Яңалыклар

Бүген Дәүләт Советы утырышында депутатлар берничә суд участогына Татарстан Республикасы җәмәгать судьяларын сайладылар. Кандидатларны ТР Югары Суды рәисе Азат Гыйльметдинов тәкъдим итте.

Барлык чакырылыш депутатлар бердәм командада нәтиҗәле эшләве өчен Фәрит Мөхәммәтшинга рәхмәтле. Бүген Дәүләт Советы утырышында Икътисад, инвестицияләр һәм эшкуарлык комитеты рәисе урынбасары, җиде чакырылыш дәвамында Дәүләт Советы депутаты итеп сайланган парламентның өлкән депутаты Марат Галиев Фәрит Мөхәммәтшинның Дәүләт Советы Рәисе һәм депутаты вәкаләтләрен вакытыннан алда туктату турындагы карарын шәрехләп шулай дип белдерде.

Рөстәм Миңнеханов Фәрит Мөхәммәтшинга Татарстан парламентаризмы үсешенә керткән зур өлеше өчен рәхмәт белдерде. Бу хакта республика Рәисе Рөстәм Миңнеханов бүген Дәүләт Советының унтугызынчы утырышында, Фәрит Мөхәммәтшинның Дәүләт Советы Рәисе һәм депутаты вәкаләтләрен вакытыннан алда туктату турындагы карарын шәрехләп әйтте. 

"Үзара хөрмәт һәм тирәнтен аңлау безгә халкыбызның югары ышанычын сакларга ярдәм итә",  –  дип белдерде бүген Татарстан Республикасы Дәүләт Киңәшчесе Минтимер Шәймиев Дәүләт Советы утырышында, Фәрит Мөхәммәтшинның депутат һәм Дәүләт Советы Рәисе вәкаләтләрен вакытыннан алда туктату турында карарын шәрехләп.

Татарстан Республикасы Дәүләт Советы Рәисе вазыйфаларын башкару Татарстан Республикасы Дәүләт Советы Рәисе урынбасары Марат Әхмәтовка йөкләнде. Бүген парламент утырышында шундый карар кабул ителде.

Фәрит Мөхәммәтшин Татарстан Республикасы Дәүләт Советының Мактаулы Рәисе итеп сайланды. Бүген парламент утырышында шундый карар кабул ителде.

«Мин гади булмаган карар кабул иттем һәм рәсми рәвештә депутат һәм Татарстан Республикасы парламенты рәисе вәкаләтләрен тапшыру турында белдерәм. Бу – уйланылган һәм  үлчәнгән карар. Сәясәттә, эшчәнлекнең теләсә кайсы өлкәсендәге кебек үк, дәвамлылык булырга тиеш», – дип белдерде бүген Фәрит Мөхәммәтшин Дәүләт Советының унтугызынчы утырышында. Депутатлар парламент башлыгы карарын хуплады.

Бүген сәгать унда җиденче чакырылыш Дәүләт Советының унтугызынчы утырышы ачылды. Парламент Президиумы утырышта карау өчен  13 мәсьәлә тәкъдим иткән иде, шул исәптән 3 республика законы проекты һәм 4 федераль закон проекты.

Бүген Дәүләт Советында «Бердәм Россия» фракциясе һәм «Татарстан – Яңа гасыр» депутатлар төркеменең уртак утырышы булды, анда парламентарийлар преференциаль режимнарны һәм сәнәгать инфраструктурасын үстерү мәсьәләләре буенча фикер алыштылар. Утырышны «Бердәм Россия» фракциясе җитәкчесе Юрий Камалтынов үткәрде.