Яңалыклар

Бүген Дәүләт Советында КПРФ фракциясенең киңәйтелгән утырышы узды, анда парламентарийлар профильле министрлыклар һәм ведомстволар вәкилләре белән берлектә 2022 елга һәм 2023 һәм 2024 елларның планлы чорына бюджет проекты турында фикер алыштылар. Утырышта шулай ук Бюджет, салымнар һәм финанс комитеты рәисе Леонид Якунин, Икътисад министрының беренче урынбасары Олег Пелевин, Финанслар министрының беренче урынбасары - Казначылык департаменты директоры Марат Фәйзрахманов, Хезмәт, халыкны эш белән тәэмин итү һәм социаль яклау министрының беренче урынбасары Рөстәм Вәлиуллов, Авыл хуҗалыгы һәм азык-төлек министры урынбасары Ришат Хәбипов катнашты.

Бүген ТР Дәүләт Советы Рәисе Фәрит Мөхәммәтшин Бөтенроссия халык санын алуда катнашты. Стационар исәпкә алу участогынан килгән  җанисәп алучы Фәрит Мөхәммәтшин һәм аның тормыш иптәшенә электрон исәпкә алу кәгазьләрен тутырды.

Алтынчы чакырылыш Дәүләт Советының егерме алтынчы утырышы 25 октябрьдә көндезге 10 сәгатьтә булачак. Бүген парламент Президиумы утырышында шундый карар кабул ителде. Парламентарийлар 19 мәсьәләне, шул исәптән 9 республика закон проекты һәм дүрт федераль закон проектын карарга ниятлиләр.

Бүген Дәүләт Советында «2022 елга, 2023 һәм 2024 еллар план чорына республика бюджеты турында» матбугат конференциясе узды. Журналистларның сорауларына Бюджет, салымнар һәм финанс комитеты рәисе Леонид Якунин һәм финанслар министры Радик Гайзатуллин җавап бирде.

Бүген Мәскәүдә чит илдә яшәүче Россия ватандашларының җиденче Бөтендөнья конгрессы ачылды. Форумда ватандашларыбыз иҗтимагый берләшмәләренең 400дән артык активисты, дөньяның 102 иленнән Россия диаспорасы вәкилләре, Россия сенаторлары һәм Дәүләт Думасы депутатлары, профильле министрлыклар һәм ведомстволар, руханилар вәкилләре, иҗтимагый оешмалар лидерлары катнашты. ТР Дәүләт Советы Рәисе, Ватандашлар эшләре буенча республика координацион советы җитәкчесе Фәрит Мөхәммәтшин Татарстанның ватандашлар белән эш тәҗрибәсе турында сөйләде. Татарстан федераль мәйданчыкта "мондый ярдәм программалары интенсив рәвештә гамәлгә ашырыла торган" регионнарның берсе буларак тәкъдим ителде.

2022 елга һәм 2023 һәм 2024 елларның планлы чорына республика бюджеты турындагы закон проекты профильле юнәлешләр буенча парламент комитетларында карау процедурасын узды һәм беренче укылышта карау өчен әзерләнде. Бүген Бюджет, салымнар һәм финанс комитеты утырышында закон проекты буенча җыелма бәяләмә кабул ителде, анда Дәүләт Советының барлык комитетларының тәкъдимнәре һәм искәрмәләре исәпкә алынды.

Бүген Дәүләт Советында Социаль сәясәт комитеты утырышы узды, анда депутатлар республика бюджеты һәм ММИ территориаль фонды бюджеты турында 2022 елга һәм 2023 һәм 2024 елларның планлы чорына закон проектлары буенча фикер алыштылар. Моннан тыш, депутатлар халыкның мәшгульлегенә булышлык итү өлкәсендә дәүләт сәясәтен гамәлгә ашыру турында һәм инвалидлар һәм социаль яклауга аеруча мохтаҗ гражданнар өчен эш урыннарын квоталау һәм резервлау турында закон проектын карадылар. Утырышны Социаль сәясәт комитеты рәисе Светлана Захарова үткәрде.

Бүген Дәүләт Советында «2022 елга һәм 2023 һәм 2024 елларның планлы чорына республика бюджетына КПРФ карашы» дип аталган матбугат конференциясе узды. Журналистларның сорауларына Дәүләт Советында КПРФ фракциясе җитәкчесе, Дәүләт корылышы һәм җирле үзидарә комитеты рәисе урынбасары Хафиз Миргалимов, депутатлар Александр Комисаров һәм Фадбир Сафин җавап бирде.

Бүген Дәүләт Советында узган Икътисад, инвестицияләр һәм эшкуарлык комитеты утырышының төп мәсьәләсе республиканың 2022 елга һәм 2023 һәм 2024 елларның планлы чорына бюджеты турындагы закон проекты булды. Республика икътисады моңа кадәр уйлаганга караганда тизрәк торгызыла, әмма тоткарлаучы фактор булып элеккечә үк уңайсыз эпидемиологик вәзгыять кала, дип саный депутатлар. Парламентарийлар комитеты утырышында шулай ук республикада алкоголь продукциясен ваклап сату вакытына, шартларына һәм урыннарына карата өстәмә чикләүләр турындагы канунның ничек гамәлгә ашырылуы турында фикер алыштылар һәм инвестиция эшчәнлеге турында республика законына үзгәрешләр кертү хакында закон проектын карадылар.

Бүген Дәүләт Советында Дәүләт корылышы һәм җирле үзидарә комитеты утырышы узды, анда республика бюджеты һәм ТР Сайлау кодексына үзгәрешләр кертү турындагы закон проектлары каралды. Комитет утырышын аның рәисе Альберт Хәбибуллин үткәрде, чарада Дәүләт Советы Рәисе урынбасары Марат Әхмәтов катнашты.