Яңалыклар

Бүген балалар онкологиясе, гематология һәм хирургия үзәгендә озак вакыт дәваланучы балаларга "Кыюлык кабы" акциясе кысаларында җыелган бүләкләр тапшырылды. Аларны РФ Дәүләт Думасы депутаты Айрат Фәррахов һәм ТР Дәүләт Советының Социаль сәясәт комитеты рәисе Светлана Захарова тапшырды.

Бүген Мәгариф, мәдәният һәм милли мәсьәләләр комитеты рәисе урынбасары Людмила Рыбакова матди булмаган мәдәни мирас турында федераль закон проектын әзерләү мәсьәләләре буенча эшлекле киңәшмә уздырды. Анда ТР Президенты, ТР Дәүләт Советы, ТР Министрлар Кабинеты аппаратлары, Казан шәһәре башкарма комитеты вәкилләре катнашты.

Бүген КПРФ фракциясе Дәүләт Советында матбугат конференциясе уздырды, анда депутатлар фракциянең 2022 елга Татарстан Республикасы бюджеты турындагы закон проектына төзәтмәләре турында сөйләделәр. Республика ММЧ журналистларының сорауларына КПРФ фракциясе җитәкчесе Хафиз Миргалимов, Дәүләт Советы депутатлары Фадбир Сафин һәм Александр Комисаров җавап бирде.

«Хөкүмәт сәгате» кысаларындагы депутатлар мәдәният министры Ирада Әюпованың «Татарстанда халык сәнгать һөнәрләрен саклау, өйрәнү һәм үстерү турында» докладын тыңладылар.

Казан аэропортның таможня посты Казан Идел буе төбәгенең таможня постлары арасында рәсмиләштерелгән һава суднолары саны һәм агымдагы елда тикшерелгән пассажирлар саны буенча алда бара. Бүген Дәүләт Советы утырышында чыгыш ясап, Татарстан таможнясы эшчәнлеге турындагы мәгълүматны депутатларга хезмәт башлыгы Марат Гәрәев тәкъдим итте.

Бүген Дәүләт Советы «Татарстан Республикасында умартачылыкны үстерү өлкәсендә аерым мәсьәләләр турында» закон проектын карады. Экология, табигатьтән файдалану, агросәнәгать һәм азык-төлек сәясәте комитеты тәкъдиме буенча документ тулаем кабул ителде.

Артем Прокофьевны РФ Дәүләт Думасы депутаты итеп сайлау сәбәпле, даими һөнәри нигездә эшләү өчен Дәүләт Советы депутаты вакансиясе барлыкка килде. Парламентка вакантлы вазыйфага депутатлар Светлана Вострикова һәм Фадбир Сафиннан гариза килде. Рейтинг тавыш бирү барышында депутатлар күпчелек тавыш белән элегрәк Социаль сәясәт комитеты рәисе урынбасары итеп билгеләнгән Светлана Вострикованы сайладылар.

Бүген Дәүләт Советы депутатлары мәгарифне үстерү программаларын гамәлгә ашыру барышы турында мәгълүмат тыңладылар, аны мәгариф һәм фән министры Илсур Һадиуллин тәкъдим итте.

Бүген Дәүләт Советы утырышында беренче укылышта һәм тулаем алганда күп фатирлы йортларны һәм торак-төзелеш кооперативларын өлешле төзү өлкәсендә финанс хисаплылыгын тапшыру өлешендә үзгәрешләр кертү турында закон проекты кабул ителде. Документны торак сәясәте һәм инфраструктура үсеше комитеты рәисе Александр Тыгин тәкъдим итте.

Татарстан Дәүләт Советы РФ субъектларында гавами хакимият оештыруның гомуми принциплары турында федераль закон проектына төзәтмәләр җибәрде. Закон проекты РФ ФҖ Дәүләт Думасы тарафыннан бу елның 9 ноябрендә беренче укылышта кабул ителде. 8 декабрьгә кадәр барлык субъектларның закон чыгару органнарының бу закон проектына , төзәтмәләр кертү мөмкинлеге бар. Татарстан Дәүләт Советы шушы хокуктан файдаланды. Федераль закон 11 бүлектән һәм 65 статьядан тора. Дәүләт Советы 13 статьяга үзгәрешләр кертергә тәкъдим итә.