Яңалыклар

Бүген Дәүләт Советында Татарстан территориаль сайлау комиссияләре рәисләре өчен белем бирү семинары узды. Семинарда катнашучыларны Татарстан Республикасы Дәүләт Советы Рәисе урынбасары Юрий Камалтынов һәм Дәүләт Советы Секретаре Лилия Маврина сәламләде.

Бүген Дәүләт Советында Икътисад, инвестицияләр һәм эшкуарлык комитеты һәм Комитет каршындагы Экспертлар советының уртак утырышы узды. Комитет әгъзалары республика икътисадының җитештерү секторына цифрлы технологияләрне кертү, шулай ук предприятиеләрне югары квалификацияле эшче кадрлар белән тәэмин итү мәсьәләләре буенча фикер алыштылар. Моннан тыш, парламентарийлар дәүләт милкен хосусыйлаштыру турындагы республика законына үзгәрешләр кертү турындагы закон проектын карадылар.

Бүген Балтач муниципаль районында авыл халкының эшлекле активлыгын арттыру мәсьәләләре буенча зона семинар-киңәшмәсе узды. Киңәшмәне Дәүләт Советы Рәисе Фәрит Мөхәммәтшин үткәрде. Республика Рәисенең аграрийлар алдына куелган бурычларны хәл итү планнары турында фикер алышуда Премьер-министр урынбасары – ТР авыл хуҗалыгы һәм азык-төлек министры Марат Җаббаров, ТР җирле үзидарә органнары ассоциациясе советы рәисе Әгъзам Гобәйдуллин, Дәүләт Советы депутатлары, шулай ук район һәм авыл җирлекләре башлыклары, республиканың төньяк зонасының 11 районыннан шәхси ярдәмче хуҗалыклар һәм гаилә фермалары, авыл хуҗалыгы кооперативлары җитәкчеләре, профильле министрлыклар һәм ведомстволар, банк өлкәсе вәкилләре катнашты.

Бүген танылган сәясәтче һәм җәмәгать эшлеклесе, Татарстан Республикасы Дәүләт Советы Рәисе Фәрит Мөхәммәтшин үзенең туган көнен билгеләп үтә, аның утыз елга якын хезмәт биографиясе парламент эшчәнлегенә багышланган.

Бүген Дәүләт Советы Рәисе Фәрит Мөхәммәтшин республика, шәһәр һәм район массакүләм мәгълүмат чаралары җитәкчеләре, федераль басмалар журналистлары, массакүләм мәгълүмат чаралары хезмәткәрләре белән очрашты. Республика парламентында узган очрашу 19 майда билгеләп үтелә торган Татарстан Республикасы матбугат көненә багышланган иде. Фәрит Мөхәммәтшин журналистларны һөнәри бәйрәмнәре белән котлады, шулай ук бергә эшләгәннәре өчен рәхмәт белдерде.

Җиденче чакырылыш Дәүләт Советы депутатлыгына «Бердәм Россия» партиясеннән тәкъдим ителәчәк кандидатлар буенча электрон алдан тавыш бирү башланды. Бүген, алдан тавыш бирүнең беренче көнендә, кандидатлар өчен үз тавышын Дәүләт Советы Рәисе, «Бердәм Россия» партиясенең Татарстан төбәк бүлеге Секретаре Фәрит Мөхәммәтшин бирде.

Бүген «Бердәм Россия»нең алдан тавыш бирүдә катнашучылар өчен электрон тавыш бирү башланды. Ул 20-26 майда узачак.

Республикада авыл халкының эшлекле активлыгын арттыру мәсьәләләре буенча зона семинар-киңәшмәләре башланды. Бүген беренче очрашуны Апас муниципаль районында Дәүләт Советы Рәисе Фәрит Мөхәммәтшин үткәрде. Семинарда Премьер-министр урынбасары – республиканың авыл хуҗалыгы һәм азык-төлек министры Марат Җәббаров, ТР җирле үзидарә органнары ассоциациясе советы рәисе Әгъзам Гобәйдуллин, район һәм авыл җирлекләре башлыклары, шәхси ярдәмче хуҗалыклар һәм гаилә фермалары җитәкчеләре, республиканың Идел аръягы зонасының тугыз районыннан фермерлар ассоциацияләре, кулланучылар җәмгыятьләре һәм авыл хуҗалыгы кооперативлары вәкилләре катнашты.

Бүген Иран Ислам Республикасы Генераль консуллыгының Казандагы офисы янында авиаһәлакәттә һәлак булган Иран Президенты Ибраһим Раиси һәм аны озата баручы кешеләрнең фаҗигале үлеме уңаеннан импровизацияләнгән мемориал янында чәчәкләр салу тантанасы булды. Чарада Дәүләт Советы Рәисе урынбасары Юрий Камалтынов, Торак сәясәте һәм инфраструктура үсеше комитеты рәисе урынбасары Камил Садриев һәм башка рәсми затлар катнашты.

Хөрмәтле журналистлар, нәширләр, полиграфистлар, ветераннар һәм яшь каләм тибрәтүчеләр! Сезне Татарстан Республикасы Матбугат көне белән чын күңелдән котлыйм.