Яңалыклар

Узган ел Татарстанда Кеше хокуклары буенча вәкаләтле вәкил адресына мобилизацияләнгән кешеләрдән һәм аларның гаилә әгъзаларыннан 4 меңнән артык мөрәҗәгать һәм хәбәр килгән. Бу хакта Татарстан Республикасы Дәүләт Советының 41нче утырышында омбудсмен Сәрия Сабурская белдерде.

Бүген Дәүләт Советы утырышында  «Өстенлек-2030» стратегик академик лидерлык программасы кысаларында 2021 – 2030 елларга «Казан (Идел буе) федераль университеты» югары белем бирү федераль дәүләт автоном мәгариф учреждениесен үстерү программасын гамәлгә ашыру турында һәм 2022 елда Татарстан Республикасының социаль-икътисадый үсешенә керткән өлеш хакында хисап каралды.

Бүген Дәүләт Советы депутатлары Татарстан Республикасы буенча Эчке эшләр министрлыгының 2022 елдагы эш йомгаклары турындагы мәгълүматын тыңладылар, хисап белән ведомство җитәкчесе урынбасары Алексей Соколов чыгыш ясады. Парламент тарафыннан гражданнарның тормыш иминлеген тәэмин итү, җинаятьчелеккә каршы көрәш һәм хокук бозуларны профилактикалау буенча эчке эшләр органнары эшчәнлегенә югары бәя бирелде.

«Мобилизацияләнеп яисә үз теләге белән махсус хәрби операциядә катнашучыларга  ярдәм итү -  безнең республикада сыйфатлы итеп төзелгән зур системалы эш», - дип басым ясады депутат Эдуард Шәрәфиев, бүген көн тәртибендәге төп мәсьәләләр турында фикер алышу алдыннан Дәүләт Советы утырышында чыгыш ясаганда. Парламентарий кыска вакытлы контракт нигезендә махсус хәрби операциядә катнашты.

Бүген Дәүләт Советы утырышында ТР Чистай суд районы буенча 2 нче суд участогы җәмәгать судьясы вазыйфаларын башкаруга кагылышлы мәсьәләне карадылар. Профиль комитетының уңай карары белән Законлылык һәм хокук тәртибе комитеты рәисе Шакир Яһудин таныштырды.

Бүген сәгать унда алтынчы чакырылышТатарстан Республикасы Дәүләт Советының кырык беренче утырышы ачылды. Президиум көн тәртибенә  23 мәсьәләне кертергә тәкъдим иткән иде, шул исәптән 10 республика законы проекты, 4 федераль закон проекты һәм Чиләбе өлкәсенең закон чыгару инициативасы.

«Россия Президенты илебезнең имин, бәйсез һәм лаеклы киләчәген тәэмин итү буенча конкрет программаны бәян итте», - дип басым ясады Фәрит Мөхәммәтшин, Россия Федерациясе Президенты Владимир Путинның Россия Федерациясе Федераль Собраниесенә юлламасын шәрехләп. Бу хакта парламент башлыгы бүген көн тәртибе буенча фикер алышу алдыннан Дәүләт Советы утырышында әйтте. Кичә Мәскәүдә узган  Юлламаны игълан итү чарасына чакырылучылар арасында Дәүләт Советы Рәисе да бар иде.

Хөрмәтле татарстанлылар! Сезне 21 февральдә җир шарының барлык тарафларында да билгеләп үтелә торган Халыкара туган тел көне белән котлыйм. Бу истәлекле дата безгә дөнья халыкларының туган телләрен ихтирам итү, «җанлы» матди булмаган мәдәни мирасны саклау һәм үстерү зарурлыгын тагын бер мәртәбә искә төшерә.

2013 елның 21 февралендә дүртенче чакырылыш Дәүләт Советының 38 нче утырышында депутатлар бертавыштан Татарстан дәүләт символлары турындагы республика канунына үзгәрешләр кертү турында закон проекты кабул итте. Документ республика Дәүләт гимны текстын Рамазан Байтимеров сүзләренә һәм Филипп Пираев тәрҗемәсендә раслады.

Дәүләт Советы депутатларының округларда актив эше дәвам итә. Бу атнада парламентарийлар район һәм шәһәр советларының хисап сессияләрендә, хезмәт коллективлары җыелышларында, республиканың авыл җирлекләрендә гражданнар җыеннарында катнаштылар, шулай ук Татарстан мәктәпләрендә парламент дәресләрендә кунаклар һәм экспертлар булдылар.