Яңалыклар

Дәүләт Советы Рәисе Фәрит Мөхәммәтшин Россия Закон чыгаручылар Советы Президиумы утырышында катнашты, ул бүген видеоэлемтә режимында узды. Парламентарийлар, башкарма хакимият органнары, төбәкләрнең закон чыгару җыелышлары вәкилләре торак базарында бәяләр билгеләү, шулай ук дәүләт экология мониторингын уздыру мәсьәләләре буенча фикер алыштылар. Утырышны Закон чыгаручылар Советы рәисләренең урынбасарлары - Дәүләт Думасы Рәисе урынбасары Ирина Яровая һәм Федерация Советы Рәисенең беренче урынбасары Андрей Яцкин уздырды.

Бүген Дәүләт Советында матбугат конференциясе узды, анда шәхси ярдәмче хуҗалыкларны үстерүгә дәүләт ярдәме турындагы республика законын гамәлгә ашыру мәсьәләләре хакында фикер алыштылар. Журналистларның сорауларына Татарстан Республикасының Экология, табигатьтән файдалану, агросәнәгать һәм азык-төлек сәясәте комитеты рәисе Азат Хамаев, профильле комитет рәисе урынбасары Таһир Һадиев, авыл хуҗалыгы һәм азык-төлек министры урынбасары Ришат Хәбипов һәм Татарстан Республикасының Фермерлар һәм крестьян хуҗалыклары ассоциациясе рәисе Камияр Байтемиров җавап бирде.

Бүген Мәскәүдә, РФ Иҗтимагый палатасында, Россия Конституциясенә төзәтмәләр кабул итүгә бер ел тулуга багышланган конференция узды. Парламентарийлар, профильле министрлыклар һәм ведомстволар, иҗтимагый оешмалар вәкилләре Конституциягә төзәтмәләрне гамәлгә ашыру барышын анализладылар. Конференциядә Дәүләт Советы Рәисе, РФ Конституциясенә төзәтмәләр кертү турында тәкъдимнәр әзерләү буенча эшче төркем әгъзасы Фәрит Мөхәммәтшин катнашты.

"Бердәм Россия" төбәк сәяси советы президиумында 19 сентябрьдә өстәмә сайлауларда Студентлар бермандатлы округ буенча ТР Дәүләт Советы депутатлыгына кандидатны тәкъдим итү турында мәсьәләне карадылар.

Алтынчы чакырылыш Дәүләт Советының егерме өченче утырышы 8 июльдә булачак. Бүген парламент Президиумы утырышында шундый карар кабул ителде.

Бүген Татарстан Республикасы Дәүләт Советында «ТНВ» депутат төркеменең һәм «Татарстан - яңа гасыр» республика иҗтимагый хәрәкәте Югары советының уртак утырышы узды, анда депутатлар «1941-1945 еллардагы Бөек Ватан сугышы вакытында Татарстан яшьләренең хезмәт батырлыгы турында» мәсьәләне карадылар. Утырышны ТР Дәүләт Советы Рәисе, Югары советы рәисе Фәрит Мөхәммәтшин алып барды.

Бүген КПРФ фракциясе 2021 елның беренче яртысында эш нәтиҗәләре турында матбугат конференциясе уздырды. Республика массакүләм мәгълүмат чаралары вәкилләре белән Дәүләт Советында КПРФ фракциясе җитәкчесе, Дәүләт Советы Президиумы әгъзасы, Дәүләт төзелеше һәм җирле үзидарә комитеты рәисе урынбасары Хафиз Миргалимов, фракция әгъзасы, Социаль сәясәт комитеты рәисе урынбасары Артем Прокофьев, депутатлар Александр Комисаров һәм Фадбир Сафин очраштылар.

Дәүләт Советы Рәисе, “Бердәм Россия” партиясенең Татарстан төбәк бүлеге Секретаре Фәрит Мөхәммәтшин Кытай Коммунистлар партиясенең йөз еллыгы уңаеннан партия Үзәк комитетының халыкара бүлеге мөдире Сун Тао адресына котлау юллады.

Бүген Татарстан Республикасы Экология, табигатьтән файдалану, агросәнәгать һәм азык-төлек сәясәте комитеты утырышында республика авыл хуҗалыгы тармагының квалификацияле кадрлары белән тәэмин итү мәсьәләләре турында фикер алыштылар. Моннан тыш, парламентарийлар Җир һәм Экология кодексына, шулай ук урманнардан файдалану турындагы республика законына үзгәрешләр кертү турындагы закон проектларын карады.

Бүген "Татэнерго" АҖ базасында Торак сәясәте һәм инфраструктура үсеше комитетының күчмә утырышы булды. Анда даими рәвештә пассажирлар йөртүнең һәм багаж ташуның проблемалы мәсьәләләре һәм кулланучыларны җылылык һәм су белән тәэмин итү буенча фикер алыштылар.