Яңалыклар
Дәүләт Советында язгы сессия ябылды. Депутатлар сентябрьдә чираттагы утырышка җыелачак. 45нче утырыш тәмамланыр алдыннан Дәүләт Советы Рәисе Фәрит Мөхәммәтшин республика парламентының быелның беренче яртыеллыгындагы эшенә йомгак ясады һәм алдагы чорның өстенлекле юнәлешләрен билгеләде.
Бүген Дәүләт Советы утырышында парламентарийлар "Хөкүмәт сәгате" кысаларында ТР Транспорт һәм юл хуҗалыгы министры Фәрит Хәнифовның халыкны транспорт белән тәэмин итү турындагы мәгълүматын тыңладылар һәм фикер алыштылар.
Дәүләт Советының бүгенге утырышында парламентарийлар Татарстан Республикасы Конституция советы әгъзаларын һәм рәисен билгеләү турындагы мәсьәләләрне карадылар. "Татарстан Республикасы Конституция советы турында" ТР Законы нигезендә Конституция Советы әгъзалыгына бер кандидатны ТР Рәисе, ике кандидатны ТР Дәүләт Советы Рәисе тәкъдим итә.
Татарстан Дәүләт Советы РФ Федераль Собраниесе Дәүләт Думасына Россия Федерациясе Салым кодексының беренче өлешендәге 82 статьясына үзгәреш кертү турында закон чыгару инициативасын җибәрәчәк. Мондый карар бүген парламент утырышында кабул ителде.
Җиңел таксида пассажирлар һәм багаж ташуны оештыру турындагы закон проекты Дәүләт Советы утырышында беренче укылышта һәм тулаем кабул ителде. Якын арада документ Татарстан Республикасы Рәисенә кул куюга җибәреләчәк.
Парламент депутатлары бүген ««Ятим балаларны һәм ата-ана тәрбиясеннән мәхрүм калган балаларны торак урыннары белән тәэмин итү турында һәм «Татарстан Республикасында халыкка адреслы социаль ярдәм күрсәтү турында» Татарстан Республикасы Законының 8 статьясына үзгәреш кертү хакында» закон проектын кабул итте.
Бүген Дәүләт Советы утырышында республиканың Экология кодексына үзгәрешләр кертү турында закон проекты беренче укылышта кабул ителде.
Бүген Дәүләт Советы утырышында парламентарийлар республика бюджетына һәм салымнарга кагылышлы берничә закон проектын карадылар. "2023 елга һәм 2024 һәм 2025 еллар план чорына ТР бюджеты турында" гы Законга, ТР Бюджет кодексына, шулай ук "Оешмаларның мөлкәтенә салым турында"гы һәм "Салым салуның гадиләштерелгән системасын кулланучы салым түләүчеләр өчен салым ставкаларын билгеләү турында" гы законнарга үзгәрешләр кертү хакындагы закон проектлары тулаем кабул ителде.
Бүген Дәүләт Советы утырышында ветеринария эше турындагы республика законына үзгәрешләр кертү турында закон проекты беренче укылышта һәм тулаем кабул ителде. Документ республика законнарын федераль законнарга туры китерү максатыннан эшләнгән.
Бүген Дәүләт Советы утырышында республиканың Җир кодексына үзгәрешләр кертү турында закон проекты беренче укылышта кабул ителде.