Яңалыклар

Татарстан Дәүләт Советы Рәисе Фәрит Мөхәммәтшин бүген Казахстан башкаласы Нур-Солтанда узган «Президент институты: Казахстан моделе» халыкара парламент конференциясендә катнашты. Ул үз чыгышында республиканың Евразия икътисади берлеген үстерүдә төбәк дәрәҗәсендә актив катнашуына игътибар юнәлтте.

Алтынчы чакырылыш Дәүләт Советының бишенче утырышында «2020 елга, 2021 һәм 2022 еллар план чорына Татарстан Республикасы бюджеты турында» Татарстан Республикасы законы проекты II укылышта һәм тулаем кабул ителде.

Даими булмаган нигездә эшләүче авыл депутатларын керемнәре турында мәгълүмат бирүдән азат итәчәкләр. Әгәр дә ниндидер эш буенча зур күләмле килешүләр төзелмәгән булса дигән шарты бар. Бүген парламент утырышында «Татарстан Республикасы аерым закон актларына коррупциягә каршы көрәш мәсьәләләре буенча үзгәрешләр кертү турында» закон проекты каралды.

Бүген сәгать унда алтынчы чакырылыш Татарстан Республикасы Дәүләт Советының бишенче утырышы ачылды. Утырышны Дәүләт Советы Рәисе урынбасары Юрий Камалтынов алып бара. Сессия эшендә Татарстан Президенты Рөстәм Миңнеханов катнаша.

Бүген Татарстан Дәүләт Советы Рәисе Фәрит Мөхәммәтшин Казахстан Парламенты Сенаты Рәисе Дәрига Назарбаева белән очрашты. Яклар киләчәктә хезмәттәшлекне, шул исәптән парламентара элемтәләрне үстерү турында килештеләр.

Бүген Татарстан парламенты делегациясенең Казахстанга эш сәфәре кысаларында Дәүләт Советы Рәисе Фәрит Мөхәммәтшин Казахстанның Премьер-министры Әскәр Мамин белән очрашты.  Яклар ике республика арасында сәүдә-икътисади, фәнни-техник һәм мәдәни-гуманитар хезмәттәшлекне  үстерүнең яңа юллары турында сөйләштеләр.

Бүген Дәүләт Советы Рәисе Фәрит Мөхәммәтшин җитәкчелегендәге Татарстан парламенты делегациясенең Казахстанга эш сәфәре башланды.  Визит кысаларында Татарстан парламенты башлыгының  Казахстан Республикасы җитәкчеләре белән очрашуы ниятләнгән. Шулай ук Татарстан Республикасы законнарының татар һәм рус телләрендәге текстлары тәңгәллеген билгеләү буенча комиссия рәисе Римма Ратникова, Татарстанның Казахстан Республикасындагы вәкаләтле вәкиле Денис Вәлиев, казахларның Татарстандагы милли-мәдәни мохтәрияте  рәисе Сәгыйть Җаксыбаевлардан торган рәсми делегация "Президентлык институты:  Казахстан моделе" дип аталган халыкара конференциядә катнашачак.

Бүген Казанда, Монополиягә каршы федераль хезмәтнең укыту-методика үзәге базасында Дәүләт Советы Рәисе Фәрит Мөхәммәтшин  Татарстаннан сайланган РФ ФС Федерация Советы әгъзалары һәм Дәүләт Думасы депутатлары белән очрашты.  Чарада Татарстан Премьер-министрының беренче урынбасары Рөстәм Нигъмәтуллин,  республиканың профиль министрлыклары һәм ведомстволары вәкилләре катнашты.

Татарстан Дәүләт Советы Рәисе  Фәрит Мөхәммәтшин Россия Геройлары, һава судносы командиры Дамир Йосыповны һәм икенче очучы Георгий Мурзинны дәүләт бүләкләренә лаек булулары белән тәбрик итте. Республика парламенты башлыгы очучылар белән  Татарстан Республикасының Россия Федерациясендәге Вәкаләтле вәкиллегендә очрашты.

Бүген Татарстан Дәүләт Советы Рәисе Фәрит Мөхәммәтшин Россия Хисап палатасы аудиторы Дмитрий Зайцев белән очрашты. Парламент башлыгы республикада милли проектларны гамәлгә ашыру турында сөйләде.