Яңалыклар

Бүген Дәүләт Советы Рәисе Фәрит Мөхәммәтшин республика, шәһәр һәм район массакүләм мәгълүмат чаралары җитәкчеләре, федераль басмалар журналистлары, масс-медиа хезмәткәрләре белән очрашты. Очрашу Татарстан Республикасы Матбугат көненә багышланды. Парламент җитәкчесе республиканың медиа-җәмәгатьчелеген һөнәри бәйрәмнәре белән котлады һәм барысына да бердәм эшләре өчен рәхмәт белдерде.

Хөрмәтле республика массакүләм мәгълүмат чаралары хезмәткәрләре! Сезне Татарстан Республикасы Матбугат көне белән чын күңелдән котлыйм.

Бүген Актаныш районында Татарстан Республикасы Дәүләт Советының Мәгариф, мәдәният, фән һәм милли мәсьәләләр комитетының һәм Башкортостан Республикасы Дәүләт Җыелышы - Корылтаеның Мәгариф, мәдәният, яшьләр сәясәте һәм спорт буенча комитетының берләштерелгән күчмә утырышы узды. Анда парламентарийлар туган телләрне саклау һәм үстерү мәсьәләләре, шулай ук мәдәниятләр диалогын үстерүдә аларның роле турында фикер алыштылар. Утырыш эшендә Татарстан һәм Башкортстан парламентлары башлыклары Фәрит Мөхәммәтшин һәм Константин Толкачев катнашты.

Бүген ТР Дәүләт Советы Рәисе Фәрит Мөхәммәтшин Саба районында булды, анда авыл халкының эш активлыгын арттыру мәсьәләләре буенча зона семинар-киңәшмәсе үткәрелде. Очрашуда 11 муниципаль район башлыгы, шәхси ярдәмче хуҗалыклар, гаилә фермалары җитәкчеләре, аерым министрлыклар һәм ведомстволар җитәкчеләре, Дәүләт Советының профильле комитетлары депутатлары катнашты.

Татарстан Республикасы Дәүләт Советына, Татарстан Республикасы Дәүләт Советы Рәисе Фәрит Мөхәммәтшин исеменә Казанның 175 нче гимназиясендә булган фаҗигагә бәйле рәвештә, күпсанлы кайгы уртаклашу телеграммалары килү дәвам итә.

Бүген Мәгариф, мәдәният, фән һәм милли мәсьәләләр комитеты рәисе Айрат Зарипов Россия Халыклар йорты директоры Андрей Березин белән очрашты. Алар федераль учреждениенең Татарстан парламент комитеты белән хезмәттәшлеге перспективалары турында сөйләштеләр.

"Россия Кызыл Хачы" иҗтимагый оешмасы Саклык банкы белән берлектә Казандагы 175 нче мәктәпкә һөҗүм вакытында зыян күрүчеләр өчен акча җыя башлаган.

Бүген Иркутск өлкәсе Закон чыгару Җыены аппараты хезмәткәрләре  Татарстан Дәүләт Советында  булдылар. Кунаклар парламент үзәген һәм парламентаризм музеен карадылар, Дәүләт Советы Секретаре Лилия Маврина һәм Дәүләт Советы аппаратының структур бүлекчәләре җитәкчеләре белән очраштылар, берничә мәсьәлә буенча тәҗрибә алмаштылар.

Бүген Дәүләт Советы Рәисе Фәрит Мөхәммәтшин Мәскәүдә булды, РФ Федераль Җыены Дәүләт Думасы җитәкчелеге чакыруы буенча Россия парламентының түбән палатасы утырышында катнашты, анда Россия Хөкүмәтенең еллык хисабы буенча фикер алыштылар.

Татарстан Республикасы Дәүләт Советы Президиумы 2021 елның 11 маенда Казан шәһәренең 175 нче гимназиясендә булган фаҗигале вакыйгалар нәтиҗәсендә һәлак булганнарның гаиләләренең тирән кайгыларын уртаклаша. Бу хәл барыбызны да тетрәндерде. Сезнең белән бергә кайгырабыз, һәлак булучыларның һәм зыян күрүчеләрнең гаиләләренә, педагогик коллективка һәм гимназия укучыларына ярдәм итәрбез.