Яңалыклар

Бүген Дәүләт Советы утырышында җирле үзидарә турында республика законына үзгәрешләр кертү хакында закон проекты беренче укылышта һәм тулаем кабул ителде. Документ республика муниципаль берәмлекләрендә эшкуарлык һәм башка икътисадый эшчәнлек мәсьәләләренә кагылышлы муниципаль норматив хокукый актларга һәм аларның проектларына экспертиза уздыру (җайга салу йогынтысын бәяләү) мәсьәләләренә кагыла.

Дәүләт Советы депутатлары «Шәһәр төзелеше эшчәнлеге турында» республика законына үзгәрешләр кертү хакында» закон проектын беренче укылышта һәм тулаем кабул иттеләр. Закон проекты Торак сәясәте һәм инфраструктура үсеше комитеты рәисе Александр Тыгин тарафыннан тәкъдим ителде.

Бүген җир асты байлыкларыннан файдалану өлкәсендә аерым мәсьәләләрне җайга салу турында республика закон проекты Дәүләт Советы утырышында беренче укылышта һәм тулаем алганда кабул ителде. Документ Татарстан Республикасы Президентына кул куюга юнәлтелгән.

Бүген Дәүләт Советы утырышында депутатларга «Кеше һәм граждан хокукларын һәм ирекләрен яклау турында» Татарстан Республикасында Кеше хокуклары буенча вәкаләтле вәкил доклады тәкъдим ителде. Парламентта  Вәкаләтле вәкил доклады,  республика законы нигезендә, ел саен тыңлана.

Татарстан Дәүләт Советы РФ Федераль Җыены Дәүләт Думасына "Гавами хакимиятнең бердәм системасында җирле үзидарәне оештыруның гомуми принциплары турында" федераль закон проектына 13 төзәтмә җибәрде. Гомумән алганда, алар федераль закон проектының 5 главасына кагыла. Бүген Дәүләт Советы утырышында төзәтмәләр каралды. Депутатлар  принципиаль каршы килгән нигезләмәләр арасында муниципаль вәкаләтләр һәм эш предметлары турында федераль закон нигезләмәләре, яңадан бүленә торган вәкаләтләрне гамәлгә ашыру механизмнары һәм аларны финанслау, муниципаль берәмлекләр башлыкларын сайлау мәсьәләләре бар.

Бүген Дәүләт Советы утырышында депутатлар Казан шәһәре Авиатөзелеш районы буенча җәмәгать судьясын сайладылар. ТР җәмәгать судьясы вазыйфасына кандидатураны ТР Югары суды Рәисе Илгиз Гыйләҗев тәкъдим итте.

Бүген иртәнге сәгать 10да алтынчы чакырылыш Татарстан Республикасы Дәүләт Советының егерме тугызынчы утырышы ачылды, ул – агымдагы  елның язгы сессиясе кысаларында уздырыла торган беренче утырыш. 

Бүген Дәүләт Советының егерме тугызынчы утырышы алдыннан узган “Бердәм Россия” фракциясенең һәм “Татарстан - яңа гасыр” депутат төркеменең берләштерелгән утырышында Татарстанда илкүләм  проектларны гамәлгә ашыру һәм 2022 елга бурычлар турында сүз барды. Моннан тыш, парламентарийлар бакчачылык ширкәтләренә инженерлык инфраструктурасы объектларын ремонтлауга бәйле чыгымнарны каплауга бюджет субсидияләре бирү мәсьәләләре буенча фикер алыштылар. Утырышны “Бердәм Россия” фракциясе җитәкчесе Юрий Камалтынов үткәрде.

Бүген Дәүләт Советында КПРФ фракциясе утырышы булды. Анда депутатлар парламентның егерме тугызынчы утырышының көн тәртибе мәсьәләләрен карады.

Бүген Федерация Советының Фән, мәгариф һәм мәдәният комитеты каршында төзелгән матди булмаган мәдәни мирас турында федераль закон проектын әзерләү буенча эшче төркемнең беренче утырышы булды. Утырыш эшендә Дәүләт Советының Мәгариф, мәдәният, фән һәм милли мәсьәләләр комитеты рәисе урынбасары, федераль закон проектын эшләү буенча эш төркеме әгъзасы Людмила Рыбакова катнашты. Утырыш видео-конференц-элемтә режимында узды.