Яңалыклар

Яшь парламентчылар алга таба да үзара элемтәдә торып эшләргә сүз куешты. Дәүләт Советында Калининград өлкә Думасы Яшьләр парламенты ассамблеясы белән Татарстан Дәүләт Советы каршындагы Яшьләр парламентының уртак утырышы узды. Видеоэлемтә рәвешендә узган чарада яклар яшьләр парламентаризмын үстерү бурычларын хәл кылудагы эш тәҗрибәсе белән уртаклашты. Утырыш эшендә Татарстан һәм Калининград өлкәсенең законнар чыгару органнары башлыклары Фәрит Мөхәммәтшин һәм Марина Оргеева катнашты.

Алтынчы чакырылыш Дәүләт Советының унҗиденче утырышы 26 ноябрьдә узачак. Парламент президиумы утырышында шул мәгълүм булды. Депутатлар 30 мәсьәләне карап тикшерүгә җыена, шул исәптән 12 республика законы проектын һәм 9 федераль закон проектын.

Татарстан Дәүләт Советының Дәүләт корылышы һәм җирле үзидарә комитеты Татарстанның Сайлау кодексына һәм аерым закон актларына үзгәрешләр кертә торган закон проектын хуплады. Закон проекты сайлауларда һәм референдумнарда тавыш бирүне берничә көн уздыруны (өч көннән дә күбрәк түгел) күздә тота.

Татарстан Дәүләт Советының Икътисад, инвестицияләр һәм эшкуарлык комитеты торак йортлар янында тавыш көчәйткечләрне һәм тавышлы башка рекламаны тыярга вакыт җитте, дип саный. Тәкъдимне элегрәк Әстерхан өлкәсе Думасы керткән иде, ә Татарстан депутатларына аны комитет рәисе Лотфулла Шәфыйгуллин тәкъдим итте.

Бүген Дәүләт Советының Экология, табигатьтән файдалану, агросәнәгать һәм азык-төлек сәясәте комитеты депутатлары «2013 - 2025 елларга Татарстан Республикасында авыл хуҗалыгын үстерү һәм авыл хуҗалыгы продукциясе, чимал һәм азык-төлек базарларын җайга салу» дәүләт программасын үтәү йомгаклары буенча фикер алыштылар, шулай ук җир асты байлыклары турында республика законына үзгәрешләр кертү хакында закон проектын карадылар.

20 октябрьдә уздырылган утырышта Законлылык һәм хокук тәртибе комитеты депутатлары хокук тәртибе һәм җинаятьчелеккә каршы көрәш сорауларын карадылар һәм берничә федераль закон проектлары буенча фикер алыштылар.

Бүген Бюджет, салымнар һәм финанс комитеты утырышында депутатлар "2021 елга һәм 2022-2023 еллар план чорына ТР бюджеты турында" ТР законы проектына килгән өстәмәләрне карап тикшерде. Барысы 357 өстәмә килгән, шуларның 47се төп саннарга кагыла, калганнары - төрле статьяларга үзгәрешләр кертү турында.

Бүген Социаль сәясәт комитеты утырышында депутатлар Татарстанда балалы гаиләләргә социаль ярдәм күрсәтү чаралары турындагы сорауны карадылар. Утырышта Дәүләт Советы Рәисе урынбасары Юрий Камалтынов катнашты.

Бүген Казан Кремленең «Манеж» күргәзмәләр залында «Кафтан. Хәзерге төрек дизайнерлары күзлегеннән Госманлы империясе костюмнары» күргәзмәсе ачылды. Күргәзмә кунакларын һәм оештыручыларын Татарстан Республикасы законнарының татар һәм рус телләрендәге текстлары тәңгәллеген билгеләү комиссиясе рәисе Римма Ратникова сәламләде.

Бүген Җәлил исемендәге Татар академия дәүләт опера һәм балет театрында соңгы Советлар Союзы Герое Борис Кузнецов белән хушлашу тантанасы булды.