Яңалыклар

Бүген сәгать унда җиденче чакырылыш Дәүләт Советының унтугызынчы утырышы ачылды. Парламент Президиумы утырышта карау өчен  13 мәсьәлә тәкъдим иткән иде, шул исәптән 3 республика законы проекты һәм 4 федераль закон проекты.

Бүген Дәүләт Советында «Бердәм Россия» фракциясе һәм «Татарстан – Яңа гасыр» депутатлар төркеменең уртак утырышы булды, анда парламентарийлар преференциаль режимнарны һәм сәнәгать инфраструктурасын үстерү мәсьәләләре буенча фикер алыштылар. Утырышны «Бердәм Россия» фракциясе җитәкчесе Юрий Камалтынов үткәрде.

Бүген Дәүләт Советында КПРФ фракциясе утырышы узды, анда депутатлар парламентның унтугызынчы утырышының көн тәртибенә кертелгән мәсьәләләр турында фикер алыштылар, шулай ук фракциянең алдагы чараларына әзерләнүгә кагылышлы оештыру мәсьәләләре буенча фикер алыштылар. Утырышны КПРФ фракциясе җитәкчесе Хафиз Миргалимов үткәрде.

Бүген Казанда «Бердәм Россия» партиясенең Татарстан төбәк бүлегенең «Нәтиҗә бар!» хисап-программа форумы кысаларында, пленар утырыш башланганчы форумда катнашучылар партиянең яңа халык программасына тәкъдимнәрне дүрт тематик мәйданчыкта карадылар: «Икътисади үсеш драйверлары», «Авыл үсеше», «Яшьләр һәм балалар: киләчәк стратегиясе», «Иминлек 360°ка: төрле яклап караш». Бу юнәлешләрнең үсеше һәм яңа тәкъдимнәр турында Дәүләт Советы Рәисе урынбасары Марат Әхмәтов, Дәүләт Думасының Икътисади сәясәт комитеты рәисе Максим Топилин, Татарстанның Яшьләр эшләре буенча министры Азат Кадыйров, Татарстанда Бала хокуклары буенча вәкил Светлана Захарова сөйләде.

Биш ел эчендә «Бердәм Россия» Халык программасы республикабыз халкының актуаль проблемаларын хәл итүнең реаль механизмына әверелде дип белдерде «Нәтиҗә бар!» форумында Дәүләт Советы Рәисе, «Бердәм Россия» Бөтенроссия сәяси партиясенең Татарстан төбәк бүлеге Секретаре Фәрит Мөхәммәтшин. Милли китапханәдә узган форумда бердәмроссиялеләр Халык программасын гамәлгә ашыруга нәтиҗә ясады һәм яңа программага тәкъдимнәр әзерләделәр. Чарада Татарстан Республикасы Рәисе, партиянең Югары советы Бюросы әгъзасы Рөстәм Миңнеханов, сенаторлар, депутатлар, партия проектлары координаторлары, активистлар, бизнес, министрлыклар һәм районнар вәкилләре катнашты.

Бүген Казанда «Бердәм Россия» партиясенең Татарстан төбәк бүлегенең «Нәтиҗә бар!» хисап-программа форумы кысаларында бердәмроссиялеләр тарафыннан  предприятиеләр һәм оешмалар, республика шәһәрләре һәм районнары халкы белән берлектә җыелган гуманитар йөк озатылды. Татарстан шефлыгында булган Лисичанск һәм Рубежное шәһәрләренә 17 фура китте, алар 250 тонна гуманитар ярдәм чаралары алып бара. Йөкне озатырга республика Рәисе Рөстәм Миңнеханов, Дәүләт Советы Рәисе, «Бердәм Россия»нең төбәк бүлеге Секретаре Фәрит Мөхәммәтшин, РФ ФС Дәүләт Думасы һәм ТР Дәүләт Советы депутатлары, активистлар, волонтерлар һәм махсус хәрби операциядә катнашучылар  килгән иде.

Бүген Татарстан Дәүләт Советында Казанның Мәскәү районының 99 нчы мәктәбе укучылары һәм педагоглары булды. Экскурсия ата-аналары хәзерге вакытта махсус хәрби операциядә катнашучы балалар өчен Дәүләт Советы депутаты Артур Габделҗанов тарафыннан оештырылды.

Дәүләт Советы депутатларының округларда эше дәвам итә. Бу атнада парламентарийлар гражданнарны кабул итте, социаль учреждениеләрдә булды һәм сайлаучылар белән очрашты.

Җиденче чакырылыш Дәүләт Советының унтугызынчы утырышы 17 мартта узачак. Бүген парламент Президиумы утырышында шундый карар кабул ителде. Депутатлар 13 мәсьәлә, шул исәптән 3 республика законы проектын һәм 2 федераль закон проектын карарга ниятлиләр.

Бүген Дәүләт Советында Экология, табигатьтән файдалану, агросәнәгать һәм азык-төлек сәясәте комитетының һәм комитет каршындагы Эксперт советының уртак утырышы узды, анда парламентарийлар авыл хуҗалыгын үстерү һәм авыл хуҗалыгы продукциясе, чимал һәм азык-төлек базарларын җайга салу буенча дәүләт программасын гамәлгә ашыру мәсьәләләрен карадылар, шулай ук республика Экология кодексының аерым маддәләренә үзгәрешләр кертү турында закон проектын тикшерделәр.