Яңалыклар

Бүген депутатлар "Мәгариф турында" ТР Законына урта һөнәри яки югары белем алганнан соң инвалид булган затлар өчен кабаттан түләүсез рәвештә урта һөнәри белем яисә югары белем алуга дәүләт гарантиясен күздә тоткан үзгәрешләр кабул итү турындагы мәсьәләне карадылар. ТР Мәгариф һәм фән министры Илсур Һадиуллин тәкъдим иткән закон проекты Дәүләт Советы тарафыннан беренче һәм өченче укылышта кабул ителде.

Бүген депутатлар «Татарстан Республикасында гражданнарның үз ихтыяҗлары өчен бакчачылык һәм яшелчәчелек белән шөгыльләнүе өлкәсендә аерым мәсьәләләрне җайга салу турында» Татарстан Республикасы Законына үзгәрешләр кертү хакында закон проектын карады. Фикер алышудан соң Дәүләт Советы закон проектын беренче укылышта һәм тулаем кабул итте.

Бүген Дәүләт Советы утырышында 2023 елга закон проекты эшенең якынча планы проекты кабул ителде. Документны Законлылык һәм хокук тәртибе комитеты рәисе Шакир Яһудин тәкъдим итте.

Бүгенге  утырышта 2023 елга, 2024 һәм 2025 еллар план чорына Татарстан Республикасы Территориаль мәҗбүри медицина иминияте фонды бюджеты турында закон проекты икенче укылышта һәм тулаем кабул ителде.

2023 елга һәм 2024 һәм 2025 елларның планлы чорына республика бюджеты турында закон проекты бүген Дәүләт Советы утырышында икенче укылышта һәм тулаем алганда кабул ителде, документ якын арада Татарстан Президентына кул куюга юнәлдереләчәк, шуннан соң республика законы статусын алачак.

Бүген Дәүләт Советы утырышында оешмалар мөлкәтенә салым турында законның 3 һәм 5 статьяларына үзгәрешләр кертү хакында закон проекты беренче укылышта һәм тулаем кабул ителде. Сүз махсус икътисадый зоналар территориясендә төзелгән индустриаль (сәнәгать) паркларның идарәче компанияләре мөлкәте турында бара.

Бүген Дәүләт Советы утырышында Татарстан Республикасы җәмәгать судьяларын сайлау мәсьәләсе каралды. Парламентарийлар республика Югары суды тәкъдим иткән һәм профиль комитеты хуплаган кандидатураларны хуплады.

Бүген сәгать унда алтынчы чакырылыш Дәүләт Советының утыз җиденче утырышы ачылды.

Бүген Дәүләт Советында «Бердәм Россия» фракциясенең һәм «Татарстан - яңа гасыр» депутат төркеменең уртак утырышы узды, анда парламентарийлар бушлай юридик ярдәм күрсәтү мәсьәләләре буенча фикер алыштылар. Моннан тыш, утырышта сүз "Бердәм Россия" партиясенең гуманитар ярдәм җыю һәм җибәрүне оештыру буенча төбәк бүлеге эше турында барды. Утырышны “Бердәм Россия” фракциясе җитәкчесе Юрий Камалтынов үткәрде.

Дәүләт Советы Рәисе Фәрит Мөхәммәтшин «Бердәм Россиянең Яшь гвардиясе» республика бүлеге активистлары белән очрашты. Очрашуда яшьләр алдында торган бурычлар турында фикер алыштылар.