Яңалыклар

Бүген Дәүләт Советында КПРФ фракциясе утырышы узды, анда депутатлар җиденче чакырылыш Дәүләт Советының унсигезенче утырышының көн тәртибе, «КПРФ фракциясендә гражданнар мөрәҗәгатьләре белән эшләү һәм башка алда торган чаралар турында" дигән темага матбугат конференциясе уздыру мәсьәләләре буенча фикер алыштылар. Утырышны КПРФ фракциясе координаторы Фәдбир Сафин үткәрде.

Бүген Дәүләт Советында «Бердәм Россия» фракциясе утырышы узды, анда парламентарийлар Татарстанда федераль һәм республика партия проектларын гамәлгә ашыру мәсьәләләре буенча фикер алыштылар. Моннан тыш, бердәмроссиялеләр 2025 елда партия Рәисе Дмитрий Медведевның төбәк иҗтимагый кабул итү бүлмәсендә гражданнарны кабул итү буенча Дәүләт Советында «Бердәм Россия» депутатлар фракциясе әгъзаларының эше турындагы мәгълүматны тыңладылар, шулай ук парламент фракциясе составына үзгәрешләр керттеләр. Утырышны «Бердәм Россия» фракциясе җитәкчесе Юрий Камалтынов үткәрде.

Бүген Дәүләт Советы Рәисе урынбасары Марат Әхмәтов Тукай муниципаль районында эш сәфәрендә, анда ул район Советының хисап сессиясендә катнашты. Муниципаль депутатлар узган елгы эшкә йомгак ясадылар, шулай ук 2026 елга планнар турында фикер алыштылар.

Бүген Саба районы Советының хисап утырышында 2025 елдагы эшкә йомгак ясалды, анда Дәүләт Советы Рәисе Фәрит Мөхәммәтшин катнашты. Муниципаль депутатлар шулай ук 2026 елга бурычлар турында да фикер алыштылар.

Бүген Дәүләт Советы Рәисе Фәрит Мөхәммәтшин Саба районында эш сәфәрендә,  анда район Советының хисап сессиясе уза. Сәфәр кысаларында парламент башлыгы «Оста» балалар иҗаты үзәгенең яңа бинасын ачу тантанасында катнашты, шулай ук «Каеф» яшьләр үзәгендә булды. Фәрит Мөхәммәтшин педагоглар һәм укучылар белән аралашты, укуда һәм иҗатта уңышлар теләде.

Бүген Дәүләт Советы Рәисе урынбасары Марат Әхмәтов эш сәфәре белән Сарман районына барды, анда ул район Советының хисап сессиясендә катнашты. Муниципаль депутатлар узган елгы эшкә йомгак ясадылар, шулай ук 2026 елга планнар турында фикер алыштылар.

Бүген Казанда Татарстан Халыклары ассамблеясе советының киңәйтелгән утырышы узды. Республиканың милли-мәдәни берләшмәләре вәкилләре 2025 елдагы эшкә йомгак ясадылар, Халыклар дуслыгы йортлары һәм үзәкләре, шулай ук күпмилләтле якшәмбе мәктәбе эшчәнлеге турында сөйләделәр. Утырышны Дәүләт Советы Рәисе, Татарстан халыклары ассамблеясе рәисе Фәрит Мөхәммәтшин үткәрде.

Бүген республиканың барлык мәктәпләрендә һәм көллиятләрендә Татарстанда игълан ителгән Хәрби батырлык һәм хезмәт фидакарьлеге  елына багышланган "Фидакарь хезмәт  һәм хәрби батырлык белән Ватанны данлыбыз!" дип аталган  Парламент дәресләре башланды.  Парламент дәресләре ике атна дәвамында – 16-28 февраль көннәрендә узачак.

Бүген Галиәсгар Камал исемендәге Татар дәүләт академия театрында Муса Җәлилнең 120 еллыгына багышланган «Җәлил укулары» -  Халыкара әдәби конкурсының гала-концерты булды. Чарада катнашучыларны һәм оештыручыларны республика Рәисе, Хөкүмәт һәм парламент депутатлары исеменнән Дәүләт Советы Рәисе Фәрит Мөхәммәтшин сәламләде.

Бүген Татарстанда Советлар Союзы Герое, Ленин премиясе лауреаты, татар шагыйре Муса Җәлилнең тууына 120 ел тулуга багышланган тантаналы чаралар уза. Иртән Казанда 1 Май мәйданында Муса Җәлил һәйкәленә чәчәкләр салу тантанасы булды. Тантанада Татарстан Республикасы Рәисе Рөстәм Миңнеханов, ТР Дәүләт Киңәшчесе Минтимер Шәймиев, Дәүләт Советы Рәисе Фәрит Мөхәммәтшин, Дәүләт Советы депутатлары Марат Әхмәтов, Ркаил Зәйдуллин, Азат Хамаев, Илгиз Зәйниев, Ренат Вәлиуллин, Казан мэры Илсур Метшин, Муса Җәлилнең кызы Чулпан Җәлилова, киң җәмәгатьчелек вәкилләре катнашты.