Яңалыклар

27 ноябрьдә танылган җәмәгать һәм сәясәт эшлеклесе, 1983-1986 елларда ТАССР Верховный Советы Президиумы Рәисе булган Әнвәр Баһаветдиновның тууына 100 ел тула.

Бүген «Бердәм Россия» партиясенең төбәк бүлекчәсе мәйданчыгында видеоэлемтә режимында Идел буе федераль округының закон чыгару җыелышлары хатын-кыз депутатларының дискуссия мәйданчыгының унберенче утырышы узды. Дискуссия мәйданчыгы эшендә РФ ФС Дәүләт Думасы депутаты, Гаиләне яклау, ата, ана һәм бала мәсьәләләре комитеты әгъзасы Татьяна Ларионова, Татарстан Дәүләт Советы Секретаре Лилия Маврина, ТР Дәүләт Советының «Мәрхәмәт-Милосердие» хатын-кыз депутатлар берләшмәсе җитәкчесе Алсу Нәбиева, республика парламенты депутатлары Ирина Терентьева һәм Алсу Надршина катнашты. Очрашуның төп темасы Идел буе федераль округы субъектларында балалы гаиләләргә ярдәм чаралары турында булды.

Бүген Экология, табигатьтән файдалану, агросәнәгать һәм азык-төлек сәясәте комитеты һәм комитет каршындагы Эксперт советы утырышында шәхси ярдәмче хуҗалыкларны үстерүгә ярдәм мәсьәләләре турында фикер алыштылар. Утырыш эшендә Дәүләт Советы Рәисе урынбасары Марат Әхмәтов катнашты.

Бүген Дәүләт Советында «түгәрәк өстәл» форматында «Волжская гавань» торак комплексының инфраструктура үсеше, шулай ук тулаем алганда – төзелешне планлаштыру, төзелешне контрольдә тоту һәм проект документларын үтәү, торак комплексларында юлларның торышы һәм табигатьне саклау законнарын бозу мәсьәләләре турында фикер алыштылар. Чара КПРФ фракциясе депутатлары инициативасы белән уздырылды. Утырышта парламент депутатлары, республиканың профильле министрлыклары һәм ведомстволары вәкилләре, «Волжская гавань» торак комплексы активистлары катнашты.

Җомга көнне, 28 ноябрьдә, Дәүләт Советының «Мәрхәмәт-Милосердие» хатын-кыз депутатлар берләшмәсе Татарстан Республикасында Кеше хокуклары буенча вәкаләтле вәкил белән берлектә хәрби хезмәткәрләргә һәм аларның гаилә әгъзаларына ярдәм итү, аларның хокукларын саклау, социаль, хокукый һәм медицина ярдәме күрсәтү, түләүләр һәм ташламалар алу, реабилитация мәсьәләләре буенча «Хатын-кыз игътибары» телефон кайнар линиясен үткәрә.

Бүген Дәүләт Советы Рәисе Фәрит Мөхәммәтшин эксперт советлары рәисләре һәм парламентның профильле комитетлары җитәкчеләре белән очрашты. Эшне активлаштырырга, муниципаль депутатларның эксперт советлары эшчәнлегендә катнашуын киңәйтергә, эксперт җәмәгатьчелеге вәкилләрен эш төркемнәре составына кертергә, закон проектларына экспертиза уздырырга, шул исәптән фәнни-тикшеренү үзәкләрендә дә, – Дәүләт Советы Рәисе шундый бурычларны куйды.

Бүген Дәүләт Советында Законлылык һәм хокук тәртибе комитеты һәм комитет каршындагы Эксперт советының уртак утырышы булды, анда депутатлар Казан шәһәрендә җәмәгать куркынычсызлыгын тәэмин итү мәсьәләләре турында фикер алыштылар, ТР Дәүләт Советыннан ТР Иҗтимагый палатасы составына сайлану өчен кандидатуралар карадылар, шулай ук 2026 елга закон проекты эшенең якынча планын расладылар. Утырышта Дәүләт Советы Рәисе урынбасары Юрий Камалтынов катнашты.

Бүген Дәүләт Советында Бюджет, салымнар һәм финанс комитеты утырышы булды, анда депутатлар 2026 елга һәм 2027 һәм 2028 еллар план чорына бюджет турындагы республика закон проектына һәм ММИ Территориаль фонды бюджеты проектына икенче укылышка әзерләнгән төзәтмәләрне, шулай ук агымдагы елның 9 аенда республика бюджеты үтәлеше турындагы мәсьәләләрне карадылар. Комитет утырышы эшендә Татарстан Республикасы Рәисенең ТР Дәүләт Советындагы тулы вәкаләтле вәкиле Александр Терентьев катнашты.

Бүген Мәскәүдә Милләтара мөнәсәбәтләр һәм дини берләшмәләр белән хезмәттәшлек советы утырышы узды, аны РФ ФС Федерация Советы Рәисе урынбасары, Милләтара мөнәсәбәтләр буенча совет рәисе Константин Косачев уздырды. Парламентарийлар, тармак министрлыклары һәм ведомстволары вәкилләре Россия Федерациясе субъектларында дәүләт милли сәясәтен гамәлгә ашыру мәсьәләләре буенча фикер алыштылар. Утырышта видеоэлемтә режимында Дәүләт Советы Рәисе, Милләтара мөнәсәбәтләр һәм дини берләшмәләр белән хезмәттәшлек советы рәисе урынбасары, Татарстан халыклары Ассамблеясе рәисе Фәрит Мөхәммәтшин катнашты.