Яңалыклар

Бүген Дәүләт Советы утырышында ТР Арча суд районы буенча 1 нче суд участогы җәмәгать судьясы вазыйфаларын башкару мәсьәләсен карадылар. Парламентның профиль комитетының уңай карары белән Законлылык һәм хокук тәртибе комитеты рәисе Шакир Яһудин таныштырды.

Бүген Дәүләт Советы утырышында Татарстанда аттракционнарның техник торышы һәм эксплуатациясе өлкәсендә региональ дәүләт контролен гамәлгә ашыру турында закон проекты беренче укылышта һәм тулаем  кабул ителде.

Бүген Дәүләт Советы утырышында Татарстан Республикасы дәүләт мөлкәте турында закон проекты беренче укылышта һәм тулаем алганда кабул ителде. Документ дәүләт мөлкәтен исәпкә алу мәсьәләләрен җайга сала. Әлеге закон проектын кабул итү республика законнарын федераль законнарга туры китерү зарурлыгы белән бәйле.

Бүген сәгать унда алтынчы чакырылыш Дәүләт Советының утыз сигезенче утырышы ачылды.

Бүген Дәүләт Советында, парламентның утыз сигезенче утырышы алдыннан дәүләт хезмәте ветераннарын Татарстан Республикасы Дәүләт Советының «Парламентаризм үсешенә өлеш керткән өчен» мактау билгесе белән бүләкләү тантанасы булды. Дәүләт Советы Рәисе Фәрит Мөхәммәтшин республиканың атказанган иҗтимагый һәм сәяси эшлеклеләренә бүләкләр тапшырды.

Бүген Дәүләт Советында «Татарстан - яңа гасыр» депутатлар төркеме җыелышы узды, анда парламентарийлар депутатлар төркеме эшенә нәтиҗә ясадылар һәм 2023 елга эш планы турында фикер алыштылар.

Бүген Дәүләт Советында Ханты-Манси автономияле округының Гражданнар инициативалары фондының яшь активистлары, "60 нчы параллель регионнарының гражданнар инициативалары" халыкара гуманитар форумында җиңүчеләр булды. Конкурс лауреатлары белән Социаль сәясәт комитеты рәисе Светлана Захарова һәм Мәгариф, мәдәният, фән һәм милли мәсьәләләр комитеты рәисе урынбасары Людмила Рыбакова очрашты.

ТР Дәүләт Советы Рәисе Фәрит Мөхәммәтшин бүген Йошкар-Ола шәһәрендә (Марий Эл Республикасы) узган Идел буе федераль округы субъектлары дәүләт хакимиятенең закон чыгару (вәкиллекле) органнары ассоциациясе утырышында катнашты. Парламентарийлар Идел буе төбәкләрендә «Мәдәният» илкүләм проектын, челтәр мәгариф проектларын (сүз берничә белем бирү оешмасы ресурсларыннан файдаланып белем бирүне оештыру мөмкинлеге турында бара) гамәлгә ашыру мәсьәләләре буенча фикер алыштылар, быелгы эшләргә йомгак ясадылар, шулай ук 2023 елга эш планнарын расладылар.

Бүген Йошкар-Ола шәһәрендә Россия Федерациясе субъектлары дәүләт хакимиятенең закон чыгару органнары каршындагы Яшьләр парламентлары ассоциациясе утырышы узды. Утырышта Татарстан Республикасы Дәүләт Советы каршындагы Яшьләр парламенты рәисе Нина Шимина катнашты.

Бүген Казанда «Ливадия - Татарстан» шифаханәсе базасында узган Социаль сәясәт комитетының күчмә утырышында республиканың шифаханә-курорт учреждениеләре шартларында медицина реабилитациясен оештыру турында сүз барды. Депутатлар шулай ук Татарстан Республикасында Бала хокуклары буенча вәкаләтле вәкил турында республика законы мониторингы йомгаклары турында мәгълүмат тыңладылар. Утырыш эшендә РФ ФҖ Дәүләт Думасы депутаты Татьяна Ларионова катнашты.