Яңалыклар

Татарстан Территориаль мәҗбүри медицина иминияте фонды акчаларын коронавирус эпидемиясе чорында медицина оешмаларына ярдәм итүгә юнәлдерергә мөмкин. 2020 елга һәм 2021 һәм 2022 елларның планлы чорына республиканың Территориаль мәҗбүри медицина иминияте фонды бюджеты турындагы канунга тиешле үзгәрешләр бүген Бюджет, салымнар һәм финанслар комитеты утырышында тикшерелде. Закон проекты Дәүләт Советы утырышында кабул ителгәннән һәм Президент Рөстәм Миңнеханов тарафыннан имзаланганнан соң документ законлы көченә керәчәк.

 "Коронавируска каршы көрәш һәм аның нәтиҗәләре икътисадый проблемалар белән бәйләнештә каралырга тиеш", - дип белдерде бүген Дәүләт Советы Рәисе, "Бердәм Россия" партиясенең Татарстан төбәк бүлеге Секретаре Фәрит Мөхәммәтшин, партия Рәисе Дмитрий Медведевның сәнәгать һәм сәүдә министры Денис Мантуров һәм бизнес вәкилләре белән онлайн киңәшмәсеннән соң, партиядәшләре белән аралашканда. ВКС форматында узган киңәшмәдә партиянең Генераль советы Секретаре Андрей Турчак, РФ Федераль Җыены Дәүләт Думасында "Бердәм Россия" фракциясе җитәкчесе Сергей Неверов, төбәк бүлекләре секретарьлары катнашты. Бердәмроссиялеләр эпидемия шартларында регионнарда "югары әзерлек режимы" йогынтысында бизнеска ярдәм итү чаралары турында фикер алыштылар.

Бүген Экология, табигатьтән файдалану, агросәнәгать һәм азык-төлек сәясәте комитеты утырышы булды, анда Татарстан Республикасы Хөкүмәте хисабы, республика закон проектлары, шулай ук Россия Федерациясе субъектлары дәүләт хакимиятенең закон чыгару (вәкиллекле) органнары инициативалары каралды. 9 депутат утырыш эшендә дистанцион режимда катнашты.

Татарстан министрлыкларына һәм банкларына, коронавирус булу сәбәпле, эштән мәхрүм ителгән яшьләргә ярдәм итәргә тиеш. Бу хакта Хезмәт, мәшгульлек һәм социаль мәсьәләләр буенча комиссия әгъзасы Айдар Сәгетдинов Татарстан Яшьләр парламентының онлайн-утырышында сөйләде.

Бүген Икътисад, инвестицияләр һәм эшкуарлык комитеты утырышы булды, анда республика Хөкүмәтенең хисабы, сәнәгать сәясәте турындагы республика законнарына үзгәрешләр һәм ике федераль закон проекты каралды. Утырыш эшендә ТР Дәүләт Советы Рәисе урынбасары Марат Әхмәтов катнашты.

Бүген Торак сәясәте һәм инфраструктура үсеше комитеты утырышы узды. Анда республика Хөкүмәте хисабы, республиканың торак законнарына үзгәрешләр һәм кайбер федераль закон проектлары каралды. Утырыш эшендә Татарстан Республикасы Дәүләт Советы Рәисе урынбасары Юрий Камалтынов катнашты.

Дәүләт Советы уңайсыз эпидемиологик вәзгыятькә һәм коронавирус инфекциясен таратмау буенча чаралар күрүгә бәйле рәвештә "махсус эш режимына" күчәргә мөмкин. Бүген Законлылык һәм хокук тәртибе комитеты утырышында Дәүләт Советы Регламентына тәкъдим ителүче үзгәрешләрне карадылар. Үзгәрешләр  бары тик парламент утырышында кабул ителгәннән соң гына үз көченә керәчәк.

Бүген иртәнге 9 да “Бердәм Россия” партиясенең төбәк иҗтимагый кабул итү базасында тормышта авыр хәлдә калган хатын-кызлар өчен “кайнар линия” старт алды. Татарстанлылар сорауларына «Мәрхәмәт - Милосердие» депутат берләшмәсе әгъзалары җавап бирә.

Коронавирус таралу шартларында Бердәмроссиялеләр гражданнарга һәм бизнеска ярдәм итүнең яңа формалары турында фикер алыштылар. Татарстан Дәүләт Советы Рәисе Фәрит Мөхәммәтшин партиянең барлык тәкъдимнәрне дә карарга әзер булуын билгеләп үтте. Бу турыда «Бердәм Россия» партиясенең Татарстан төбәк бүлеге Секретаре катнашында видеоконференцэлемтә режимында узган киңәшмәдә билгеле булды.

Бүген Татарстан Дәүләт Советы Рәисе, “Бердәм Россия” партиясенең Татарстан бүлеге Секретаре Фәрит Мөхәммәтшин партиянең региональ волонтерлар үзәкләре вәкилләре белән коррупциягә каршы көрәш буенча видеоконференция режимында узган киңәшмәдә катнашты. Утырышны партия рәисе Дмитрий Медведев үткәрде.