Яңалыклар

Бүген Идел буе федераль округы законнар чыгару җыеннарының хатын-кыз депутатлары Идел буе федераль округының дискуссия мәйданчыгы кысаларында фикер алыштылар. Конференциядә Россия Федерациясе Федераль Собраниесе Дәүләт Думасы депутаты Татьяна Ларионова, Татарстан Республикасы Дәүләт Советының «Мәрхәмәт - Милосердие» хатын-кыз депутатлар берләшмәсе җитәкчесе Алсу Нәбиева, депутат берләшмәсе әгъзалары катнашты. Утырыш видеоэлемтә режимында узды.

Бүген, Ватан Геройлары көнендә, Казанда «Бөек Җиңүнең яшь геройлары» балалар театр постановкалары конкурсында җиңүчеләрне бүләкләделәр.

Бүген "Мәрхәмәт-Милосердие" хатын-кыз депутатлар берләшмәсенең Дәрвишләр балалар йорты-интернаты базасында узган күчмә утырышында менталь тайпылышлы балаларны карау, укыту һәм социальләштерү мәсьәләләре буенча фикер алыштылар. Парламентарийлар менталь тайпылышлы кешеләрнең махсус учреждениедән чыкканнан соң мөстәкыйль рәвештә яшәргә әзерләү проблемасын аеруча актуаль дип саныйлар.

Бүген Дәүләт Советында профильле министрлыклар һәм ведомстволар, Сәүдә-сәнәгать палатасы вәкилләре, парламент депутатлары катнашында түгәрәк өстәл форматында үзмәшгульләр өчен махсус салым режимын кертү турындагы федераль законны гамәлгә ашыру мәсьәләләре турында фикер алыштылар. Бюджет, салымнар һәм финанс комитеты инициативасы буенча узган түгәрәк өстәл утырышын профильле комитет рәисе Леонид Якунин алып барды.

Бүген республикада Ватан Геройлары көненә багышланган бәйрәм кысаларында Казанның Җиңү паркындагы Мәңгелек утка веноклар салу тантанасы булды. Казан Ратушасында исә Ватан Геройлары көне белән Советлар Союзы, Россия, Социалистик хезмәт геройларын һәм Дан орденының тулы кавалерларын, шулай ук аларның туганнарын һәм якыннарын Дәүләт Советы Рәисе Фәрит Мөхәммәтшин котлады.

Бүген Дәүләт Советында матбугат конференциясендә кече һәм урта бизнесны һәм муниципаль сәнәгать мәйданчыкларын үстерү өлкәсендәге законнарның үтәлеше турында сүз барды. Журналистларның сорауларына Икътисад, инвестицияләр һәм эшкуарлык комитеты рәисе Лотфулла Шәфигуллин, Дәүләт Советы депутаты Марат Галиев һәм Татарстан Республикасы кътисад министрының беренче урынбасары - Эшмәкәрлек һәм конкуренция үсеше департаменты директоры Рөстәм Сибгатуллин җавап бирде.

Бүген Дәүләт Советында Яшьләр парламентының җиденче утырышы узды, анда яшь парламентарийлар республикада яшьләр сәясәтен гамәлгә ашыру, яшүсмерләрне эшкә урнаштыру һәм авыл яшьләренә ярдәм мәсьәләләре буенча фикер алыштылар. Утырышны Яшьләр парламенты рәисе Нина Шимина үткәрде. Утырышта Дәүләт Советы Рәисе урынбасары Юрий Камалтынов, Социаль сәясәт комитеты рәисе Светлана Захарова, профильле министрлыклар һәм ведомстволар, республика муниципалитетлары вәкилләре катнашты.

Дәүләт Советы депутатлары, “Мәрхәмәт” депутатлар төркеме әгъзалары эшмәкәр хатын-кызлар һәм үзләренең бизнесын әле оештырырга гына җыенучыларның сорауларына җавап бирәчәк. Туташ-ханымнарның эшмәкәрлек эшчәнлегенә ярдәм итүне төп бурыч итеп куйган “Хатын-кыз игътибары” “кайнар линия”се җомга – 10 декабрьдә эшли башлаячак.

Дәүләт Советы депутатларының округларда эше дәвам итә. Бу атнада парламентарийлар үз округларында социаль объектларда булдылар, волонтер-медиклар белән аралаштылар, шулай ук гражданнарны кабул иттеләр.

Бүген Дәүләт Советында узган түгәрәк өстәл җыелышында катнашучылар Татарстанда кинематографияне үстерү мәсьәләләре буенча фикер алыштылар. Киңәшмәне Мәгариф, мәдәният, фән һәм милли мәсьәләләр комитеты рәисе Айрат Зарипов алып барды.