Яңалыклар

Дәүләт Советының кырык тугызынчы утырышында депутатлар Татарстан Республикасында автомобиль транспортында һәм шәһәр җир өсте электр транспортында пассажирларны һәм багажны даими йөртүне оештыруның аерым мәсьәләләре турында республика законына үзгәрешләр кертүне күздә тоткан закон проектын хупладылар.

Бүген икенче укылышта һәм тулаем алганда Дәүләт Советы утырышында 2024 елга, 2025 һәм 2026 еллар план чорына Татарстан Республикасы Территориаль мәҗбүри медицина иминияте фонды бюджеты турында закон проекты кабул ителде.

2024 елга һәм 2025 һәм 2026 еллар план чорына республика бюджеты турында закон проекты бүген Дәүләт Советы утырышында икенче укылышта һәм тулаем кабул ителде һәм якын арада Татарстан Республикасы Рәисенә кул куюга юнәлдереләчәк. 

Бүген Дәүләт Советы утырышында депутатлар Азнакай суд районына җәмәгать судьясын сайлау мәсьәләсен карадылар. Судьялыкка сайлауга кандидатураны ТР Югары суды Рәисе вазыйфаларын башкаручы Эдуард Каминский тәкъдим итте.

Бүген сәгать унда алтынчы чакырылыш Татарстан Республикасы Дәүләт Советының кырык тугызынчы утырышы ачылды.

Дәүләт Советының кырык тугызынчы утырышы бүген бер минутлык тынлык белән башланып китте. Биш чакырылыш Дәүләт Советы депутаты, Экология, табигатьтән файдалану, агросәнәгать һәм азык-төлек сәясәте комитеты әгъзасы, «Майский» теплица комбинаты» комбинаты директоры Илшат Ганиев бакыйлыкка күчте.

Бүген Дәүләт Советында «Татарстан – Яңа гасыр» депутатлар төркеме җыелышы узды, анда парламентарийлар киләсе 2024 елга эш планы турында фикер алыштылар. Утырышны «ТНВ» депутатлар төркеме җитәкчесе Артур Габделҗанов үткәрде.

Бүген Дәүләт Советында КПРФ фракциясе утырышы узды, анда депутатлар парламентның кырык тугызынчы утырышы көн тәртибен тикшерделәр, шулай ук үткәрелгән түгәрәк өстәлләргә йомгак ясадылар, депутатлар берләшмәсенең агымдагы эшчәнлеге мәсьәләләрен карадылар.

«Халкына хезмәт итеп, матур тормыш алып барды». Дәүләт Советы Рәисе Фәрит Мөхәммәтшин күп еллар бергә эшләгән чордашы Роберт Миңнуллинны әнә шундый сүзләр белән искә алды. Габдулла Тукай исемендәге Татар дәүләт филармониясендә шагыйрьнең 75 еллыгына багышланган кичә узды.