Яңалыклар

ТР Дәүләт Советы Рәисе Фәрит Мөхәммәтшин Казахстан Республикасының Казандагы Генераль консулы Ерлан Искаковка Казахстан Республикасының Бәйсезлек көне уңаеннан котлау телеграммасы юллады.

Алтынчы чакырылыш Дәүләт Советының утыз тугызынчы утырышы 23 декабрьдә узачак. Бүген парламент Президиумы утырышында шундый карар кабул ителде. Депутатлар 8 мәсьәлә, шул исәптән 4 республика законы проектын, ике федераль закон проектын һәм Карелия Республикасы Закон чыгару Собраниесенең закон чыгару инициативасын карауны планлаштыра.

Күпфатирлы йортларда гомуми мөлкәткә капиталь ремонт мәсьәләләре бүген Дәүләт Советында Торак сәясәте һәм инфраструктура үсеше комитеты утырышында каралды. Аны комитет рәисе Александр Тыгин үткәрде.

Бүген Мәскәүдә РФ ФҖ Федерация Советы каршындагы Милләтара мөнәсәбәтләр һәм дини берләшмәләр белән хезмәттәшлек советы утырышы узды, аны РФ ФҖ Федерация Советы Рәисе урынбасары Константин Косачев үткәрде. Парламентарийлар, профильле министрлыклар һәм ведомстволар, экспертлар җәмгыяте вәкилләре милләтара мөнәсәбәтләрне гармонизацияләү һәм милләтара һәм конфессияара тынычлыкны һәм татулыкны ныгытуда этномәдәни берләшмәләрнең роле турында фикер алыштылар. Утырышта ТР Дәүләт Советы Рәисе, Милләтара мөнәсәбәтләр һәм дини берләшмәләр белән хезмәттәшлек советы рәисе урынбасары Фәрит Мөхәммәтшин катнашты.

Бүген А.Н.Туполев исемендәге Казан милли тикшеренү техник университетында (КНИТУ-КАИ) галим һәм попечительләр советларының әлеге уку йортының 90 еллыгына багышланган тантаналы утырышы узды. Альма-матерның юбилее белән ветераннарны, профессорлар-укытучылар составын, югары уку йортын тәмамлаучыларны һәм студентларны Дәүләт Советы Рәисе Фәрит Мөхәммәтшин котлады.  

Бүген Дәүләт Советы утырышында депутатлар 2023 елга закон проекты эше планын, шулай ук ТР Дәүләт Советының РФ субъектлары, башка дәүләтләр парламентлары һәм халыкара парламент оешмалары белән хезмәттәшлек итү планын карады.

Бүген парламентарийлар «Татарстан Республикасы дәүләт органнары һәм Татарстан Республикасында җирле үзидарә органнары эшчәнлеге турында мәгълүматтан файдалану мөмкинлеген тәэмин итү хакында» Татарстан Республикасы Законына үзгәрешләр кертү турында» закон проектын  кабул итте. Документны ТР дәүләт идарәсе, мәгълүмат технологияләре һәм элемтә министры Айрат Хәйруллин тәкъдим итте.

Татарстан Дәүләт Советы Россия Федерациясе Федераль Собраниесе Дәүләт Думасына «Россия Федерациясе субъектларында гавами хакимият оештыруның гомуми принциплары турында» Федераль законның 44 статьясына үзгәреш кертү хакында федераль закон проектын Россия парламентының түбән палатасына кертү турында закон чыгару инициативасын җибәрәчәк. Бүген парламент утырышында шундый карар кабул ителде.

Бүген Дәүләт Советы утырышында ТР Дәүләт Советыннан ТР Иҗтимагый палатасы составына  кандидатлар турындагы мәсьәлә каралды. Рейтинглы тавыш бирү юлы белән депутатлар республика Иҗтимагый палатасының яңа составының 20 әгъзасын расладылар. Алдан сайланган кешеләрнең вәкаләтләре якын арада тәмамлана.

Дәүләт Советы РФ Федераль Җыены Дәүләт Думасына алкоголь продукциясе базарын законнар белән җайга салуны камилләштерү буенча закон чыгару инициативасын юллаячак. Бүген парламент утырышында шундый карар кабул ителде. Республика Дәүләт Советы депутатлары тарафыннан Административ хокук бозулар турында Россия Федерациясе кодексына үзгәрешләр кертү хакында федераль закон проекты әзерләде.