Яңалыклар

Бүген Казанда «Балалар илне рәсемгә төшерә» республика телевизион конкурсында җиңүчеләрне бүләкләделәр. Быел ул «Бердәм Россия» партия проекты кысаларында унтугызынчы мәртәбә уздырылды. Республиканың төрле районнарыннан 8-12 яшьлек 16 укучы лауреат булды. Балаларны конкурста җиңүләре белән Дәүләт Советы Рәисе, «Бердәм Россия” партиясенең төбәк бүлеге Секретаре Фәрит Мөхәммәтшин котлады.

Бүген Дәүләт Советында 2024 ел йомгаклары буенча ел саен үткәрелә торган «Муниципаль идарә өлкәсендә иң яхшы хезмәткәр» һәм «Массакүләм мәгълүмат чараларында җирле үзидарә темасын иң яхшы яктырту» конкурсларында җиңүчеләрне бүләкләү тантанасы узды. Дәүләт Советы исеменнән конкурсларда җиңүчеләрне һәм лауреатларны Дәүләт корылышы  һәм җирле үзидарә комитеты рәисе Альберт Хәбибуллин сәламләде. Чарада шулай ук Мәгариф, мәдәният, фән һәм милли мәсьәләләр комитеты рәисе Айрат Зарипов, ТР Муниципаль берәмлекләре Советы Рәисе Әгъзам Гобәйдуллин, ТР Рәисе каршындагы Дәүләт хезмәте һәм кадрлар департаменты җитәкчесе Александр Белов, ТР Рәисенең Территорияләр белән эшләү идарәсе башлыгы урынбасары Илдар Ибраһимов катнашты.

Дәүләт Советы депутатларының сайлау округларында эшчәнлеге дәвам итә. Бу атнада парламентарийлар гражданнарны кабул итте, балаларны савыктыру лагерьларында һәм социаль объектларда булдылар, шулай ук «Мәктәпкә җыенырга ярдәм ит» республика акциясенә кушылдылар.

Хөрмәтле татарстанлылар! Сезне ихлас күңелдән Россия Федерациясе Дәүләт флагы көне белән котлыйм.

Бүген Мәскәүдә Татарстан мәдәнияте көннәре тәмамланды. Космодамиан яр буе ярындагы Мәскәү халыкара музыка йортында традицион рәвештә үткәрелеп килгән республика сәнгать осталары концертына килүчеләрне Дәүләт Советы Рәисе Фәрит Мөхәммәтшин сәламләде. 

Бүген Казанда, ТР Кеше хокуклары буенча вәкаләтле вәкил аппараты базасында көн дәвамында хәрби хезмәткәрләргә ярдәм күрсәтү мәсьәләләре буенча "Хатын-кызлар игътибары" кайнар линиясе эшләде. Кайнар линия үткәрү инициативасы белән традицион рәвештә Дәүләт Советының "Мәрхәмәт - Милосердие" хатын-кыз депутатлары берләшмәсе әгъзалары чыкты.

Бүген Мәскәүдә танылган язучы һәм җәмәгать эшлеклесе, Татарстанның халык шагыйре, XII чакырылыш Югары Советы һәм I-V чакырылыш Дәүләт Советы депутаты Разил Вәлиев истәлегенә багышланган музыкаль-шигъри кичә узды. Татарстан Республикасы Рәисе, республика парламенты һәм Хөкүмәте исеменнән кунакларны һәм чарада катнашучыларны Дәүләт Советы Рәисе Фәрит Мөхәммәтшин сәламләде.

Бүген Дәүләт Советы Рәисе Фәрит Мөхәммәтшин Мәскәүнең Новокузнецкая урамындагы скверда урнашкан бөек татар шагыйре Габдулла Тукай һәйкәленә чәчәкләр салды. Тантаналы чара Мәскәүдә Татарстан Республикасы мәдәнияте көннәре кысаларында узды. 

Дәүләт Советы Рәисе Фәрит Мөхәммәтшин Мәскәүдә эш сәфәрендә,  анда ул Татарстан Республикасы мәдәният көннәре кысаларында уза торган чараларда катнаша.

Өч ел эчендә "РОСТКИ" форумы Россия һәм Кытай хезмәттәшлегенең иң мөһим мәйданчыкларының берсенә әйләнде, анда төбәкләр һәм провинцияләр арасында элемтәләр урнаштырыла, ә ике бөек державаның совет чорында нигезләнгән яхшы күршелек мөнәсәбәтләре алга таба үсеш өчен ныклы нигезгә һәм яхшы базага ия. Бу хакта бүген Дәүләт Советы Рәисе, Халыкара хезмәттәшлек проблемалары буенча Россия Закон чыгаручылар советы комиссиясе рәисе Фәрит Мөхәммәтшин "Казан-Экспо" мәйданчыгында "РОСТКИ: Россия һәм Китай - үзара файдалы хезмәттәшлек" III Халыкара форумы кысаларында журналистлар белән әңгәмәсендә белдерде.