Яңалыклар

Бүген Татарстан Дәүләт флагы көнендә, КФУның Император залында Дәүләт Советы Рәисе Фәрит Мөхәммәтшин Казан университеты студентлары һәм укытучылары, Татарстан Республикасы Президенты каршындагы Геральдика советы әгъзалары һәм экспертлары белән очрашты.

Әниләр көне алдыннан “Мәрхәмәт - Милосердие” парламент берләшмәсе әгъзалары инициативасы белән “Бердәм Россия” партиясенең төбәк иҗтимагый кабул итү бүлмәсендә “Җәмгыятьтә әниләрнең ролен күтәрү һәм ныгыту” темасына туры эфир узды. Утырышта республиканың профильле министрлыклары һәм ведомстволары вәкилләре катнашты, видеоэлемтә режимында Татарстан Республикасы муниципаль берәмлекләре вәкилләре катнашты.

Бүген Дәүләт Советының кече залында Казан университетының Дәүләт һәм муниципаль идарә югары мәктәбендә квалификация күтәрү курслары узучы республика министрлыклары һәм ведомстволары, муниципалитетлар аппаратлары дәүләт һәм муниципаль хезмәткәрләре өчен дәрес үткәрелде. ТР Дәүләт Советы Секретаре Лилия Маврина курсларны тыңлаучыларга Татарстанның үсеш проблемаларын хәл итүдә республика парламентының дәүләт хакимияте һәм җирле үзидарә органнары белән хезмәттәшлеге турында сөйләде.

Бүген ТР Дәүләт Советында "Мәдәни мирасның аерылгысыз өлеше һәм мәдәни-танып белү туризмын үстерүнең нигезе буларак тарих, мәдәният һәм архитектура һәйкәлләре" дигән түгәрәк өстәл узды. Архитектура сәнгатенең шедеврларын саклау мәсьәләләре буенча фикер алышуда КПРФ фракциясе депутатлары Хафиз Миргалимов, Фадбир Сафин, Альберт Яһудин, ТР Президенты ярдәмчесе Олеся Балтусова, Туризм буенча ТР Дәүләт комитеты рәисе Сергей Иванов, профессор, Дөнья мәдәният институты (ЮНЕСКО) ректоры Энгель Таһиров һәм башкалар катнашты.

Бүген ТР Дәүләт Советы Рәисе, “Бердәм Россия” партиясенең Татарстан төбәк бүлеге секретаре Фәрит Мөхәммәтшин расланган график нигезендә партиянең региональ иҗтимагый кабул итү бүлмәсендә гражданнарны кабул итте.

Бүген Казанда XV «Татарстанның эшлекле партнерлары» форумының пленар утырышы узды. Чара Бөтендөнья татар конгрессы тарафыннан оештырылды. Быел форум эшендә Россиянең 48 төбәгеннән һәм 13 илдән эре, урта һәм кече бизнес өлкәсендә эшләүче 300 дән артык татар эшмәкәре, шулай ук «үз-үзләрен эш белән тәэмин итүчеләр» статусында эшләүчеләр катнашты. Кунакларны һәм форумда катнашучыларны республика җитәкчелеге исеменнән Дәүләт Советы Рәисе Фәрит Мөхәммәтшин сәламләде.

Дәүләт Советы Рәисе, республика Волейбол федерациясе президенты Фәрит Мөхәмәтшин федерация президиумы утырышын уздырды. Утырышта “Зенит-Казан” һәм “Динамо-Ак Барс” командаларының быелгы сезондагы уены югары бәяләнде, әмма җитешмәгән якларны да искә алдылар.

Дәүләт Советы депутатларының округларда актив эше дәвам итә. Узган атнада парламентарийлар социаль объектларда булдылар, республика проектларында катнаштылар, шулай ук гражданнарны кабул иттеләр.

Бүген Дәүләт Советының утыз җиденче утырышы кысаларында “Язылу бүләк ит” хәйрия акциясе оештырылды. Акциядә парламент депутатлары катнашты, алар республиканың социаль учреждениеләре өчен газеталарга һәм журналларга язылды.

Бүген парламент утырышы тәмамлангач узган матбугат конференциясендә каты һәм сыек көнкүреш калдыклары белән эш итү өлкәсендә федераль законнарны камилләштерү буенча Дәүләт Советы инициативалары турында фикер алыштылар. Журналистларның сорауларына Торак сәясәте һәм инфраструктур үсеш комитеты рәисе Александр Тыгин, РФ Федераль Җыены Дәүләт Думасы депутатлары Айрат Фәррахов һәм Марат Нуриев җавап бирде.