Яңалыклар

Дәүләт Советы Рәисе Фәрит Мөхәммәтшин Төркиянең Казандагы Генераль консулы Угур Йылмазга Төркиянең тугандаш халкы тормышындагы мөһим вакыйга уңаеннан котлау телеграммасы юллады. Котлауны Юрий Камалтынов  ирештерде.

Бүген Санкт-Петербургта БРИКС илләренең Халыкара муниципаль форумы (ММФ) ачылды. Форумның эшлекле программасы 15 тематик тректан тора. Алар территорияләр һәм җәмгыять үсешенең барлык юнәлешләрен диярлек чагылдыра: экология һәм инновацияләр, югары технологияле «чиста» җитештерү, цифрлаштыру һәм ЯИ, сәламәтлек саклау һәм социаль өлкә, шәһәр төзелеше һәм инфраструктура, яшьләр сәясәте һәм мәгариф, мәдәният, туризм һәм спорт, киртәсез мохит. Көн дәвамында секцияләр утырышларында форум делегатлары парламентара хезмәттәшлек юнәлешләре, инвестицион һәм муниципаль дипломатия, яңа проектларны гамәлгә ашыру мәсьәләләре турында фикер алышалар. Татарстан Республикасы Дәүләт Советы Рәисе, Россия Федерациясе Закон чыгаручылар советының Халыкара хезмәттәшлек проблемалары буенча комиссиясе рәисе Фәрит Мөхәммәтшин «Инвестицияләрне саклау коралы буларак глобаль үзгәрешләр чорында БРИКС илләре башкалаларының парламент дипломатиясе» дискуссия сессиясендә катнашучыларга сәламләү юллады.

Бүген Дәүләт Советы утырышында җирле үзидарә органнарына торак урыннарына мохтаҗ булган реабилитацияләнгән гражданнарны исәпкә алу вәкаләтләрен бирү турында закон беренче укылышта һәм тулаем алганда кабул ителде.

Бүген Дәүләт Советы утырышында депутатларга Табигатьтән файдалану өлкәсендә федераль күзәтчелек хезмәтенең Идел-Кама регионара идарәсе эшчәнлеге турында мәгълүмат бирелде. Әлеге мәсьәлә буенча идарә җитәкчесе Фаяз Шакиров чыгыш ясады.

Бүген Дәүләт Советы утырышында балигъ булмаганнар эшләре һәм аларның хокукларын яклау комиссияләре турында республика законының 7 статьясына үзгәреш кертү хакында закон проекты беренче укылышта һәм тулаем алганда кабул ителде. Документ нигезендә, Татарстан муниципалитетлары башлыклары хәзер балигъ булмаганнар эшләре һәм аларның хокукларын яклау комиссиясен җитәкләячәк.

Бүген Дәүләт Советы утырышында 2025 елга, 2026 һәм 2027 еллар план чорына бюджет турында республика законына үзгәрешләр кертү хакында закон проекты беренче укылышта һәм тулаем алганда кабул ителде. Быел республика бюджетының керем өлеше 71,4 млрд сумга тулыланды.

Бүген Дәүләт Советында унбишенче утырыш кысаларында «Татарстанда торак-коммуналь хуҗалык һәм территорияләрне төзекләндерү өлкәсендә программаларны гамәлгә ашыру турында» Хөкүмәт сәгате узды. Әлеге мәсьәлә буенча ТР Төзелеш, архитектура һәм торак-коммуналь хуҗалык министры Марат Айзатуллин чыгыш ясады.

Татарстан Республикасы Гаилә кодексына үзгәрешләр кертү турында закон проекты бүген Дәүләт Советы утырышында беренче укылышта һәм тулаем кабул ителде. Документ опекуннарга һәм попечительләргә айлык түләүне арттыруны күздә тота.

Бүген Дәүләт Советы утырышында Татарстанның аерым закон актларына үзгәрешләр кертү турында закон проекты кабул ителде. Документны ТР Үзәк сайлау комиссиясе рәисе Андрей Кондратьев тәкъдим итте. Аның әйтүенчә, әлеге закон проектын кабул итү республика Сайлау кодексын федераль законнарга туры китерү зарурлыгына бәйле.

Бүген Дәүләт Советы утырышында беренче укылышта инновацион эшчәнлек турында республика законына үзгәрешләр кертү турында закон проекты кабул ителде, ул технологик компанияләрне үстерү турында федераль законга бәйле рәвештә эшләнгән һәм кече технологик компанияләрнең инновацион эшчәнлегенә дәүләт ярдәменең бердәм системасын булдыруга юнәлдерелгән.