Яңалыклар

Бүген, Гаилә, мәхәббәт һәм тугрылык көнендә, Н.И. Лобачевский исемендәге фәнни китапханәдә Дәүләт Советы хатын-кыз депутатларының «Мәрхәмәт - Милосердие» берләшмәсенең һәм муниципаль район советларының хатын-кыз депутатлар берләшмәләренең уртак  утырышы булды. Анда Дәүләт Советы депутатларының һәм республика муниципаль берәмлекләре советларының үзара хезмәттәшлеге турында килешүләр имзаланды. Моннан тыш, депутатлар республика иҗтимагый оешмаларының «күп балалы гаилә» төшенчәсен киңәйтү турындагы тәкъдиме буенча фикер алыштылар. Утырыш эшендә Россия Федерациясе Федераль Собраниесе Дәүләт Думасының Гаилә, хатын-кызлар һәм балалар мәсьәләләре комитеты әгъзасы Татьяна Ларионова катнашты.

Алтынчы чакырылыш Дәүләт Советының утыз өченче,  язгы сессиянең йомгаклау утырышы, 14 июльдә була. Бүген парламент Президиумы утырышында шундый карар кабул ителде. Парламентарийлар 19 мәсьәлә, шул исәптән 3 республика законы проектын, 6 федераль закон проектын һәм Россия Федерациясе субъектларының закон чыгару органнары мөрәҗәгатьләрен карауны планлаштыра.

Бүген Дәүләт Советында Социаль сәясәт комитеты утырышы узды, анда парламентның Россия Федерациясе Хөкүмәте Рәисе Михаил Мишустинга авылда яшәүче хатын-кызларга өченче бала туганда бер тапкыр түләнә торган түләү билгеләү турында мөрәҗәгать  каралды. Утырышта депутатлар шулай ук республикада демографик вәзгыять турында мәгълүмат тыңладылар. Утырыш эшендә Дәүләт Советы Рәисе урынбасары Юрий Камалтынов, Кеше хокуклары буенча вәкаләтле вәкил Сәрия Сабурская, Бала хокуклары буенча вәкаләтле вәкил Ирина Волынец, комитет каршындагы Эксперт советы әгъзалары катнашты.

Бүген Дәүләт Советында Дәүләт төзелеше һәм җирле үзидарә комитеты утырышы узды, анда депутатлар торак пунктлар һәм географик объектларның исемнәрен язуны тәртипкә салу белән бәйле берничә мәсьәләне карады, шулай ук комитетның 2022 елның беренче яртыеллыгындагы эшенә йомгаклар ясады.

Бүген Казан компрессор машина төзелеше заводында узган Икътисад, инвестицияләр һәм эшкуарлык комитетының күчмә утырышында икътисадның җитештерү секторында цифрлы технологияләр кертү һәм «Хезмәт җитештерүчәнлеге» илкүләм проектын гамәлгә ашыру турында сөйләштеләр. Моннан тыш, парламентарийлар, профильле министрлыклар һәм ведомстволар җитәкчеләре, эксперт һәм бизнес-җәмәгатьчелек вәкилләре импортны алыштыру мәсьәләләре буенча фикер алыштылар, шулай ук кайбер федераль закон проектларын карадылар.

Быел «Безнең ишегалды» программасы буенча Татарстанда 1212 йортта төзекләндерү эшләре башкарылачак. Бу хакта бүген Торак сәясәте һәм инфраструктура үсеше комитетының һәм профиль комитеты каршындагы Эксперт Советының уртак күчмә утырышында билгеле булды. Парламентарийлар утырышында «Безнең ишегалды» республика программасы кысаларында Казан ишегалларын төзекләндерү мәсьәләләре буенча фикер алыштылар, каты коммуналь калдыклар белән эш итү буенча төбәк операторлары эшчәнлеге турында мәгълүмат тыңладылар, шулай ук кайбер республика законнарын карадылар.

Бүген Лаеш районының Нармонка авылында Экология, табигатьтән файдалану, агросәнәгать һәм азык-төлек сәясәте комитетының күчмә утырышы узды, анда парламентарийлар республикада мелиорация системасын үстерү мәсьәләләре буенча фикер алыштылар, шулай ук кайбер республика законнарын карадылар. Утырыш эшендә Дәүләт Советы Рәисе урынбасары Марат Әхмәтов, Лаеш муниципаль районы башлыгы Илдус Зарипов, авыл хуҗалыгы министрлыгы һәм махсуслаштырылган компанияләр вәкилләре, парламент комитеты каршындагы эксперт советы әгъзалары катнашты.

Бүген Казан педагогика көллиятендә узган Мәгариф, мәдәният, фән һәм милли мәсьәләләр комитетының күчмә утырышында мәктәпкәчә белем бирү учреждениеләре һәм гомуми белем бирү мәктәпләре өчен педагогик кадрлар әзерләү турында сүз барды. Моннан тыш, парламентарийлар гомуми белем бирү оешмаларын капиталь ремонтлау мәсьәләләре буенча фикер алыштылар, кайбер федераль закон проектларын карадылар һәм 2022 елның язгы сессиясе чорында комитет эшенә йомгак ясадылар.

Бүген Спас районында Бюджет, салымнар һәм финанс комитетының күчмә киңәшмәсе узды, анда парламентарийлар, профильле министрлыклар һәм ведомстволар, экспертлар җәмгыяте вәкилләре Бердәм салым счетын һәм салым салуның автоматлаштырылган гадиләштерелгән системасын кертү мәсьәләләре буенча фикер алыштылар. Чарада региональ хакимият органнары, муниципаль финанс органнары, бизнес-бергәлек вәкилләре, шул исәптән Бердәм салым түләвенең сынау проектында катнашучылар катнашты

Бүген ТР Дәүләт Советы Рәисе Фәрит Мөхәммәтшин Кытай Халык Республикасының Казандагы Генераль консулы У Инцин әфәнде белән очрашты. Кытай дипломаты Татарстанда үз миссиясен тәмамлый.