Яңалыклар

Татарстан Дәүләт Советы Рәисе Фәрит Мөхәммәтшин адресына РФ ФС Дәүләт Думасы Рәисе Вячеслав Володиннан котлау телеграммасы килде. Федераль парламентның түбән палатасы җитәкчесе татарстанлыларны Бөек Ватан сугышында Җиңүнең 80 еллыгы белән котлый.

9 Майда, Бөек Ватан сугышында Җиңүнең 80 еллыгы көнендә, Казанның Архангел зиратында Татарстан Республикасы Дәүләт Советы Рәисе Фәрит Мөхәммәтшин, парламент депутатлары, Бөек Ватан сугышы ветераннары, иҗтимагый оешмалар вәкилләре «Сугышчы» монументына, шулай ук сугыш вакытында Казан госпитальләрендә вафат булган сугышчыларга истәлек билгесенә чәчәкләр һәм веноклар салдылар.

Җиңү көне алдыннан Татарстаннан Курск өлкәсенә Бөек Ватан сугышы ветераннары өчен 2 меңгә якын бүләк җибәрелде. Республиканың 70 волонтеры тырышлыгы белән җыелган бүләк тартмаларында азык-төлек, тәм-томнар һәм көнкүреш товарлары бар.

Бүген Дәүләт Советы Рәисе, «Бердәм Россия» Бөтенроссия сәяси партиясенең Татарстан төбәк бүлеге Секретаре Фәрит Мөхәммәтшин Бөек Ватан сугышы ветераннары Рәүф Төхфәтуллинны һәм Әминә Әхмәдиеваны Җиңү көне белән котлады. Аралашу видеоэлемтә режимында узды.

Дәүләт Советы депутатларының округларда эше дәвам итә. Бу атнада парламентарийлар Бөек Ватан сугышында Җиңүнең 80 еллыгын бәйрәм итүгә багышланган тантаналы чараларда катнашалар: ветераннарны һәм тыл хезмәтчәннәрен котладылар, «Җиңү тәрәзәләре» Бөтенроссия акциясен башлап җибәрүдә һәм «Хәтер бакчасы»н утырту буенча халыкара экологик-патриотик акциядә катнаштылар.

Бүген Казанда Горький исемендәге үзәк мәдәният һәм ял паркында милли-мәдәни берләшмәләр, Татарстан халыклары Ассамблеясе вәкилләре, республиканың күпмилләтле яшьләре катнашында Мәңгелек утка һәм Билгесез солдат һәйкәленә чәчәкләр салу тантанасы булды. Чара, гадәттәгечә, «Бөек еллар алдында баш иябез» шигъри акциясе кысаларында дөньяның төрле телләрендә сугыш турында шигырьләр уку белән үрелеп барды.  Чәчәк салу тантанасында Дәүләт Советы Рәисе, Татарстан халыклары Ассамблеясе рәисе Фәрит Мөхәммәтшин катнашты.

Бүген Казанның Бауман урамында Ватанны саклаучылар елына һәм Бөек Ватан сугышында Җиңүнең 80 еллыгына багышланган «Күпмилләтле Татарстанның геройлары» күргәзмәсе ачылды. Анда тәкъдим ителгән геройларның тарихлары белән Дәүләт Советы Рәисе, Татарстан халыклары Ассамблеясе Рәисе Фәрит Мөхәммәтшин, РФ ФС Дәүләт Думасы һәм ТР Дәүләт Советы депутатлары, ТР Фәннәр академиясе, ТР Халыклар дуслыгы ассамблеясе вәкилләре, Татарстанның милли-мәдәни автономияләре лидерлары, министрлыклар һәм ведомстволар вәкилләре танышты.

Бүген Габдулла Тукай исемендәге Татар дәүләт филармониясендә ветераннар арасында «Балкыш» республика үзешчән башкаручылар фестивале лауреатларының Бөек Ватан сугышында Җиңүнең 80 еллыгына багышланган гала-концерты булды. Концертта катнашучыларны һәм оештыручыларны Дәүләт Советы Рәисе Фәрит Мөхәммәтшин сәламләде.

Дәүләт Советы депутатларының округларда эшчәнлеге дәвам итә. Бу атнада парламентарийлар гражданнарны кабул итте, Бөек Ватан сугышы ветераннары белән очрашты, Бөек Җиңүнең 80 еллыгына багышланган чараларда катнашты.