Яңалыклар

27 гыйнварда Дәүләт Советында, КПРФ фракциясе инициативасы белән, түгәрәк өстәл узды, анда катнашучылар "Кояшлы шәһәр"торак комплексының проблемалы мәсьәләләре турында фикер алыштылар. Киңәшмә эшендә КПРФ фракциясе җитәкчесе, Дәүләт Советы Президиумы әгъзасы Хафиз Миргалимов, Социаль сәясәт комитеты рәисе Светлана Захарова, парламент депутаты Фадбир Сафин, республика министрлыклары һәм ведомстволары, Казан шәһәре Башкарма комитеты вәкилләре, микрорайонда яшәүчеләрнең инициатив төркем әгъзалары катнашты.

Бүген "Ливадия" шифаханәсендә пандемия чорында "кызыл зонада" эшләүче медицина хезмәткәрләрен реабилитацияләү буенча атналык курс тәмамлана. Республиканың төрле районнарыннан 50 медик тернәкләнү узган, нигездә, бу урта һәм кече медицина персоналы (фельдшерлар, санитарлар, дезинфекторлар, лаборантлар һәм шәфкать туташлары). Аларның шифаханәдә булуының соңгы көнендә медиклар белән Социаль сәясәт комитеты рәисе Светлана Захарова һәм Дәүләт Советы депутаты, Татарстан Профсоюзлар федерациясе рәисе Елена Кузьмичева очрашты. Парламентарийлар медицина хезмәткәрләренә татарстанлыларның гомерен һәм сәламәтлеген саклап калуда  фидакарь хезмәтләре өчен рәхмәт белдерделәр һәм киләчәктә дә эшләрендә уңышлар теләделәр.

Бүген парламент утырышында "Татарстан - яңа гасыр" депутат төркеме эше турында хисап тыңланды, аны төркем җитәкчесе Артур Габделҗанов  тәкъдим итте.

Бүген Дәүләт Советы республика Хөкүмәтенең Иннополис шәһәрендә пилотсыз авиация системаларын эксплуатацияләү буенча цифрлы инновацияләр өлкәсендә эксперименталь хокукый режим билгеләү мөмкинлеге турындагы мөрәҗәгатен хуплады. Парламент утырышы башланыр алдыннан мәсьәлә Торак сәясәте һәм инфраструктура үсеше комитеты, инвестицияләр һәм эшкуарлык комитеты депутатлары, ТР Премьер-министры урынбасары Роман Шәйхетдинов һәм Иннополис шәһәре мэры Руслан Шагалиев катнашында каралды.

Бүген Дәүләт Советының кырыгынчы утырышында «Татарстан Республикасы Конституциясенә үзгәрешләр кертү турында» закон проекты кабул ителде.  Утырыш кысаларында документ өч уку процедурасын узды һәм Президентка кул кую өчен җибәрелде. Татарстанның гамәлдәге Төп законының җиде бүлегеннән һәм 126 маддәсеннән алты бүлеккә һәм 60 маддәгә үзгәрешләр кертелде. Моннан тыш, закон проекты тарафыннан ике яңа статья кертелде, Татарстан Республикасы Конституциясенең 25 нормасы үз көчләрен югалткан дип танылды.

Дәүләт Советы «Татарстан Республикасы Җир кодексының 2 һәм 45 статьяларына үзгәрешләр кертү турында» Татарстан Республикасы законы проектын карады.

ТР Гаилә кодексының 45 статьясына һәм мәгариф турында республика законының 14 статьясына үзгәрешләр кертү турында закон проекты беренче укылышта һәм тулаем кабул ителде. Документ республика законнарын федераль законнарга туры китерү максатларында эшләнгән.

Бүген Дәүләт Советы утырышында депутатлар «Татарстан Республикасында шәһәр төзелеше эшчәнлеге турында» Татарстан Республикасы Законының 18 статьясына үзгәрешләр кертү хакында» Татарстан Республикасы законы проектын Торак сәясәте һәм инфраструктура үсеше комитеты рәисе Александр Тыгин тәкъдим итте.

Бүген Дәүләт Советы утырышында ТР Алабуга суд районы буенча 4 нче суд участогының җәмәгать судьясын сайлау турындагы мәсьәлә каралды. Парламентның профиль комитетының уңай карары белән Законлылык һәм хокук тәртибе комитеты рәисе Шакир Яһудин таныштырды.

Бүген сәгать 10 да алтынчы чакырылыш Татарстан Республикасы Дәүләт Советының кырыгынчы утырышы ачылды, бу елның язгы сессиясендә ул - беренче утырыш.