Яңалыклар

Бүген депутат Марат Нуриев Чуйков урамындагы 25 йортта яшәүчеләр белән очрашты, аның ишегалдында "Безнең ишегалды" президент программасы буенча төзекләндерү эшләре башкарыла. Нуриев халык белән аралашты, эшләр ничек баруы, тәкъдимнәр һәм кисәтүләр бармы-юкмы дип кызыксынды. 

Бүген Казанда яңадан торгызылган Казан Изге Ана иконасы соборын изгеләндерү тантанасы булды. Тантана 21 июльдә очраклы рәвештә генә узмады, нәкъ менә бу көнне бөтен православие дөньясы Изге Ананың могҗизалы Казан иконасы көне бәйрәм итә. Изге Патриарх Мәскәү һәм бөтен Русь Патриархы Кирилл чинын үткәрде. Тантанада РФ Федераль Җыелышының Федерация Советы Рәисе Валентина Матвиенко, Россия Президентының Идел буе федераль округындагы Тулы вәкаләтле вәкиле Игорь Комаров, Татарстан Президенты Рөстәм Миңнеханов, республиканың Дәүләт киңәшчесе Минтимер Шәймиев, Дәүләт Советы Рәисе Фәрит Мөхәммәтшин, традицион конфессияләр һәм дин әһелләре катнашты.

Дәүләт Советы Рәисе Фәрит Мөхәммәтшин бүген “Палестина император православие җәмгыяте” оешмасы (хөкүмәтнеке булмаган фәнни һәм хәйрия оешмасы) рәисе, Торак-коммуналь хуҗалыкны реформалауга ярдәм итү фондының күзәтчелек советы рәисе Сергей Степашин белән очрашты.

Россия Федерациясе Федераль Собраниесе Федерация Советы Рәисе Валентина Матвиенко Татарстанга эш сәфәре белән килде. «Казан» халыкара аэропортында аны Татарстан Президенты Рөстәм Миңнеханов, РФ Президентының Идел буе федераль округындагы вәкаләтле вәкиле Игорь Комаров һәм Дәүләт Советы Рәисе Фәрит Мөхәммәтшин каршы алды.

Бүген Казанда «Россия һәм дөнья цивилизациясе язмышында Изге Ананың могҗизалы Казан образы» фәнни-гамәли конференциясе тәмамланды. Россиянең күп төбәкләреннән 100дән артык кеше катнашкан бу чара 21 июльдә узачак чиркәүне изгеләндерүгә багышланган иде. Форумда катнашучыларны Дәүләт Советы Рәисе урынбасары Юрий Камалтынов сәламләде.

ТР Дәүләт Советы Рәисе Фәрит Мөхәммәтшин Казахстанның Казандагы беренче Генераль консулы Әсхәт Нускабай вафат булуы сәбәпле, якыннарының кайгысын уртаклашты.

Дәүләт Советы депутатларының округларда эше дәвам итә. Бу атнада парламентарийлар балаларны сәламәтләндерү лагерьларында булдылар, гражданнар кабул иттеләр, Бөтенроссия драматурглар семинарында һәм Алабугада халыкара музыка фестивалендә катнаштылар.

Дәүләт Советы Рәисе урынбасары Татьяна Ларионова  “Бердәм Россия” партиясенең төбәк иҗтимагый кабул итү бүлмәсендә “Минем депутат” системасына кергән мөрәҗәгатьләргә җавап бирде. Парламентарий халык белән аралашу актуаль проблемаларны һәм аларны хәл итү юлларын билгеләргә мөмкинлек бирә, дип ассызыклады.

Дәүләт Советы депутаты Марат Нуриев экоактивистлар белән очрашты һәм Казан шәһәренең Карбышев урамында фонтанны һәм аның янәшәсендәге территорияне  җыештыруда катнашты. Ул җирле халыкның шикаятьләрен тыңлады һәм  бергәләп тотынганда ял итү урыннарын төзекләндерүгә ирешәчәкбез, диде. Нәкъ менә әлеге фонтанны төзекләндерү «Минем район» проектында иң күп тавыш җыйган иде.

Бүген Татарстан Авыл хуҗалыгы һәм азык-төлек министрлыгында Россия Федерациясе сенаторы Геннадий Емельянов селекция һәм орлыкчылыкны үстерүне законнар белән җайга салуны камилләштерү мәсьәләсе буенча киңәшмә үткәрде. Аның эшендә авыл хуҗалыгы министрының беренче урынбасары Наил Залаков, министр урынбасары Илдус Габдрахманов, «Татарстанның элиталы орлыклары» ассоциациясе генераль директоры Юрий Ёров, «Элита» баш нәсел предприятиесе» АҖ генераль директоры Фәннур Зарипов, министрлыкның төрле бүлекләре җитәкчеләре катнашты.