Яңалыклар

Бүген «Бердәм Россия» партиясенең Татарстан төбәк бүлегендә селектор киңәшмәсендә Россия Президенты Владимир Путин игълан иткән 2024 елгы Гаилә елы кысаларында уздырырга ниятләгән  чараларны гамәлгә ашыру һәм яңа проектлар башлау турында сүз барды. Моннан тыш, бердәмроссиялеләр партиянең төбәк бүлекчәләренең агымдагы бурычларын тикшерделәр. Партиянең Генераль советы Секретаре урынбасары, «Бердәм Россия» партиясенең Үзәк Башкарма комитеты җитәкчесе Александр Сидякин үткәргән киңәшмә видеоэлемтә режимында узды. Утырышта Дәүләт Советы Рәисе, «Бердәм Россия» Бөтенроссия сәяси партиясенең Татарстан төбәк бүлеге Секретаре Фәрит Мөхәммәтшин катнашты.

Дәүләт Советы депутатлары Иран Ислам Республикасының Керман шәһәрендә булган терактның фаҗигале нәтиҗәләре уңаеннан кайгы уртаклашуларын белдерделәр.

Бүген Казанда күренекле җәмәгать эшлеклесе, полиция генералы, Татарстан Республикасы буенча Эчке эшләр министры урынбасары (1993-2009 елларда), дүртенче һәм бишенче чакырылыш Дәүләт Советы депутаты (2009-2019 елларда) Рафил Габтрафик улы Ногманов белән хушлаштылар. Пушкин исемендәге Мәдәният үзәгендә узган хушлашу мәрәсимендә Дәүләт Советы Рәисе урынбасары Юрий Камалтынов, республика Премьер-министры урынбасары Васил Шәйхразиев, парламент депутатлары, Эчке эшләр министрлыгы ветераннары, җәмәгатьчелек вәкилләре катнашты.

Дәүләт Советы Рәисе Фәрит Мөхәммәтшин парламент депутатлары исеменнән һәм шәхсән Рафил Габтрафик улы Ногмановның вафат булуы уңаеннан аның тормыш иптәше Людмила Ногмановага кайгы уртаклашып телеграмма җибәрде.

Дәүләт Советы Рәисе Фәрит Мөхәммәтшин өч яшьлек Ясминә һәм дүрт яшьлек Айсельның  алсу велосипед һәм зур конструктор турындагы яңа ел хыялларын тормышка ашырды. Кызлар үз теләкләре турында Бөтенроссия хәйрия акциясе кысаларында «Теләкләр чыршысы» сайтында язганнар. Парламент башлыгы аларның теләкләре язылган чыршы шарларын парламент бинасында урнаштырылган Яңа ел чыршысыннан алып укыды.

Дәүләт Советы депутатларының округларда эше дәвам итә. Бу атнада парламентарийлар гражданнарны кабул иттеләр, ветераннарны Яңа ел белән котладылар, балачак хыялларын тормышка ашырып «Теләкләр чыршысы» Бөтенроссия хәйрия акциясенә кушылдылар, шулай ук республиканың муниципаль районнарында социаль объектлар ачуда катнаштылар.

Римма Ратникова: "Халык программасы ярдәмендә Татарстанда тормыш яхшы якка үзгәрә"

Бүген Дәүләт Советында матбугат конференциясе узды, анда КПРФ парламент фракциясенең 2023 елдагы эшенә йомгак ясалды. Журналистларның сорауларына КПРФ фракциясе җитәкчесе Хафиз Миргалимов һәм Дәүләт Советы депутаты Фадбир Сафин җавап бирде. Моннан тыш, КПРФ фракциясе әгъзалары массакүләм мәгълүмат чаралары вәкилләренә КПРФның XVIII съездының төп нәтиҗәләре турында хәбәр иттеләр һәм 2024 елга депутатлар берләшмәсе эшчәнлеге планнары белән уртаклаштылар.

Татарстан Республикасы Дәүләт Советы Рәисе, Татарстан Республикасы Волейбол федерациясе президенты Фәрит Мөхәммәтшин «Зенит - Казан» волейбол командасы җитәкчелеген һәм спортчыларын Россия кубогы турнирында җиңүләре белән котлады. Казанлылар Мәскәү "Динамо"сы белән финал матчта җиңү яулады.

Бүген Дәүләт Советында түгәрәк өстәл узды, анда республиканың муниципаль районнарында һәм шәһәрләрендә халыклар дуслыгы йортлары һәм үзәкләре эшенең яңа юнәлешләре турында фикер алыштылар. Щлеге чарада Мәгариф, мәдәният, фән һәм милли мәсьәләләр комитеты рәисе Айрат Зарипов, ТР мәдәният министры урынбасары Дамир Натфуллин, Татарстан халыклары ассамблеясе башкарма комитеты җитәкчесе Константин Яковлев, ТР Халыклар Дуслыгы йорты директоры Тимур Кадыйров, шәһәр һәм район Халыклар дуслыгы йортлары җитәкчеләре катнашты.