Яңалыклар

Бүген Дәүләт Советында матбугат конференциясе узды, анда КПРФ парламент фракциясенең 2023 елдагы эшенә йомгак ясалды. Журналистларның сорауларына КПРФ фракциясе җитәкчесе Хафиз Миргалимов һәм Дәүләт Советы депутаты Фадбир Сафин җавап бирде. Моннан тыш, КПРФ фракциясе әгъзалары массакүләм мәгълүмат чаралары вәкилләренә КПРФның XVIII съездының төп нәтиҗәләре турында хәбәр иттеләр һәм 2024 елга депутатлар берләшмәсе эшчәнлеге планнары белән уртаклаштылар.

Татарстан Республикасы Дәүләт Советы Рәисе, Татарстан Республикасы Волейбол федерациясе президенты Фәрит Мөхәммәтшин «Зенит - Казан» волейбол командасы җитәкчелеген һәм спортчыларын Россия кубогы турнирында җиңүләре белән котлады. Казанлылар Мәскәү "Динамо"сы белән финал матчта җиңү яулады.

Бүген Дәүләт Советында түгәрәк өстәл узды, анда республиканың муниципаль районнарында һәм шәһәрләрендә халыклар дуслыгы йортлары һәм үзәкләре эшенең яңа юнәлешләре турында фикер алыштылар. Щлеге чарада Мәгариф, мәдәният, фән һәм милли мәсьәләләр комитеты рәисе Айрат Зарипов, ТР мәдәният министры урынбасары Дамир Натфуллин, Татарстан халыклары ассамблеясе башкарма комитеты җитәкчесе Константин Яковлев, ТР Халыклар Дуслыгы йорты директоры Тимур Кадыйров, шәһәр һәм район Халыклар дуслыгы йортлары җитәкчеләре катнашты.

Дәүләт Советы депутатларының округларда эше дәвам итә. Бу атнада парламентарийлар гражданнарны кабул иттеләр, «Теләкләр чыршысы» хәйрия акциясендә катнаштылар, мөмкинлекләре чикле кешеләрнең «Кулны-кулга тотыйк, дуслар!» республика фестивале җиңүчеләрен бүләкләделәр.

Бүген Мәскәүдә эш сәфәрендә булган Татарстан Дәүләт Советы Рәисе Фәрит Мөхәммәтшин Россия Закон чыгаручылар советы һәм аның Президиумы чараларында катнашты. Россия Федерациясе Федераль Җыенының 30 еллыгына багышланган Закон чыгаручылар советы утырышы Союзлар йортының Колонналар залында узды. Утырышта катнашучыларга Россия Федерациясе Президенты Владимир Путин мөрәҗәгать итте.

Казанда "Курган" зиратында ТР Дәүләт Советының матбугат хезмәте җитәкчесе Резидә Макуева белән хушлаштылар, ул озакка сузылган авырудан соң 61 яшендә вафат булды. Аны соңгы юлга озатырга коллегалары, парламент депутатлары, журналистлар, туганнары һәм якыннары килде.

Татарстан Республикасы Дәүләт Советының Матбугат хезмәте җитәкчесе, массакүләм мәгълүмат чаралары вәкилләре һәм хезмәттәшләре арасында абруй казанган талантлы журналист, республикада парламент журналистикасы үсешенә зур өлеш керткән компетентлы җитәкче Резида Галимҗан кызы Макуева 62нче яшендә вафат булды.

Бүген Татарстан Халыклар дуслыгы йортында узган «Татарстан – новый век» – «Татарстан – яңа гасыр» республика иҗтимагый хәрәкәтенең Югары Советы утырышында яшьләрнең рухи-әхлакый кыйммәтләре нигезләре буларак гражданлык һәм мәдәни үзенчәлекләрен формалаштыру мәсьәләләре турында фикер алыштылар. Моннан тыш, хәрәкәт әгъзалары 2023 елда эшкә йомгак ясадылар һәм киләсе чорга планны расладылар. Утырышны Дәүләт Советы Рәисе, «Татарстан – новый век» – «Татарстан – яңа гасыр» республика иҗтимагый хәрәкәте Югары Советы рәисе Фәрит Мөхәммәтшин үткәрде.

Бүген Дәүләт Советында Торак сәясәте һәм инфраструктур үсеш комитеты утырышында Казанда түләүле паркингларны арттыру проблемалары һәм перспективалары турында фикер алыштылар. Утырыш эшендә Дәүләт Советының профильле комитетлары депутатлары, Казан шәһәр Думасы депутатлары, Казан шәһәре Башкарма комитеты вәкилләре катнашты.

Парламентның илленче утырышында депутатлар Татарстанда җәмәгать юстициясе эшчәнлеге турында мәгълүмат тыңладылар, аны ТР Югары Суды Рәисе вазыйфаларын башкаручы Эдуард Каминский тәкъдим итте.