Яңалыклар

Бүген Бюджет һәм финанс комитеты утырышында кече һәм урта бизнес предприятиеләренә ярдәм чаралары турында сөйләштеләр.

Бүген Дәүләт Советында КПРФ фракциясе утырышында депутатлар парламентның егерменче утырышының көн тәртибе мәсьәләләре буенча һәм алдагы айларга фракциянең эш планы турында фикер алышты.

Бүген Хезмәт сараенда ТР Дәүләт Советы Рәисе, “Бердәм Россия” партиясенең Татарстан бүлеге Секретаре Фәрит Мөхәммәтшин Татарстан профсоюзлары Федерациясенә керә торган тармак профсоюзлары җитәкчеләре белән очрашты. Очрашу барышында «Бердәм Россия» Бөтенроссия сәяси партиясенең Татарстан Профсоюзлар федерациясе белән үзара хезмәттәшлеге турында килешү имзаланды.

Бүген Казанда Дәүләт Советы Рәисе, “Бердәм Россия” партиясенең Татарстан бүлеге Секретаре Фәрит Мөхәммәтшин катнашында “Бердәм Россия” партиясенең  алдан тавыш бирүне үткәрү буенча  региональ оештыру комитетының беренче утырышы узды. Бердәмроссиялеләр булачак праймеризны оештыру мәсьәләләре буенча фикер алыштылар, анда Татарстаннан Дәүләт Думасына депутатлыкка кандидатлар билгеләнәчәк, праймеризның календарь планын кабул иттеләр, кандидатларга куела торган таләпләр турында фикер алыштылар.

Бүген Мәскәүдә “Бердәм Россия”партиясенең  алдан тавыш бирүне үткәрү буенча федераль оештыру комитеты утырышы узды, анда Дәүләт Советы Рәисе, “Бердәм Россия” партиясенең Татарстан бүлекчәсе Секретаре, федераль оештыру комитеты әгъзасы Фәрит Мөхәммәтшин катнашты. Бердәмроссиялеләр булачак праймеризны оештыру мәсьәләләре, шулай ук Дәүләт Думасына партиядән депутатлыкка кандидатларга куелачак таләпләр турында фикер алыштылар.

Бүген Кремль яры буенда традицион славян язына багышланган Май чабу бәйрәме булды. Бәйрәмне ТР Дәүләт Советы Рәисе, Татарстан Халыклары ассамблеясе Советы рәисе Фәрит Мөхәммәтшин ачып җибәрде.

Бүген Казанда «Илкүләм проектлар: Татарстан 2020» республика фотоконкурсында җиңүчеләрне һәм лауреатларны бүләкләү тантанасы узды. Тантанада катнашучыларны  ТР Дәүләт Советы Рәисе Фәрит Мөхәммәтшин сәламләде һәм җиңүчеләргә бүләкләр тапшырды.

"Бердәм Россия" РФ Дәүләт Думасына сайлауларда алдан тавыш бирүне уздыру буенча төбәк оештыру комитетын формалаштырды. Мондый карар бүген партиянең Татарстан бүлеге Сәяси советы президиумы утырышында кабул ителде, аны Дәүләт Советы Рәисе, “Бердәм Россия” партиясенең Татарстан төбәк бүлеге Секретаре Фәрит Мөхәммәтшин үткәрде.

Бүген парламентта Дәүләт Советы депутаты этикасы кагыйдәләрен үтәү буенча комиссия утырышы узды, анда депутат Марат Галиев тарафыннан чит илдән кайтканнан соң COVID-19га тест нәтиҗәләре турында белешмәләр бирү кагыйдәләрен бозу мәсьәләсе каралды.

Алтынчы чакырылыш ТР Дәүләт Советының егерменче утырышы 18 мартта 10.00 сәгатьтә булачак. Бүген парламент Президиумы утырышында шундый карар кабул ителде.