Яңалыклар

Казанда танылган тел белгече, ТР Фәннәр академиясе академигы Мирфатыйх Зәкиев белән хушлаштылар. Татарстанның Дәүләт Советы Рәисе урынбасары, Президент каршындагы Татар телен саклау һәм үстерү мәсьәләләре комиссиясе рәисе Марат Әхмәтов Мирфатыйх Зәки улы Зәкиев кебек шәхесне югалту татар дөньясы өчен зур кайгы булуын әйтте.

Бүген «Зөя калкулыклары» («Свияжские холмы») тау чаңгысы комплексында традицион тарихи техника фестивале ачылды, чара ел саен «Авторетроклуб-21»республика иҗтимагый оешмасы инициативасы белән үткәрелә. Быел фестиваль инде уналтынчы тапкыр үткәрелә. Автоһәүәскәрләрне Татарстан парламенты һәм республика Хөкүмәте исеменнән Дәүләт Советы Рәисе, «Авторетроклуб-21» президенты Фәрит Мөхәммәтшин сәламләде.

96 нчы елда Россия һәм Татарстан Фәннәр Академиясе академигы, филология фәннәре докторы, профессор, РФ һәм ТРның атказанган фән эшлеклесе, 1980-1990 елларда ТАССР Югары Советы депутаты һәм рәисе итеп сайланган Мирфатыйх Зәкиев вафат булды. Мирфатыйх Зәки улы бөтен гомерен төрки телгә һәм татар теленә, аның тарихына һәм синтаксисына багышлый. Аның каләменә 800 фәнни хезмәт, Уку әсбаплары һәм монографияләр керә.

18 августта Татарстаннан Лисичанск һәм Рубежный шәһәрләренең балалар хастаханәләренә һәм бала тудыру йортларына гуманитар йөк җибәрделәр. Йөк республика иҗтимагый берләшмәләре һәм фондлары вәкилләре, «Мәрхәмәт-Милосердие» Дәүләт Советы хатын - кыз депутатлар берләшмәсе, «Бердәм Россия» тарафдарлары белән берлектә җыелган. Алар Лисичанск һәм Рубежныйның социаль учреждениеләренә балалар азыгы, гигиена чаралары, балалар киемнәре җыйганнар.

14 августта "Бердәм Россия" партиясенең республика бүлеге Казаннан Лисичанск һәм Рубежное шәһәрләренә чираттагы гуманитар ярдәм җибәрде. 150 тонна йөк белән 8 фурдан торган автоколоннаны Дәүләт Думасы депутаты Татьяна Ларионова һәм «Бердәм Россия» Бөтенроссия сәяси партиясенең төбәк башкарма комитеты җитәкчесе Марат Сәмигуллин озата бара.

Бүген «Бердәм Россия» партиясенең төбәк иҗтимагый кабул итү бүлмәсендә узган түгәрәк өстәл утырышында альтернатив белем бирү мөмкинлекләре һәм перспективалары каралды. Фикер алышуларда Дәүләт Советының «Мәрхәмәт – Милосердие» берләшмәсе депутатлары Алсу Нәбиева, Ләлә Кудерметова, Рузилә Тимергалиева, Рима Мөхәммәтшина, шулай ук профильле министрлыклар һәм ведомстволар, мәгариф учреждениеләре вәкилләре, ТР муниципаль берәмлекләренең хатын-кыз депутатлары катнашты.

Бүген республиканың күренекле җәмәгать эшлеклесе Роберт Миңнуллинның тууына 75 ел тулуга багышланган чаралар кысаларында Дәүләт Советы депутатлары һәм парламент Аппараты хезмәткәрләре, Казанның Мирный бистәсендәге зиратка барып, Татарстанның халык шагыйре каберенә чәчәкләр салдылар. Митингта шулай ук Мәдәният министрлыгы, иҗат оешмалары һәм фәнни җәмәгатьчелек вәкилләре катнашты.

Бүген Казаннан Лисичанск һәм Рубежное (ЛХР) шәһәрләренә чираттагы гуманитар йөк төягән фуралар китте. Йөкләр «Бәхетле» складыннан җибәрелде. Волонтерлар һәм хәйрия акциясендә катнашучылар белән Дәүләт Советы Рәисе, «Бердәм Россия» Бөтенроссия сәяси партиясенең Татарстан төбәк бүлеге Секретаре Фәрит Мөхәммәтшин аралашты.

Бүген ТР Дәүләт Советы Рәисе Фәрит Мөхәммәтшин Казахстан Республикасының Казан шәһәрендәге Генераль консулы Ерлан Искаковка Генераль консуллык ачылуга 10 ел тулу уңаеннан котлау телеграммасы җибәрде.

Татарстанга килүче мигрантларны республика мәдәнияте, анда яшәүче халыкларның традицияләре һәм йолалары белән таныштырырга кирәк. ТР Дәүләт Советы Рәисе Фәрит Мөхәммәтшин республиканың Халыклар дуслыгы йортында узган түгәрәк өстәлдә шулай дип белдерде.