Яңалыклар

Дәүләт Советы депутатларының сайлау округларында эше дәвам итә. Бу атнада парламентарийлар балалар лагерьларында булдылар, «Мәктәпкә җыенырга ярдәм ит!" хәйрия акциясе кысаларында мәктәп портфельләрен тапшырдылар. Балалар сәнгать мәктәбе ачылышында катнаштылар, шулай ук республиканың социаль учреждениеләрендә булдылар.

Бүген Дәүләт Советы Рәисе Фәрит Мөхәммәтшин Сария Сабурскаяга Татарстанда Кеше хокуклары буенча вәкаләтле вәкил таныклыгын тапшырды. Очрашуда Дәүләт Советы Секретаре Лилия Маврина һәм Законлылык һәм хокук тәртибе комитеты рәисе Александр Чубаров катнашты.

«Татар-информ»га Казан хоспислары пациентларының нинди шартларда яшәве, моның ничек тормышка ашырылуы һәм хәйриячелек белән шөгыльләнүчеләрнең нинди булырга тиешлеге турында ТР Дәүләт Советы депутаты, лейкемия белән авыручы балаларга ярдәм итүче Анжела Вавилова исемендәге иҗтимагый хәйрия фонды идарәсе башлыгы Владимир Вавилов сөйләде.

Бүген ТР Дәүләт Советы Рәисе урынбасары Марат Әхмәтов Яшел Үзән муниципаль районында булды. Быел Татарстанда күренекле татар мәгърифәтчесе, галим-энциклопедист, педагог һәм язучы Каюм Насыйриның тууына 200 ел тулуны билгеләп үтәчәкләр. Сәфәр барышында Марат Әхмәтов язучының кече ватанында – Кече Шырдан авылында булды.

Татарстаннан Луганск Халык Республикасында яшәүчеләргә  иң кирәкле әйберләрдән торган чираттагы йөк юлга кузгалды. Тугыз машинага төялгән 140 тонна гуманитар йөк «Бердәм Россия» партиясенең Татарстандагы бүлеге ярдәме белән җыелды. Йөкне озатуда Татарстан Дәүләт Советы Рәисе Фәрит Мөхәммәтшин катнашты.

XVIII халыкара тарихи техника фестивале 16 августта «Зөя калкулыклары» тау чаңгысы комплексы территориясендә узачак. Фестивальне ачу тантанасында Дәүләт Советы Рәисе, “Авторетроклуб-21” президенты Фәрит Мөхәммәтшин катнашачак.

Сайлау округларында Дәүләт Советы депутатларының эше дәвам итә. Бу атнада парламентарийлар гражданнарны кабул иттеләр, балалар сәламәтләндерү лагерьлары эше белән таныштылар, социаль оешмаларда булдылар.

Дәүләт Советы депутаты Мәгъсүм Сәлахов читтән торып гражданнар кабул итте. Депутатка Нурлат муниципаль районы халкы мөрәҗәгать итте. Мөрәҗәгать итүчеләр Нурлатта Бөтенроссия сукырлар җәмгыяте бүлеген төзекләндерү, йорт яны территориясен карап тоту һәм спорт комплексын төзү мәсьәләләре белән мөрәҗәгать иттеләр.

Дәүләт Советының Законлылык һәм хокук тәртибе комитеты рәисе урынбасары, Россия Герое Рәсим Баксиков Яшел Үзән муниципаль районында  эш сәфәрендә булды. Татарстан Республикасы  хезмәт, мәшгульлек һәм социаль яклау министры Эльмира Зарипова белән бергә алар "Гнездышко" социаль приютында, шулай ук капиталь ремонт тәмамланган Мәшгульлек үзәгендә булдылар.

Дәүләт Советы Секретаре Лилия Маврина гражданнар кабул итте.