Яңалыклар

Бүген Дәүләт Думасының Хезмәт, социаль сәясәт һәм ветераннар эшләре комитеты рәисе Ярослав Нилов, Дәүләт Советының Социаль сәясәт комитеты рәисе Алексей Созинов һәм Россия Федерациясе Иҗтимагый палатасы әгъзасы Ольга Павлова «Игелекле Казан» коворкинг үзәгендә һәм Казан шәһәре Совет районының Балалар академиясендә булдылар.

Дәүләт Советы депутаты, В.Г. Тимирясов исемендәге Казан инновацион университетының беренче проректоры, фәнни эшләр буенча проректоры, Россия «Белем» җәмгыяте лекторы  Игорь Бикеев Татарстанның иң яхшы мәгърифәтчесе дип танылды.  Җиңүчеләрне составына Россия Федерациясе Хөкүмәте Рәисе урынбасарлары һәм министрлары, күренекле дәүләт эшлеклеләре, фән, сәнгать, бизнес һәм спорт вәкилләре кергән жюри бәяләде. 

Бүген Дәүләт Советында унҗиденче утырыш кысаларында «Татарстан Республикасында махсус хәрби операция ветераннарына ярдәм чаралары турында» Хөкүмәт сәгате узды. Әлеге мәсьәлә буенча мәгълүматны Хезмәт, мәшгульлек һәм социаль яклау министры Эльмира Зарипова җиткерде.

Дәүләт Советы утырышы тәмамланганнан соң депутатлар бүген парламент утырышында кабул ителгән республиканың Экология кодексына үзгәрешләр кертү турындагы һәм җирле үзидарә органнарына хайваннар авыруларын кисәтү һәм бетерү буенча чаралар үткәрүне оештыру өлкәсендә дәүләт вәкаләтләрен бирү турындагы, хайваннар белән эш итү өлкәсендәге аерым мәсьәләләрне җайга салу турындагы законнарга аңлатма бирделәр. Законнар караучысыз калган хайваннар мәсьәләләрен җайга салуга кагыла.

Дәүләт Советының унҗиденче утырышы – бу елның көзге сессиядәге соңгы утырышы тәмамланды.  Чара ахырында Дәүләт Советы Рәисе Фәрит Мөхәммәтшин җиденче чакырылыш республика парламентының 2025 елдагы эшенә йомгак ясады.

Бүген Дәүләт Советы утырышында 2025 елда Россия субъектларының закон чыгару органнары белән парламентара элемтәләрне ныгыту буенча Татарстан парламенты эшенә йомгак ясалды. Моннан тыш, депутатлар 2026 елга Дәүләт Советының РФ субъектлары, башка дәүләтләр парламентлары һәм халыкара парламент оешмалары белән хезмәттәшлегенең якынча планын расладылар.

Бүген Дәүләт Советы утырышында дәүләт символлары турындагы республика законына үзгәрешләр кертү турындагы закон проекты беренче укылышта һәм тулаем кабул ителде. Документ дәүләт символлары турындагы Татарстан Законы нигезләмәләрен федераль һәм республика законнары нормаларына туры китереп актуальләштерү максатларында эшләнгән.

Махсус хәрби операциядә катнашучыларга һәм аларның гаилә әгъзаларына социаль ярдәм өлкәсендә мөнәсәбәтләрне хокукый җайга салу үзенчәлекләре турында республика законына үзгәрешләр кертү хакындагы закон бүген Дәүләт Советы утырышында беренче укылышта һәм тулаем  кабул ителде. 

Бүген Дәүләт Советы утырышында түләүсез юридик ярдәм күрсәтү турында республика законына үзгәрешләр кертү хакында закон проекты беренче һәм өченче укылышта кабул ителде. Әлеге закон проекты федераль законнардагы үзгәрешләргә бәйле рәвештә эшләнде.

Бүген Дәүләт Советы утырышында гражданнарга социаль хезмәт күрсәтү өлкәсендәге аерым мәсьәләләрне җайга салу турында республика законының 6-8 статьяларына үзгәрешләр кертү хакында закон проекты беренче һәм өченче укылышта кабул ителде. Документ социаль хезмәт күрсәтү турында федераль закон кысаларында эшләнгән һәм психик тайпылышлары булган гражданнар өчен интернат-йортларның исемнәрен, балалар учреждениеләрен дә кертеп, социаль хезмәт күрсәтү йортлары дип үзгәртүне күздә тота.