көнчыгыш зонасының 13 районыннан авыл хуҗалыгы кооперативлары җитәкчеләре, профильле министрлыклар һәм ведомстволар, банк өлкәсе вәкилләре катнашты.

Бүген Казанда, Республика Пространстволы планлаштыру институты мәйданчыгында Торак сәясәте һәм инфраструктура үсеше комитетының күчмә утырышы узды, анда парламентарийлар комитет каршындагы Экспертлар советы әгъзалары, профильле министрлыклар һәм ведомстволар вәкилләре белән берлектә шәһәр төзелеше эшчәнлеге һәм агломерацияләрне үстерү, шулай ук халыкны транспорт белән тәэмин итү мәсьәләләре буенча фикер алыштылар. Утырышны Торак сәясәте һәм инфраструктура үсеше комитеты рәисе Андрей Егоров үткәрде.

2023 елда республика бюджеты һәм Территориаль мәҗбүри медицина иминияте фонды бюджеты үтәлеше турындагы закон проектлары бүген Дәүләт Советында узган Бюджет, салымнар һәм финанслар комитеты утырышында каралды.

Дәүләт Советы депутатлары РФ ФС Дәүләт Думасы Рәисе Вячеслав Володинга наркомания таралуны профилактикалау мәсьәләсе буенча мөрәҗәгать итәргә ниятли. Бу хакта бүген Законлылык һәм хокук тәртибе комитеты утырышында билгеле булды. Моннан тыш, парламентарийлар юл хәрәкәте иминлеге турындагы законнарны гамәлгә ашыру мәсьәләләрен тикшерделәр, республика Югары суды тәкъдим иткән җәмәгать судьялар итеп сайлану өчен кандидатураларны хупладылар, башка актуаль мәсьәләләрне карадылар.