Яңалыклар

Бүген Идел буе федераль округы субъектлары дәүләт хакимиятенең закон чыгару (вәкиллекле) органнары ассоциациясенең алтмыш өченче утырышында сүз һәртөрле чикләүләр шартларында Идел буе федераль округы төбәкләрендә иҗтимагый-сәяси һәм социаль-икътисадый вәзгыятьне тотрыклыландыру чаралары турында барды. Моннан тыш, Идел буе закон чыгаручылары сәламәтлек мөмкинлекләре чикләнгән кешеләр белән бергә яшәүне законнар белән җайга салу мәсьәләләре, каты коммуналь калдыклар белән эш итү өлкәсендә реформаларның хокукый аспектлары, берничә оештыру мәсьәләләре буенча фикер алышты.

Бүген Дәүләт Советы утырышында парламентарийлар «Татарстан Республикасында гражданнар тарафыннан үз ихтыяҗлары өчен бакчачылык һәм яшелчәчелек алып бару өлкәсендә аерым мәсьәләләр турында» Татарстан Республикасы законы проектын хупладылар. Закон проектында гражданнарның бакчачылык һәм яшелчәчелек белән шөгыльләнүенә дәүләт ярдәме чаралары һәм принциплары беркетелә. Проект депутатлар Азат Хамаев, Таһир Һадиев, Валерий Власов тарафыннан кертелгән.

Бүген Дәүләт Советы утырышында җирле үзидарәне оештыруның гомуми принциплары турында Федераль закон кабул ителүгә бәйле рәвештә әзерләнгән җирле үзидарә турында республика законы проектына үзгәрешләр кертү хакында закон проектын бертавыштан хупладылар.

Бүген Татарстан Республикасы Президенты каршындагы Эшкуарлар хокукларын яклау буенча вәкаләтле вәкил Фәрит Габделганиев депутатларга 2021 елда кече һәм урта бизнеска ярдәм итү эше турында мәгълүмат бирде. Парламент республика Хөкүмәтенә кече һәм урта эшкуарлыкка ярдәм чараларын күрсәтү буенча тәкъдимнәр кабул итте.

Депутатлар муниципаль хезмәт турында Татарстан Республикасы кодексына үзгәрешләр кертү хакында закон проектын беренче укылышта һәм тулаем кабул итте. Документны Дәүләт корылышы һәм җирле үзидарә комитеты рәисе Альберт Хәбибуллин тәкъдим итте.

Бүген Дәүләт Советы утырышында хезмәтне саклау өлкәсендә Татарстан Республикасының аерым закон актларының үз көчләрен югалтуын тану турында закон проекты беренче укылышта һәм тулаем кабул ителде.

Бүген Дәүләт Советы утырышында һөнәри берлекләр турында республика законына үзгәрешләр кертү хакында закон проекты беренче укылышта һәм тулаем кабул ителде.

Бүген Дәүләт Советы утырышында республиканың физик культура һәм спорт турындагы законына үзгәрешләр кертү турында закон проекты беренче укылышта һәм тулаем кабул ителде. Документ Татарстан Президентына кул куюга җибәрелде.

Парламент контроле вәкаләтләрен үтәү кысаларында Дәүләт Советы утырышында депутатлар 2021 - 2030 елларга Казан (Идел буе) федераль университетын үстерү программасын гамәлгә ашыру һәм 2021 елда Татарстанның социаль-икътисадый үсешенә өлеш кертү турында хисап тыңладылар.

Бүген Татарстан Республикасы Дәүләт Советының Эчке эшләр органнары хезмәткәрләренә матди һәм социаль гарантияләрне арттыру үтенече белән РФ Хөкүмәте Рәисе Михаил Мишустинга мөрәҗәгате кабул ителде. Парламент утырышында бу мәсьәлә буенча мәгълүмат белән Законлылык һәм хокук тәртибе комитеты рәисе урынбасары Александр Чубаров чыгыш ясады.