Яңалыклар

Бүген ТР Дәүләт Советы утырышында Әлки районы Сиктерме-Хузангай авылын Сиктерме авылы дип үзгәртү мәсьәләсе каралды.

Бүген ТР Дәүләт Советы утырышында депутатлар Экология кодексына һәм урман законнарына үзгәрешләр кертүне күздә тоткан ике закон проектын карады. Документлар Экология, табигатьтән файдалану, агросәнәгать һәм азык-төлек сәясәте комитеты тарафыннан тәкъдим ителде.

Бүген Татарстан Дәүләт Советының утыз өченче утырышында авыл җирендә һәм шәһәр тибындагы бистәләрдә даими яшәүче хатын-кызларга өченче бала туганда бер мәртәбә түләүне билгеләү кирәклеге турында Россия Федерациясе Хөкүмәте Рәисе Михаил Мишустинга мөрәҗәгать кабул ителде.

Бүген парламентның утыз өченче утырышы кысаларында депутатлар Законлылык һәм хокук тәртибе комитетының 2019 елның сентябреннән 2022 елның июленә кадәрге эше турында хисап тыңладылар.

Татарстан Дәүләт Советы РФ Административ хокук бозулар кодексының 20.1 статьясына һәм мәгълүмат, мәгълүмат технологияләре турында һәм мәгълүматны саклау хакында федераль законның 106 һәм 151-1 статьяларына үзгәрешләр кертү хакында закон чыгару инициативаларын РФ Федераль Собраниесе Дәүләт Думасына җибәрәчәк. Бүген парламент утырышында шундый карар кабул ителде. Сүз РФ субъектларының дәүләт символларына ихтирамсызлык күрсәтүгә кагылышлы хокук бозулар өчен административ җаваплылык билгеләү турында бара.

Бүген Дәүләт Советы утырышында республика Җир кодексына өч һәм аннан күбрәк баласы булган гаиләләргә җир участогы бирү шартларын төгәлләштерү өлешендә үзгәрешләр кертү турында закон проекты беренче укылышта һәм тулаем кабул ителде.

Гражданнарга социаль хезмәт күрсәтү өлкәсендә аерым мәсьәләләрне җайга салу турында Татарстан Республикасы Законының 8 статьясына үзгәрешләр кертү хакында закон проекты парламентарийлар тарафыннан берьюлы өч укылышта кабул ителде. Үзгәрешләр авыл җирендә яшәүче 65 яшьтән өлкәнрәк гражданнарга һәм физик мөмкинлекләре чикләнгән затларга социаль хезмәтләр исемлеген киңәйтү максатыннан кертелә.

Бүген Дәүләт Советы утырышында инвалидлар һәм социаль яклауга аеруча мохтаҗ гражданнар өчен эш урыннарын квоталау һәм резервлау турында республика законына үзгәрешләр кертү хакында закон проекты беренче укылышта һәм тулаем алганда кабул ителде. Әлеге закон проектын эшләү республика законнарын федераль законнарга туры китерү зарурлыгы белән бәйле, анда сәламәтлеге мөмкинлекләре чикләнгән кешеләрне эшкә урнаштыру өчен эш урыннарын квоталау механизмы төгәлләштерелә,

Бүген Татарстан Республикасы Дәүләт Советы утырышында күпфатирлы йортларда гомуми мөлкәткә капиталь ремонт ясауны оештыру турында республика Законының 3 статьясына үзгәреш кертү хакында закон проекты беренче укылышта һәм тулаем кабул ителде. Закон проекты республика законнарын федераль законнарга туры китерү зарурлыгына бәйле рәвештә эшләнгән.

Бүген Дәүләт Советы утырышында депутатлар тарафыннан «Россия Федерациясендә автомобиль транспортында һәм шәһәр җир өсте электр транспортында даими рәвештә пассажирлар йөртүне һәм багаж ташуны оештыру турында һәм Россия Федерациясенең аерым закон актларына үзгәрешләр кертү хакында» Федераль законны гамәлгә ашыру турында республика Законына үзгәрешләр кертү хакында» закон проекты кабул ителде.