Яңалыклар

Бүген Дәүләт Советы утырышында дәүләт граждан хезмәте турында республика законына һәм муниципаль хезмәт турында ТР Кодексына үзгәрешләр кертү турында закон проекты беренче укылышта һәм тулаем кабул ителде.

Бүген Дәүләт Советы утырышында Татарстан Республикасында Кеше хокуклары буенча вәкил Сәрия Сабурская 2023 елда Татарстан халкының хокукларын яклау эшчәнлеге турында доклад белән чыгыш ясады. Татарстан Республикасында Кеше хокуклары буенча вәкаләтле вәкилнең доклады, закон таләпләре буенча, парламентарийлар тарафыннан ел саен тыңлана.

Татарстан Республикасы буенча Эчке эшләр министры вазыйфаларын вакытлыча башкаручы Алексей Соколов Дәүләт Советына 2023 елда полиция эшчәнлеге турында хисап белән чыгыш ясады.

Бүген илле беренче утырышта җәмәгать судьяларын сайлау мәсьәләсе каралды. Дәүләт Советы ТР Югары суды тәкъдим иткән кандидатураларны хуплады һәм аларны җәмәгать судьялары итеп сайлады.

Бүген Дәүләт Советы утырышында Дәүләт Советы депутаты Александр Тыгинның Татарстан Республикасы Дәүләт торак инспекциясе башлыгы итеп сайлануы сәбәпле вәкаләтләрен вакытыннан алда туктату турында карар кабул ителде.

Бүген сәгать унда алтынчы чакырылыш Дәүләт Советының илле беренче утырышы ачылды.

Бүген Дәүләт Советында «Бердәм Россия» фракциясе утырышы узды, анда парламентарийлар бердәмроссиялеләрнең Россия Президентын сайлау кампаниясе кысаларында уздырыла торган чараларда катнашуы турында фикер алыштылар, шулай ук берничә оештыру мәсьәләсен хәл иттеләр. Утырышны «Бердәм Россия» фракциясе җитәкчесе Юрий Камалтынов үткәрде.

Бүген Дәүләт Советында КПРФ фракциясе утырышы узды, анда депутатлар Дәүләт Советының илле беренче утырышының көн тәртибен һәм депутатлар берләшмәсенең агымдагы эшчәнлеге мәсьәләләрен тикшерделәр.

Бүген Дәүләт Советы Рәисе Фәрит Мөхәммәтшин эш сәфәре белән Балык Бистәсе районына барды, анда капиталь ремонттан соң ачылган 1 нче гимназиядә булды, педагоглар һәм укучылар белән аралашты, шулай ук район Советының хисап сессиясендә катнашты.

Бүген Казанда Бәшир Рәмиев исемендәге ИТ-паркта республика Яшьләр эшләре министрлыгы коллегиясенең киңәйтелгән утырышы узды, анда ведомствоның 2023 елдагы эшенә йомгаклар ясалды һәм 2024 елга бурычлар билгеләнде. Утырыш эшендә ТР Дәүләт Советы Рәисе Фәрит Мөхәммәтшин, ТР Премьер-министры урынбасары Ләйлә Фазлыева, Татарстан Республикасы буенча баш федераль инспектор Виктор Демидов, ТР Фәннәр академиясе президенты Рифкать Миңнеханов катнашты.