Яңалыклар

Казанда “Татарстан энҗесе” VII нче республикакүләм бәйгесенә нәтиҗә ясадылар. Быел бәйге пандемия аркасында онлайн форматта үтте. Катнашучылар үз осталыкларын видеога төшереп күрсәтте.

Коронавирус пандемиясе белән көрәштә Татарстанның эшмәкәрләр бергәлеге дә читтә калмады, үзеннән лаеклы өлеш кертте, дип белдерде  Дәүләт Советы Рәисе Фәрит Мөхәммәтшин ТР Сәүдә-сәнәгать палатасында узган бизнес-иртәнге ашта чыгыш ясаганда.

Бүген ТР Дәүләт Советы Рәисе, “Бердәм Россия” Бөтенроссия сәяси партиясенең төбәк бүлеге Секретаре Фәрит Мөхәммәтшин тугыз яшьлек Тамирлан Магнитскийның яңа ел хыялын тормышка ашырды. Парламент җитәкчесе малайга күптәннән хыялланган ноутбук тапшырды. Хәзер Тамирлан дәресләргә җентекләп әзерләнә һәм педагоглары белән "онлайн" элемтәгә чыга алачак.

"Татарстанның беренче Президенты Минтимер Шәймиев инициативасы буенча оештырылган  «Татарстан – новый век» - "Татарстан - яңа гасыр" хәрәкәте эшли башлауга халыкны берләштерү, традицияләрне саклап калу һәм аларны киләчәк буыннарга яңа гасырга тапшыру бурычын куйды.  Әлеге миссияне без нигездә хәрәкәтебез әгъзаларының актив гражданлык позициясе булу нәтиҗәсендә башкарып киләбез", - дип белдерде бүген аның җитәкчесе, Дәүләт Советы Рәисе Фәрит Мөхәммәтшин Республика иҗтимагый хәрәкәте Югары советы утырышында.  Хәрәкәт әгъзалары 2020 елдагы эшкә йомгак ясадылар, алдагы чорга планнар турында фикер алыштылар, шулай ук берничә оештыру мәсьәләсен хәл иттеләр.

Бүген ТР Дәүләт Советы Рәисе Фәрит Мөхәммәтшин матбугат конференциясендә Дәүләт Советының 2020 елдагы эшенә нәтиҗә ясады. Республика парламенты башлыгы кабул ителгән канунның мөһимлеген билгеләп үтте, Татарстан Конституциясенә үзгәрешләр хакында сөйләде, шулай ук журналистларга, ММЧ миссиясен "җаваплы һәм мөһим" дип атап, уртак эшләре өчен рәхмәт белдерде.

Татарстан Президенты Рөстәм Миңнеханов Казан Кремлендә «Динамо-Ак Барс» хатын-кызлар волейбол клубы спортчыларын һәм тренерларын Россия Кубогында җиңүләре белән котлады. Очрашуда ТР Дәүләт Советы Рәисе, ТР Волейбол федерациясе президенты Фәрит Мөхәммәтшин катнашты.

Бүген, Яңа ел алдыннан, Дәүләт Советында Татарстан Республикасы җәмәгать судьяларына таныклыклар тапшыру тантанасы узды. Фемидага эш таныкларын Дәүләт Советы Рәисе урынбасары Юрий Камалтынов тапшырды.

Бүген Дәүләт Советында «Бердәм Россия» парламент фракциясенең 2020 елда башкарган эшләренә йомгак ясалган матбугат конференциясе узды. Журналистларның сорауларына Дәүләт Советы Рәисе урынбасары, “Бердәм Россия” фракциясе җитәкчесе Юрий Камалтынов җавап бирде.

Бүген "Сәйдәш" мәдәни үзәгендә "Бердәм Россия" партиясенең Төбәк сәяси советы президиумы утырышы узды, анда "Бердәм Россия" фракциясенең парламентта һәм партия башкарма комитетының 2020 елда башкарган эшләренә йомгак ясалды. Фракция эшчәнлеген бәяләп, ТР Дәүләт Советы Рәисе, "Бердәм Россия" партиясенең төбәк бүлеге Секретаре Фәрит Мөхәммәтшин чыгыш ясады.

Бүген Дәүләт Советында КПРФ фракциясе узып баручы 2020 елда эшчәнлек нәтиҗәләре буенча матбугат конференциясе уздырды. Республика массакүләм мәгълүмат чаралары журналистлары белән очрашуда фракция җитәкчесе Хафиз Миргалимов, депутатлар Александр Комисаров һәм Фадбир Сафин катнашты.