Яңалыклар

Башкортстан Дәүләт Җыены – Корылтае Рәисе Константин Толкачев вафат булу сәбәпле, Татарстан Дәүләт Советы Рәисе вазифаларын башкаручы Марат Әхмәтов кайгы уртаклашты. Кайгынамә Башкортстан парламенты депутатларына юлланган.

Торак сәясәте һәм инфраструктура үсеше комитеты рәисе Андрей Егоров Бөек Ватан сугышы ветераны Кавый Хәсәнов белән очрашты. Депутат ветеранны якынлашып килүче Җиңү көне белән котлады, нык сәламәтлек теләде, бүләкләр тапшырды.

Авыл халкының эшлекле активлыгын арттыру һәм кече хуҗалыкларга (шәхси ярдәмче һәм фермер хуҗалыкларына, шулай ук шәхси хуҗалыкларга) ярдәм итү мәсьәләләре буенча зона киңәшмәләре майның икенче яртысында узачак. Бу хакта бүген республика муниципаль районнарында авыл халкының эшлекле активлыгын арттыру мәсьәләләре буенча зона семинар-киңәшмәләренә әзерлек кысаларында агросәнәгать комплексына ярдәм программалары буенча фикер алышуга багышланган эшлекле киңәшмәдә сүз барды, аны Дәүләт Советы Рәисе вазыйфаларын башкаручы Марат Әхмәтов уздырды.

Хөрмәтле Татарстан Республикасы халкы! Сезне ихлас күңелдән Беренче май – Яз һәм Хезмәт бәйрәме белән котлыйм!

Дәүләт Советы Секретаре Лилия Маврина Бөек Ватан сугышы ветераннарын Җиңүнең 81 еллыгы уңаеннан якынлашып килүче бәйрәм белән котлады. Лилия Маврина 84 яшьлек Галина Жвакина һәм 82 яшьлек Людмила Кокушкинада кунакта булды.

Дәүләт Советының егерменче утырышында кабул ителгән яңа законнар үз көченә керә. Алар махсус хәрби операциядә катнашучыларга ярдәм итү чараларын киңәйтүгә, мөмкинлекләре чикләнгән кешеләргә уңайлы мохит тудыру, туристлар өчен инфраструктураны һәм дәүләт хезмәткәрләре өчен таләпләрне камилләштерүне күздә тота.

Чаллы шәһәреннән махсус хәрби операция зонасына чираттагы гуманитар йөк җибәрделәр. Дәүләт Советы депутатлары Руслан Нигъмәтулин һәм Андрей Ляпунов «Үзебезнекеләрне ташламыйбыз 16» оешмасы волонтерлары белән берлектә 20 тонна гуманитар йөк озаттылар.

Бүген Казан дәүләт казна дары заводы мәйданчыгында «Татарстан - Яңа гасыр» депутатлар төркеменең һәм «Татарстан – новый век» – «Татарстан – яңа гасыр республика иҗтимагый хәрәкәтенең күчмә утырышы булды. Анда катнашучылар республика предприятиеләрендә махсус эш урыннары булдыру мәсьәләләре, шулай ук СВО ветераннары, шул исәптән инвалидлар өчен гарантияләр һәм компенсацияләр турында фикер алыштылар. Утырышта Татарстан Республикасы Дәүләт Советының Мактаулы Рәисе, «Татарстан – новый век» – «Татарстан – яңа гасыр» республика хәрәкәтенең Югары Советы Рәисе Фәрит Мөхәммәтшин катнашты.

Бүген Дәүләт Советы Рәисе вазыйфаларын башкаручы Марат Әхмәтов Казан аграр университетының дәүләт һәм муниципаль идарә юнәлеше буенча укучы студентлар белән очрашты. Очрашу «Персона» проекты кысаларында «Бердәм Россия»нең Татарстандагы иҗтимагый ярдәм штабында узды.

Бүген Дәүләт Советында коммерциячел булмаган бакчачылык берләшмәләренә дәүләт ярдәмен күрсәтү буенча республика программасын гамәлгә ашыру мәсьәләләре буенча түгәрәк өстәл утырышы узды. Түгәрәк өстәл уздыру инициативасы белән КПРФ парламент фракциясе әгъзалары чыккан иде. Бакчачылар проблемалары буенча фикер алышуда РФ ФС Дәүләт Думасы депутаты Артем Прокофьев, КПРФ фракциясе җитәкчесе Хафиз Миргалимов, Экология, табигатьтән файдалану, агросәнәгать һәм азык-төлек сәясәте комитеты рәисе урынбасары Нәҗип Хаҗипов, ТР авыл хуҗалыгы һәм азык-төлек министры урынбасары Рөстәм Гайнуллов, муниципаль районнарның башкарма комитетлары һәм бакчачылык ширкәтләре вәкилләре катнашты.