Яңалыклар

Казанда «Казан Экспо» мәйданчыгында Киләчәк уеннарын аккредитацияләү үзәге ачылды. Үзәк эше белән Россия Хөкүмәте Рәисе урынбасары Дмитрий Чернышенко һәм Татарстан Республикасы Рәисе Рөстәм Миңнеханов танышты. Чарада Дәүләт Советы Секретаре, "Киләчәк уеннары" халыкара мультиспорт турниры кысаларында аккредитация буенча эшче төркем җитәкчесе Лилия Маврина катнашты.

Бүген Казанда Иран Ислам инкыйлабының 45 еллыгына багышланган тантаналы кабул итү узды. Чараны оештыру инициативасы белән Иран Ислам Республикасының Казандагы Генераль консуллыгы чыкты. Дәүләт Советы Рәисе Фәрит Мөхәммәтшин парламент депутатлары исеменнән әлеге мөһим вакыйга уңаеннан котлау телеграммасы җибәрде.

Дәүләт Советы депутатларының округларда эше дәвам итә. Бу атнада парламентарийлар гражданнарны кабул иттеләр, гражданнар җыеннарында, шулай ук район советларының хисап утырышларында катнаштылар, республика мәктәпләрендә узган “Парламент дәресе-2024” проектында кунак буларак катнаштылар, галимнәрне Россия фәне көне белән котладылар.

Дәүләт Советы Рәисе Фәрит Мөхәммәтшин бүген Саратовта узган Идел буе федераль округы субъектларының дәүләт хакимияте Закон чыгару (вәкиллекле) органнары ассоциациясе утырышында катнашты. Парламентарийлар махсус хәрби операциядә катнашучыларга һәм аларның гаилә әгъзаларына ярдәм итү мәсьәләләре турында фикер алыштылар, шул исәптән сүз төбәк һәм муниципаль дәрәҗәдә гамәлгә ашырыла торган чаралар турында барды.

Бүген Мамадышта күп балалы гаиләләр өчен микрорайонның 238 йортына газ керде. Тантанада Дәүләт Советы Рәисе урынбасары, «Бердәм Россия» партиясенең Татарстан төбәк бүлеге секретаре урынбасары Юрий Камалтынов, «Газпром трансгаз Казан» ҖЧҖ генераль директоры Рөстәм Усманов, «Газпром газификация» ҖЧҖ генераль директоры урынбасары Александр Затонских һәм Мамадыш муниципаль районы башлыгы Анатолий Иванов катнашты.

Махсус хәрби операциядә катнашучыларга һәм аларның гаилә әгъзаларына ярдәм чараларын күрсәтүне законнар белән тәэмин итү, шулай ук гуманитар миссияләр башкаручы кешеләр әзерләү мәсьәләләре бүген Саратовта узган Идел буе федераль округы дәүләт хакимиятенең закон чыгару органнары каршындагы Яшьләр парламентлары ассоциациясе утырышында каралды. Утырыш эшендә ТР Дәүләт Советы Рәисе Фәрит Мөхәммәтшин катнашты.

Бүген Казан фәнни-тикшеренү техник университетында (КНИТУ-КАИ) Дәүләт Советының «Мәрхәмәт-Милосердие» хатын-кыз депутатлар берләшмәсе утырышы узды, анда парламентарийлар Татарстанда яшь галимнәргә дәүләт ярдәме чаралары турында фикер алыштылар. Утырышта ТР Мәгариф һәм фән министрының беренче урынбасары Андрей Поминов, Казан дәүләт медицина университеты ректоры Алексей Созинов, В.Г.Тимирясов исемендәге Казан инновацион университетының беренче проректоры, фәнни эшләр буенча проректоры Игорь Бикеев, КНИТУның фәнни һәм инновацион эшчәнлек буенча проректоры Виталий Бабушкин, фәнни җәмәгатьчелек вәкилләре катнашты.

Дәүләт Советында Ленинград камалышы бетерүнең 80 еллыгына багышланган «Ленинград блокадасы: фронт һәм тыл» дип аталган тарихи-документаль күргәзмә ачылды.

Хөрмәтле татарстанлылар! Сезне Татарстан Республикасы Дәүләт гербы көне белән чын күңелдән котлыйм.